2 Korintobi 6:13 - BAIBLO ALOO NGMAMI KLƆUKLƆU Ɔ

¹³ Jehanɛ lɛɛ, i kɛ nyɛ maa tu munyu kaa bɔ nɛ i kɛ imi nitsɛ ye bimɛ maa tu munyu ɔ. Nyɛ hu nyɛ bli nyɛ tsui nya gbajaa ha wɔ.

Somi He Ɔ

¹³ Nyɛ hu nyɛ ha nyɛ tsui mi nɛ bli ja nɔuu nɛ nyɛ kɛ to wɔ nane mi (i kɛ nyɛ ngɛ munyu tue kaa ye bimɛ.)

2 Korintobi 6:13 ပူးပေါင်းရင်းမြစ်များ

3 Yohane 1:4

Nɔ́ nɛ peeɔ mi bua jɔmi pe kulaa ji kaa ma nu kaa ye bimɛ ɔmɛ ngɛ nyɛɛe ngɛ anɔkuale ɔ nya.

1 Yohane 3:18

Ye bimɛ nɛ i suɔ! Ke wa ke wa suɔ nɔ ko ɔ, wa ko de kɛ nya kɛkɛ; wa suɔmi ɔ nɛ pee anɔkuale suɔmi nɛ jee kpo ngɛ ní peemi mi.

1 Yohane 3:7

Ye bimɛ tsɔwi, nyɛ ko ha nɛ nɔ ko nɛ sisi nyɛ! Nɔ tsuaa nɔ nɛ peeɔ nɔ́ nɛ da a, dalɔ ji lɛ kaa bɔ nɛ Kristo hu dalɔ ji lɛ ɔ.

1 Yohane 2:1

Ye bimɛ tsɔwi, i ngɛ nyɛ womi nɛ ɔ ngmae, konɛ nyɛ ko pee yayami. Se ke nɔ ko pee yayami pohu ɔ, wa ngɛ nɔ nɛ daa mi kɛ haa wɔ ngɛ Tsɛ ɔ ngɔ. Lɛ ji Yesu Kristo, nɔ nɛ peeɔ nɔ́ nɛ da a.

1 Tesalonikabi 2:11

Nyɛ le bɔ nɛ waa kɛ nyɛ ti nɔ tsuaa nɔ hi si kaa tsɛ kɛ e bi.

Galatabi 4:12

Ye nyɛmimɛ, i kpa nyɛ pɛɛ, nyɛɛ kase mi. Nyɛ le, sa a, i ngɛ kaa nyɛ. Nyɛ pee we mi yayami ko.

Marko 11:24

Lɔ ɔ he ɔ, i ngɛ nyɛ dee ke, ke nyɛ ngɛ sɔlee, nɛ nyɛ bi ke a pee nɔ́ ko ha nyɛ ɔ, nyɛ he ye; kɛkɛ ɔ, nɔ́ tsuaa nɔ́ nɛ nyɛ bi ɔ, a maa pee ha nyɛ.

La 81:10

Imi ji Yawɛ, nyɛ Mawu ɔ, nɔ nɛ je nyɛ kɛ je Egipt zugba a nɔ ɔ nɛ. Nyɛɛ pa nyɛ nya mi hatoo, nɛ ma lɛ nyɛ.

Galatabi 4:19

Ye bimɛ nɛ i suɔ, nyɛɛ hyɛ bɔ nɛ i ngɛ haoe ngɛ nyɛ he ekohu kaa yo nɛ nu kɔɔmi, hluu kɛ yaa su be nɛ a maa na subai nɛ ngɛ Kristo mi ɔ ngɛ nyɛ mi.

La 119:32

Ma ye o mlaa amɛ a nɔ kɛ gɛjɛmi; ejakaa o ha nɛ i nu mlaa amɛ a sisi saminya.