2 Korintobi 6:10 - BAIBLO ALOO NGMAMI KLƆUKLƆU Ɔ

¹⁰ A naa wɔ kaa kɔmɔ yeli, se daa nɛ ɔ, wa bua jɔ; wa ngɛ kaa ohiatsɛmɛ, se wa haa nɛ nihi babauu peeɔ niatsɛmɛ; wa ngɛ kaa dɛgutsɛmɛ, se wa ngɛ nɔ́ tsuaa nɔ́.

Somi He Ɔ

¹⁰ kaa kɔmɔ yeli, se wa bua jɔɔ daa; kaa ohiafohi, se wa tsakee nihi fuu ngɔ peɔ niatsɛmɛ; kaa nihi nɛ be nɔ́ ko, se kɛ̃ ɔ wa ngɛ nihi kulaa.

2 Korintobi 6:10 ပူးပေါင်းရင်းမြစ်များ

Yohane 16:22

Jã nɔuu, nyɛ hu amlɔ nɛ ɔ, nyɛ ngɛ kɔmɔ yee, se ma na nyɛ ekohu. Nyɛ tsui maa nɔ nyɛ mi, nɛ nyɛ bua jɔmi ɔ, nɔ ko be hee ngɛ nyɛ dɛ.

2 Korintobi 8:9

Nyɛ le suɔmi agbo nɛ wa Nyɔmtsɛ Yesu Kristo ngɛ kɛ ha wɔ. Niatsɛ mi niatsɛ ji lɛ. Se nyɛ he ɔ, e pee e he ohiatsɛ, konɛ nyɛɛ lɛɛ nyɛɛ pee niatsɛmɛ.

Kpojemi 2:9

I le o haomi ɔmɛ! I le kaa nɔ́ ko be o dɛ lɛɛ, se kɛ̃ ɔ, niatsɛ ji mo. Nihi nɛ deɔ ke Yuda bi ji mɛ, pohu e be mi ja a, ní yayahi nɛ a deɔ ngɛ o he ɔ, i le lɛ tsuo. Abosiami jali a kuu ji mɛ!

Yakobo 2:5

Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.

Hebribi 10:34

Niinɛ, nyɛ mi mi sã nyɛ ngɛ nihi nɛ a wo mɛ tsu ɔ a he; nɛ benɛ a ngɛ nyɛ níhi tsuo kpɔe ngɛ nyɛ dɛ pani nya a, nyɛɛ kɛ bua jɔmi ngmɛɛ he ha mɛ faa. Ejakaa nyɛ le kaa nɔ́ nɛ nyɛ nine su nɔ ɔ hi kulaa pe lɔ ɔmɛ, nɛ e ngɛ kɛ yaa neneene hulɔ.

1 Timoteo 4:8

Nɔmlɔ tso ɔ he mi kami ɔ, se nami bɔɔ kɛkɛ lɛ ngɛ he, se mumi mi nɔ́ ɔ lɛɛ kaa bɔ nɛ a wo si ɔ, e he ngɛ se nami babauu ngɛ je nɛ ɔ mi, kɛ nɔ́ nɛ maa ba a mi tete.

Filipibi 4:4

Kaa nihi nɛ ngɛ Nyɔmtsɛ ɔ mi ɔ, nyɛ bua nɛ jɔ daa! I ngɛ dee ekohu ke, nyɛ bua nɛ jɔ!

1 Tesalonikabi 1:6

Nyɛ kase waa kɛ Nyɔmtsɛ ɔ tsuo, ejakaa benɛ a ngɛ nyɛ yi mi wae ɔ, Mawu Klɔuklɔu ɔ wo nyɛ he wami, nɛ nyɛɛ kɛ bua jɔmi he sɛ gbi ɔ.

Kolosebi 3:16

Nyɛ ha nɛ Kristo sɛ gbi ɔ nɛ hyi nyɛ fuu. Nyɛɛ tsɔɔ nyɛ he ní, nɛ nyɛɛ wo nyɛ sibi ga kɛ juɛmi nɛ mi kuɔ. Nyɛ la La womi ɔ mi lahi, yi jemi lahi, kɛ mumi mi lahi kɛ je nyɛ tsui mi nɛ nyɛ kɛ na Mawu si.

Filipibi 2:17

Ke e maa ba mi kaa a ma plɛ ye muɔ kɛ pue nyɛ he bɔ nɛ nyɛ ngɛ sãe kɛ ngɛ nyɛ hemi kɛ yemi he ní tsue ɔ nɔ po ɔ, ye bua maa jɔ, nɛ i kɛ nyɛ ma nya.

Romabi 11:12

Ke Yuda bi a si gbeemi ɔ plɛ pee gbaami ha je ɔ tsuo, nɛ a ní nɛ bɔ mɛ ɔ ba pee gbaami ha ma je li ɔmɛ ɔ, lɛɛ ke Yuda bi ɔmɛ tsuo tsake ɔ, gbaami nɛ a maa gbaa je ɔ, kɛ e hiɛmi maa hi kɛɛ?

Abɛ Womi 16:16

Ke o le ní ɔ, e hi hluu pe sika tsu; juɛmi hi pe sika hiɔ.

1 Petro 4:13

Se mohu, nyɛ bua nɛ jɔ kaa amanehlu nɛ Kristo na a, nyɛ hu nyɛ ngɛ nae. Kɛkɛ ɔ, ke e ba ekohu kɛ he wami kpetekpleenyɛ ɔ, nyɛ ma na bua jɔmi babauu.

2 Korintobi 4:7

Wɔ nɛ wa ná kikɛmɛ a mumi mi juetli nɛ ɔ, wa ngɛ kaa zu buɛhi. Enɛ ɔ tsɔɔ kaa he wami kpetekpleenyɛ nɛ ɔ, Mawu ngɔ nɛ e je, pi wɔɔ wa ngɔ.

2 Korintobi 2:4

Benɛ i ngɛ nyɛ womi ɔ ngmae ɔ, he hiami sɔuu ha nɛ ye tsui kpa miɔ nɛ e ma tsɔ, nɛ kikɛ nɛ ɔ vo nyu ngɛ ye hɛngmɛ mi jee kɛ ngɛ si puee. Pi ye yi mi tomi ji kaa ma ha nɛ nyɛɛ ye kɔmɔ, se mohu bɔ nɛ pee nɛ nyɛɛ na bɔ nɛ i suɔ nyɛ ha.

Romabi 15:13

Mawu, nɔ nɛ haa nihi tsuo hɛ kɛ nɔ fɔmi ɔ, e ha nyɛ hyi tɔ kɛ bua jɔmi, kɛ he jɔmi tsuo ngɛ nyɛ hemi kɛ yemi ɔ nya, konɛ Mumi Klɔuklɔu ɔ nɛ wo nyɛ he wami, nɛ nyɛɛ ngɔ nyɛ hɛ kɛ fɔ Mawu nɔ daa.

Romabi 12:15

Nihi nɛ ngɛ nyae ɔ, nyɛɛ kɛ mɛ nɛ nya; nɛ nihi nɛ ngɛ ya foe ɔ, nyɛɛ kɛ mɛ nɛ fo.

Ni Tsumi 5:41

Bɔfo ɔmɛ je kpe ngua a hɛ mi kɛ ho kɛ bua jɔmi kaa Yesu biɛ ɔ he ɔ, Mawu bu mɛ nihi nɛ sa kaa a bɔ mɛ ahlua.

Luka 6:21

“A gbaa nyɛ nihi nɛ hwɔ ngɛ nyɛ yee amlɔ nɛ ɔ; Mawu ma ha nyɛ maa tɔ! “A gbaa nyɛ nihi nɛ nyɛ ngɛ ya foe amlɔ nɛ ɔ, ejakaa nyɛ ma ba muɔ!

Mateo 5:4

“A gbaa ni nɛmɛ nɛ yeɔ kɔmɔ, ejakaa Mawu maa jɔɔ a bua.

1 Timoteo 6:18

A ko pee kpɛle, se a bɔle nine ha nɔ tsuaa nɔ.

1 Tesalonikabi 5:16

Nyɛ na bua jɔmi daa;

Ni Tsumi 3:6

Se Petro de lɛ ke, “I be sika hiɔ, loo sika tsu, se nɔ́ nɛ i ngɛ ɔ, lɔ ɔ i ngɛ mo hae nɛ ɔ nɛ. Ngɛ Yesu Kristo, Nazaret no ɔ biɛ mi ɔ, tee si nɛ o nyɛɛ!”

La 84:11

Yawɛ Mawu ji wa pu kɛ wa tsɛ̃i. E naa wɔ mɔbɔ, nɛ e woɔ wa hɛ mi nyami. Nihi nɛ peeɔ nɔ́ nɛ da a, e ha we nɛ nɔ́ ko hiaa mɛ.

Kolosebi 1:24

Amlɔ nɛ ɔ, e peeɔ mi bua jɔmi kaa nyɛ he ɔ, i ngɛ nɔ́ nae, konɛ nɔ́ nɛ piɛ ngɛ dengme nɛ Kristo ba gbo ngɛ asafo ɔ nɛ ji e nɔmlɔ tso ɔ he ɔ, ma gbe nya ngɛ ye he lo nɛ ɔ mi.

Efesobi 3:16

I kpaa Mawu pɛɛ, konɛ kɛ gu e ní babauu nɛ hɛ mi ngɛ nyami ɔ nɔ ɔ, e ha nɛ e Mumi Klɔuklɔu ɔ nɛ wo nyɛ mumi mi he wami.

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

2 Korintobi 4:15

Nyɛ he nɛ a ngɛ enɛ ɔ tsuo pee ngɛ. Nɛ ke Mawu dloomi nya a, a ba he nihi fuu a yi wami ɔ, jã kɛ̃ sina sɔlemi ɔ maa hiɛ kɛ wo Mawu hɛ mi nyami.

1 Korintobi 1:5

Ejakaa nyɛ ya hɛ mi ngɛ nɔ́ tsuaa nɔ́ mi, munyu tumi jio, nile jio.

Romabi 9:2

I yeɔ tsui, nɛ i yeɔ kɔmɔ hu babauu

Romabi 8:32

Mawu nɛ klɔɛ e Bi ɔ he, se mohu e ngɔ lɛ kɛ sã bɔ ngɛ wɔ nimli adesahi tsuo wa he ɔ, anɛ e be níhi tsuo ngɔe kɛ piɛ he ha wɔ lo?

Ni Tsumi 16:25

Maa pee nyɔ mi kpɛti ɔ, Paulo kɛ Sila ngɛ sɔlee, nɛ a ngɛ lae kɛ ngɛ Mawu yi jee nɛ pamitsɛmɛ kpa amɛ ngɛ a he nue.

Mateo 5:12

Nyɛ nya, nɛ nyɛ na bua jɔmi, ejakaa nyɛ hiɔwo nɛ ngɛ hiɔwe ɔ kle agbo. Gbali nɛ sɛ nyɛ hlami ɔ, kikɛ nɛ ɔ nɔuu a wa mɛ yi mi.

Kpojemi 21:7

Nihi tsuo nɛ maa ye kunimi ɔ ma na nike ní nɛ ɔ kɛ maa je ye dɛ mi; ma pee a Mawu, nɛ mɛ hu a maa pee ye ma.

Abɛ Womi 13:7

Ni komɛ peeɔ a he niatsɛmɛ, pohu nɔ́ ko be a dɛ. Ni komɛ hu peeɔ a he ohiatsɛmɛ, se a ngɛ ní babauu.