2 Korintobi 5:6 - BAIBLO ALOO NGMAMI KLƆUKLƆU Ɔ

⁶ Enɛ ɔ he ɔ, wa nɔ gbagba teɔ. Ejakaa wa le kaa be abɔ nɛ wa ngɛ je nɛ ɔ mi nɔmlɔ tso ɔ mi kɛ mwɔɔ ɔ, waa kɛ Nyɔmtsɛ ɔ he kɛ.

Somi He Ɔ

⁶ Lɔ ɔ he ɔ wa naa tsui daa, nɛ wa le kaa be abɔ nɛ wa ngɛ nɔmlɔ tso ɔ mi nɛ ɔ ɔ, wa doma kɛ je Nyɔmtsɛ ɔ ngɔ

2 Korintobi 5:6 ပူးပေါင်းရင်းမြစ်များ

Kronika I, 29:15

Yawɛ lee, o le kaa wa ngɛ kaa nibwɔhi, kɛ blɔ nyɛɛli kaa wa nɛmɛ ɔmɛ pɛ. Wa wami ligbi ɔmɛ bee kɛ yaa kaa hɔ̃, nɛ wa be nyɛe maa tu gbenɔ nya fo.

La 119:19

Nubwɔ ji mi ngɛ je ɔ mi; koo ngɔ o mlaa a kɛ laa mi.

La 39:12

Yawɛ, i ngɛ kue fae kɛ ngɛ mo hae; i ngɛ mo tsɛe kɛ ngmlaa, kɛ ya; moo bu mi tue koo! Imi hu pe i ba to nubwɔ be kpiti kɛkɛ kaa ye nɛmɛ ɔmɛ nɔuu.

Abɛ Womi 14:26

Nɔ nɛ yeɔ Yawɛ gbeye ɔ, e kɛ e bimɛ tsuo hiɔ si ngɛ he jɔmi mi.

Yesaya 30:15

Nyɔmtsɛ Yawɛ, Israel Mawu klɔuklɔu ɔ ngɛ ma a dee ke, “Nyɛɛ kpale kɛ ba, nɛ nyɛɛ ngɔ nyɛ hɛ ngɔ fɔ ye nɔ kpoo. Ja jã loko nyɛ he maa wa, nɛ nyɛ ma na wami.” Se nyɛ kplɛɛ we kaa nyɛ maa pee ja!

Yesaya 36:4

Asiria asafoatsɛ ɔ de mɛ ke Asiria matsɛ nguaa a tsɔ mɛ ke a ba bi Matsɛ Hezekia nɔ́ nɛ ha nɛ e yi nɔ́ ko nɔ́ ko gbeye ɔ.

2 Korintobi 5:1

Ejakaa wa le kaa ke a puɛ zugba nɛ ɔ nɔ bo tsu nɛ wa ngɛ mi nɛ ɔ, Mawu ma ha wɔ we ngɛ hiɔwe. We nɛ ɔ, pi nine nɛ a kɛ ma, nɛ e maa hi si kɛ maa ya neneene.

2 Korintobi 5:8

Wa nɔ gbagba te, nɛ wa na nɛ wa je wa nɔmlɔ tso ɔ mi, nɛ wa ho nɛ waa kɛ Nyɔmtsɛ Yesu ya hi si.

Hebribi 10:35

Lɔ ɔ he ɔ, nyɛ kɔni mi ko jɔ̃ ngɛ nɔ́ nɛ nyɛ ngɔ nyɛ hɛ ngɔ fɔ nɔ ɔ he, ejakaa nyɛ nine maa su hiɔwo agbo ko nɔ.

Hebribi 11:13

Nimli nɛ ɔmɛ tsuo nɛ he Mawu ye ɔ, nɔ́ nɛ a wo mɛ he si ɔ, a nine sui nɔ loko a gbo. A na ní ɔmɛ ngɛ lokoo kɛkɛ nɛ a nya he, nɛ a ye odase ngɛ ma hɛ mi kaa nibwɔhi, kɛ ma se bi kɛkɛ ji mɛ.

Hebribi 13:14

Ejakaa wa be ma nɛ ngɛ daa ngɛ zugba a nɔ hiɛmɛ nɛ ɔ, se ma nɛ maa ba a mohu se blɔ wa ngɛ hlae.

1 Petro 5:1

I ngɛ munyu tue kɛ ngɛ asafo mi nikɔtɔmahi nɛ ngɛ nyɛ kpɛti ɔ tsɔɔe kɛ je ye tsui mi tɔɔ kaa nyɛ nyɛmi asafo mi nɔkɔtɔma. Amanehlu nɛ Kristo na a, i yeɔ he odase, nɛ Kristo hɛ mi nyami nɛ Mawu ma je tsɔɔ nihi ɔ, imi hu ma na. I ngɛ pɛɛ kpae kaa

Kpojemi 1:9

Imi nyɛ nyɛmi Yohane lɛ i ngma womi nɛ ɔ. Kaa Kristo se nyɛɛlɔ ɔ, a ngɛ mi yi mi wae kaa nyɛ nɔuu. I kɛ nyɛ tsuo nɛ wa ngɛ Kristo matsɛ yemi ɔ blɔ hyɛe, nɛ e sa kaa waa to wa tsui si ngɛ amanehlu nɛ wa ngɛ nae ɔ mi. A ngɔ mi ya fɔ Patmo zugba kpɔ nɛ wo bɔle lɛ ɔ nɔ, ejakaa i fiɛ Mawu munyu ɔ, nɛ i ye Yesu he odase.