2 Korintobi 6:14 - BAIBLO ALOO NGMAMI KLƆUKLƆU Ɔ

¹⁴ Nyɛɛ kɛ ni nɛmɛ nɛ he we yi ɔ kó bɔ. Dami sane yemi kɛ mlaa tɔmi ɔ, mɛni kake peemi ngɛ a kpɛti? Aloo mɛni bɔmi lɛ ngɛ la kɛ diblii a kpɛti?

Somi He Ɔ

¹⁴ Nyɛɛ kɛ ninɛmɛ nɛ he we yi ɔ ko pee kake. Ejakaa mɛni bɔmi dami kɛ mlaatɔmi ngɛ? Aloo mɛni bɔmi la kɛ diblii ngɛ?

2 Korintobi 6:14 ပူးပေါင်းရင်းမြစ်များ

1 Korintobi 15:33

Nyɛ ko ha nɛ a sisi nyɛ. “Huɛ yaya bɔmi puɛɔ je mi bami kpakpa.”

1 Korintobi 10:21

Nyɛ be nyɛe maa nu Nyɔmtsɛ ɔ kplu ɔ, nɛ́ nyɛ ma ya nu mumi yayamihi hu a kplu. Nyɛ be nyɛe maa ye ní ngɛ Nyɔmtsɛ ɔ we okplɔɔ ɔ he, nɛ nyɛɛ kɛ mumi yayamihi hu ma ya ye ní.

Yakobo 4:4

Nyɛ gba puɛli nɛ nyɛ yi Mawu anɔkuale! Anɛ nyɛ li kaa ke nɔ ko suɔ je ɔ, nɔ ɔ ngɛ Mawu nyɛe lo? Lɔ ɔ he ɔ, nɔ tsuaa nɔ nɛ e kɛ je ɔ bɔɔ ɔ, e peeɔ Mawu he nyɛlɔ.

Mose III, 19:19

“Nyɛɛ ye ye mlaa amɛ a nɔ. Nyɛ ko ha nɛ nyɛ we mi lohwehi nɛ kuɔ henɔ kpahi nɛ a kɛ mɛ nɛ fɔ. Nyɛ ko du wu munomuno enyɔ ngɛ ngmɔ kake mi; nɛ nyɛ ko wo tade nɛ a kɛ nɔ́ slɔɔto enyɔ lo bo ɔ.

1 Korintobi 5:9

I de ngɛ womi nɛ i ngma nyɛ ɔ mi ke nyɛɛ kɛ nihi nɛ fiɛɔ nyumu kɛ yo yakayaka fiɛmi kó bɔ.

La 106:35

Mohu ɔ, a ya futu je ma amɛ, nɛ a kase a ní peemi ní ɔmɛ.

Matsɛmɛ I, 18:21

Eliya hɛ lɛ kɛ su ma a he, nɛ e bi mɛ ke, “Kɛ yaa si mɛni be loko nyɛ maa pee nyɛ juɛmi ngɛ nɔ́ enyɔ nɛ ɔmɛ a he? Ke Yawɛ ji Mawu ɔ, nyɛ ja lɛ; ke Baal ji Mawu ɔ, nyɛ ja lɛ.” Se ma a ha we lɛ heto.

Abɛ Womi 22:24

Nɔmlɔ nɛ be tsui ɔ, o kɛ lɛ ko bɔ. Nɔ nɛ mi mi fuɔ mla a, o kɛ lɛ ko nyɛɛ.

Filipibi 2:15

Ke nyɛ pee ja a, nyɛ he ma tsɔ, nɛ piami ko piami ko be nyɛ he hie; nyɛ maa pee Mawu bimɛ nitsɛnitsɛmɛ ngɛ yayami peeli, kɛ nihi nɛ a tue wa a a kpɛti. Ejakaa nyɛ je mi bami he tsɔ kaa bɔ nɛ dodoe kpɛɔ.

Malaki 2:11

Si nɛ Yuda bi ɔmɛ wo Mawu ɔ, a yi nɔ; mohu ɔ, a tsu musu ní ngɛ Yerusalem, kɛ zugba a tsuo nɔ. A ble Yawɛ we ɔ nɛ e suɔ saminya a. Nyumu ɔmɛ ngɔ yihi nɛ jaa ma se mawuhi.

Abɛ Womi 29:27

Bɔ nɛ yiwutsotsɛ sume nɔ nɛ peeɔ nɔ́ nɛ da sane ɔ, jã kɛ̃ nɔ nɛ peeɔ nɔ́ nɛ da hu sume yiwutsotsɛ sane.

La 119:63

O tsɔli ɔmɛ nɛ sɔmɔɔ mo, kɛ nihi nɛ yeɔ o mlaa amɛ a nɔ ɔ, ye huɛmɛ ji mɛ tsuo.

Yohane 7:7

Je ɔ be nyɛ nyɛe, se a nyɛɔ mi, ejakaa a yeɔ odase kɛ siɔ mɛ ngɛ ní yayamihi nɛ a peeɔ ɔ he.

Malaki 2:15

O kɛ o yo ɔ, anɛ Mawu pee we nyɛ ni enyɔ ɔmɛ kake lo? Mɛni he je lɛ Mawu pee ja a? Mawu pee nɔ́ nɛ ɔ, bɔ nɛ pee nɛ nyɛ fɔ bimɛ nɛ ma ba pee lɛ nitsɛ e ma. Lɔ ɔ he ɔ, si nɛ nyɛ wo nyɛ nihe mi yi kpeekpee ɔmɛ ɔ, nyɛɛ hyɛ saminya nɛ nyɛ ti nɔ ko kó je se kɛ ya pee nɔ́ kpa.

1 Korintobi 7:39

Yogbayo ɔ, be abɔ nɛ e huno ngɛ je mi kɛ mwɔɔ ɔ, mlaa fi lɛ. Ke e huno ɔ gbo ɔ, lɔ ɔ lɛɛ e ngɛ he blɔ nɛ e gbaa nɔ tsuaa nɔ nɛ e suɔ. Se kɛ̃ ɔ, e sa kaa nyumu ɔ nɛ pee nɔ ko nɛ le Nyɔmtsɛ ɔ.

Mose II, 34:16

Jehanɛ hu, nyɛ ma ya ngɔ a biyi ɔmɛ ekomɛ ba ha nyɛ binyumu ɔmɛ. Nɛ ke a biyi ɔmɛ ngɛ a mawu ɔmɛ jae ɔ, a maa gbla nyɛ binyumu ɔmɛ kɛ ya piɛ a he kɛ ja a mawu ɔmɛ.

La 16:3

Hyɛ bɔ nɛ Yawɛ e ni klɔuklɔuhi nɛ ngɛ je ɔ mi ɔ a hɛ mi ngɛ nyami ha! Mɛ ji ni nɛmɛ nɛ i naa a he bua jɔmi.

Ezra 10:19

A wo si ke a maa ngmɛɛ a yi ɔmɛ a he; nɛ a ngɔ agbosu kake kɛ sã bɔ, konɛ a ngɔ a he yayami ɔmɛ kɛ pa mɛ.

Kronika II, 19:2

Gbalɔ Yehu, Hanani binyumu ɔ ba kpee matsɛ ɔ, nɛ e de lɛ ke, “Anɛ e da ha mo kaa o ya piɛ yiwutsotsɛmɛ a he, nɛ o kɛ ni nɛmɛ nɛ a sume Yawɛ nɛ bɔ lo? Nɔ́ nɛ o pee nɛ ɔ ha nɛ Yawɛ mi mi fu mo.

Ni Tsumi 4:23

Benɛ a ngmɛɛ Petro kɛ Yohane he nɔuu nɛ a ba nyɛmimɛ ɔmɛ a ngɔ ɔ, a ba sɛɛ níhi tsuo nɛ osɔfo nikɔtɔma amɛ, kɛ ma nimeli ɔmɛ de mɛ ɔ ha mɛ.

Mose I, 24:3

ngɛ Yawɛ, hiɔwe kɛ zugba Mawu ɔ biɛ mi, kaa o be yo hlae kɛ ha ye binyumu Isak kɛ je Kanaan bi ɔmɛ nɛ i kɛ mɛ ngɛ ɔ a kpɛti.

1 Korintobi 6:6

Se mohu, nɔ kɛ e nyɛmi yaa kojomi he, nɛ nihi nɛ li Kristo ɔ ya hyɛɛ a sane mi ha mɛ.