2 Korintobi 6:12 - BAIBLO ALOO NGMAMI KLƆUKLƆU Ɔ

¹² Wɔɔ lɛɛ wa je wa suɔmi kpo ha nyɛ; nyɛ lɛ nyɛ gbo we wa nɔ.

Somi He Ɔ

¹² Blɔ ngɛ wa mi ha nyɛ, se nyɛ mohu lɛ nyɛ nga nyɛ tsui nya wo wɔ.

2 Korintobi 6:12 ပူးပေါင်းရင်းမြစ်များ

Hiob 36:16

Mawu je mo kɛ je amanehlu mi, nɛ e ha mo tue mi jɔmi, kɛ niye ní kpakpa.

Abɛ Womi 4:12

Ke o ngɛ nyɛɛe ɔ, o be nɔ́ tɛe; ke o ngɛ fo tue ɔ, o be si nɔe.

Fiɛlɔ 6:9

E hi kaa o bua nɛ jɔ nɔ́ nɛ o ngɛ ɔ he, pe kaa daa nɛ ɔ, o ko suɔ nɛ o na nɔ́ kpa mohu. Enɛ ɔ hu ji yaka nɔ́ ko. E ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Mika 2:7

Anɛ o susu kaa a gbiɛ Israel ma a lo? Anɛ Yawɛ tsui si tomi ɔ ta lo? Anɛ e maa pee ní nɛ ɔmɛ niinɛ lo? Anɛ nihi nɛ peeɔ nɔ́ nɛ da a, e wui mɛ ga kpakpa lo?”

Mateo 7:14

Se agbo nɛ kɛ nɔ yaa wami mi ɔ ngɛ tokofii; blɔ ɔ hu hí, nɛ nihi bɔɔ pɛ lɛ naa blɔ ɔ.

2 Korintobi 4:8

Nihi haoɔ wɔ be tsuaa be, se kɛ̃ ɔ, a yi wa nɔ; be komɛ ɔ, wa yi mi peeɔ wɔ enyɔɔnyɔ, se kɛ̃ ɔ, wa nine mi wui nyu;

2 Korintobi 7:2

Nyɛ je nyɛ suɔmi kpo kɛ tsɔɔ wɔ! Wa pee we nɔ ko yayami; wa kpataa we nɔ ko nane, nɛ wa sisi we nɔ ko hulɔ.

Filipibi 1:8

Bɔ nɛ Kristo Yesu mi mi sãã lɛ ngɛ wa he ɔ, jã ye hɛ ngɛ jae wawɛɛ ngɛ nyɛ he; Mawu ji ye odase kaa i yi lakpa.

1 Yohane 3:17

Ke nɔ ko ngɛ je nɛ ɔ mi ní, nɛ e na e nyɛmi nɛ e fi lɛ, se e mi mi sãã we lɛ ngɛ e nyɛmi ɔ he nɛ e ye bua lɛ ɔ, anɛ e ma nyɛ de ke e suɔ Mawu lo?