2 Korintobi 5:9 - BAIBLO ALOO NGMAMI KLƆUKLƆU Ɔ

⁹ Lɔ ɔ he ɔ, nɔmlɔ tso nɛ ɔ mi wa ngɛ jio, pe wa je mi nɛ wa ho ya piɛ Nyɔmtsɛ ɔ he jio, nɔ́ nɛ wa ngɔ ma wa hɛ mi ji kaa waa sa e hɛ mi.

Somi He Ɔ

⁹ Lɔ ɔ he ɔ oti nɛ wa ngɔ ma wa hɛ mi ji kaa, we wa ngɛ jio, pe wa doma jio, nɛ waa sa e hɛ mi.

2 Korintobi 5:9 ပူးပေါင်းရင်းမြစ်များ

Mose I, 4:7

E ji o pee nɔ́ nɛ hi jinɛ i ko na o he bua jɔmi. Se akɛnɛ o ya pee we nɔ́ nɛ hi ɔ, yayami buu si ngɛ o sinya a nya kaa lohwe dikalɔ nɛ e miɔ nɛ e maa tu mla mo. Se, hyɛ nɛ o ye yayami ɔ nɔ.”

Yesaya 56:7

“Ma ngɔ nyɛ kɛ ba Zion, ye yo klɔuklɔu ɔ nɔ; ma ha nyɛ bua maa jɔ ngɛ ye sɔlemi we ɔ, nɛ bɔ ɔmɛ tsuo nɛ nyɛ maa sã ngɛ ye bɔ sami la tɛ ɔ nɔ ɔ, ma he. Ejakaa a ma tsɛ ye we ɔ je mahi tsuo a sɔlemi we.”

Yohane 6:27

Nyɛ ko gbo ngma nɛ puɛɔ ɔ he dengme. Mohu ɔ, nyɛ hla ngma nɛ hii si kɛ yaa neneene. Enɛ ɔ ji nɔ́ nɛ Nɔmlɔ Bi ɔ ma ha nyɛ ɔ nɛ, ejakaa Tsɛ Mawu ɔ nɛ hla lɛ.”

Ni Tsumi 10:35

Se mohu ma tsuaa ma mi ɔ, nɔ nɛ yee Mawu gbeye, nɛ e peeɔ nɔ́ nɛ da a, lɛ ji nɔ nɛ saa e hɛ mi.

Romabi 14:18

Ke nɔ ko ngɛ Kristo sɔmɔe ngɛ kikɛmɛ a blɔ nɛ ɔ nɔ ɔ, e ngɛ Mawu suɔmi nya ní pee, nɛ e saa nimli adesahi hu a hɛ mi.

Romabi 14:8

Ke wa hɛ ngɛ ɔ, Nyɔmtsɛ wa hɛ ngɛ kɛ ha, nɛ ke wa gbo hu Nyɔmtsɛ ɔ wa gbo kɛ ha. Lɔ ɔ he ɔ, wa hɛ ngɛ jio, wa gbo jio, Nyɔmtsɛ ɔ nihi ji wɔ.

Romabi 15:20

Nɔ́ pɔtɛɛ nɛ i kɛ ma ye hɛ mi ji kaa he nɛ a fiɛ we sane kpakpa a nɛ kɔɔ Kristo he ɔ ngɛ lolo ɔ, ma ya fiɛ ngɛ lejɛ ɔ. Kɛkɛ ɔ, nihi be dee ke i ngɛ tsu fiae kɛ ngɛ nɔ kpa sisi tomi nɔ mae.

1 Korintobi 15:58

Lɔ ɔ he ɔ, ye nyɛmimɛ nɛ i suɔ! Nyɛ fi si, nɛ nyɛɛ da si kpɛii. Ní tsumi nɛ nyɛ ngɛ tsue ha Nyɔmtsɛ ɔ, nyɛ tsu nɛ e ya nɔ saminya be tsuaa be. Ejakaa nyɛ nitsɛmɛ nyɛ le kaa dengme nɛ nyɛ ngɛ gboe ha Nyɔmtsɛ ɔ be yaka pee.

2 Korintobi 5:6

Enɛ ɔ he ɔ, wa nɔ gbagba teɔ. Ejakaa wa le kaa be abɔ nɛ wa ngɛ je nɛ ɔ mi nɔmlɔ tso ɔ mi kɛ mwɔɔ ɔ, waa kɛ Nyɔmtsɛ ɔ he kɛ.

2 Korintobi 5:8

Wa nɔ gbagba te, nɛ wa na nɛ wa je wa nɔmlɔ tso ɔ mi, nɛ wa ho nɛ waa kɛ Nyɔmtsɛ Yesu ya hi si.

Efesobi 1:6

E sa kaa wa je Mawu yi kaa e gu e dloomi nɛ hɛ mi ngɛ nyami ɔ nɔ ngɔ e bi nɛ e suɔ ɔ ngɔ ke wɔ yaka gu!

Kolosebi 1:10

Kɛkɛ ɔ, nyɛ maa ba nyɛ je mi bɔ nɛ maa sa Nyɔmtsɛ ɔ hɛ mi. Nyɛ ma tsu ní kpakpa sɔuu, nɛ nyɛ maa le Mawu saminya pe bɔ nɛ nyɛ le lɛ daa.

Kolosebi 1:29

Enɛ ɔ he ɔ, i kɛ Kristo he wami kpetekpleenyɛ ɔ nɛ ngɛ ye mi ɔ gboɔ dengme wawɛɛ kɛ tsuɔ ní.

1 Tesalonikabi 4:1

Nyagbe ɔ, nyɛmimɛ, nyɛ kase kɛ je wa ngɔ bɔ nɛ nyɛ maa ba nyɛ je mi nɛ e sa Mawu hɛ mi; nɛ jã nyɛ ngɛ pee ɔ nɛ. Se kɛ̃, ngɛ Nyɔmtsɛ Yesu biɛ mi ɔ, wa ngɛ nyɛ pɛɛ kpae, nɛ wa ngɛ nyɛ ga woe kaa nyɛɛ pee kɛ ya nɔ pe jã po.

1 Tesalonikabi 4:11

Nyɛɛ bɔ mɔde nɛ nyɛɛ pee nyɛ he kpoo, nɛ nyɛɛ kɛ nyɛ he ko wo ni kpahi a sane mi. Nyɛɛ kɛ nyɛ nine nɛ tsu ní kaa bɔ nɛ wa de nyɛ ɔ.

1 Timoteo 4:10

Wa gboɔ dengme kɛ tsuɔ ní wawɛɛ, ejakaa wa ngɔ wa hɛ ngɔ fɔ Mawu hɛ kalɔ ɔ nɔ. Lɛ ji nihi tsuo a yi wami helɔ, titli ɔ, ni nɛmɛ nɛ heɔ yeɔ ɔ.

Hebribi 12:28

Lɔ ɔ he ɔ, nyɛ ha waa na Mawu si, ejakaa e ha wɔ blɔ nya nɛ waa ye tsɛ nɛ be tsakee gblegbleegble. Nyɛ ha waa ngɔ bu, kɛ gbeye yemi kɛ ba ja lɛ kɛ wa tsui tsuo bɔ nɛ maa sa e hɛ mi;

Hebribi 4:11

Lɔ ɔ he ɔ, nyɛ ha nɛ waa bɔ mɔde, konɛ wa nine nɛ su he jɔɔmi nɛ ɔ nɔ, nɛ nɔ ko kó gbo tue kaa mɛ, nɛ e ba laa blɔ.

2 Petro 3:14

Lɔ ɔ he ɔ, ye nyɛmimɛ nɛ i suɔ! Be mi nɛ nyɛ ngɛ ní nɛ ɔmɛ blɔ hyɛe ɔ, nyɛɛ bɔ mɔde nɛ Mawu ko na mu, loo piami nɔ́ ko ngɛ nyɛ he; nyɛɛ kɛ lɛ nɛ hi si ngɛ he jɔmi mi.