2 Korintobi 5:4 - BAIBLO ALOO NGMAMI KLƆUKLƆU Ɔ

⁴ Be mi nɛ wa ngɛ bo tsu nɛ ɔ mi kɛ mwɔɔ ɔ, wa he hiaa wɔ, nɛ wa faa huu. Pi kaa wa suɔ kaa waa ngmɛɛ wa zugba nɛ ɔ nɔ bo tsu ɔ he, se mohu kaa waa ngɔ hiɔwe nɔ́ ɔ hu kɛ ha wa he. Kɛkɛ ɔ, nɔ́ nɛ ngɛ wami ɔ ma tsake nɔ́ nɛ gboɔ ɔ.

Somi He Ɔ

⁴ Ejaka wɔ ninɛmɛ nɛ wa ngɛ bo tsu ɔ mi ɔ hu, akɛnɛ wa he hiaa wɔ he je ɔ, wa laa zanue, ejakaa wa sume kaa a je wa he nihi, se mohu wa suɔ kaa a wo wɔ ni ngɔ pue nɔ, konɛ wami ɔ nɛ mi nɔ nɛ gboɔ ɔ.

2 Korintobi 5:4 ပူးပေါင်းရင်းမြစ်များ

Yesaya 25:8

Nyɔmtsɛ Mawu maa ye gbenɔ nɔ kunimi; e ma tsu nɔ tsuaa nɔ hɛ mi vo nyu, nɛ e ma je zo nɛ gbe e ma a ngɛ je ɔ mi tsuo ɔ kɛ je. Yawɛ lɛ de.

Yesaya 38:12

A po ye wami nɔ kpiti kulaa; ye wami ɔ nya ta. E pee kaa to hyɛlɔ bo tsu nɛ a kpa ngɔ fɔ si, loo kaa bo nɛ bo lolɔ po nɔ ngɛ e bo lomi tso ɔ he. I susu kaa Mawu ha ye wami nyagbe ma amlɔ nɔuu.

Romabi 8:23

Se pi mɛ kɛkɛ, mohu wɔ nitsɛmɛ tete nɛ wa ná mumi ɔ yiblii ɔ, wɔ hu ja nɔuu wa hii kɛmɛmi nɔ wawɛɛ ngɛ wa mi, be mi nɛ wa ngɛ Mawu blɔ hyɛe kaa e pee wɔ e bimɛ kɛ pi si, konɛ wa nɔmlɔ tso ɔ nɛ ye e he kulaa.

1 Korintobi 15:51

Nyɛɛ bu tue! Anɔkuale laami sane nɛ i ngɛ nyɛ dee nɛ ɔ nɛ. Wɔ tsuo wa be gboe! Se ke nyagbe titimati ɔ pɛ ɔ, a ma tsake wɔ tsuo amlɔ kaa a fiaa hɛngmɛ. Ejakaa ke titimati ɔ pɛ ɔ, ni gbogboe ɔmɛ maa te si, nɛ a be gboe hu gblegbleegble. Nɛ a ma tsake wɔ tsuo.

2 Korintobi 5:2

Be mi nɛ wa ngɛ bo tsu nɛ ɔ mi ɔ, wa hɛ jaa, nɛ wa faa huu kaa a ngɔ wa tsu nɛ je hiɔwe ɔ ngɔ wo wɔ.

2 Korintobi 5:3

Ke wa ngɔ lɔ ɔ kɛ ha wa he ɔ, nɔ ko be nae kaa wa hɛɛ wa he gu.

2 Petro 1:13

Be abɔ nɛ i ngɛ je mi kɛ mwɔɔ ɔ, i susu kaa e sa kaa ma ya nɔ ma hɛli nyɛ si ngɛ ní nɛ ɔmɛ a he.