2 Korintobi 5:16 - BAIBLO ALOO NGMAMI KLƆUKLƆU Ɔ

¹⁶ Kɛ je be nɛ ɔ mi kɛ yaa a, wa kojo we nɔ kaa bɔ nɛ adesa to blɔ nya a hu. E ngɛ mi kaa be ko nɛ be ɔ, jã lɛ wa kojo Kristo; se piɔ lɛɛ wa pee we jã hu.

Somi He Ɔ

¹⁶ Lɔ ɔ he ɔ, kɛ je mwɔnɛ ligbi nɛ ɔ nɔ kɛ yaa nɛ ɔ, wa kojo we nɔ ko nɔ ko ngɛ he lo nya hu; nɛ ke be nɛ be ɔ mi ɔ wa le Kristo ngɛ he lo nya tete ɔ, kɛ̃ ɔ jehanɛ wa li lɛ ja hu.

2 Korintobi 5:16 ပူးပေါင်းရင်းမြစ်များ

Mose IV, 10:30

Se Hobab de lɛ ke, “Dɛbi; i be yae; ma kpale kɛ ya imi nitsɛ ye ma mi, kɛ imi nitsɛ ye nyɛmimɛ a ngɔ mohu.”

Mateo 10:37

“Nɔ nɛ suɔ e tsɛ, loo e nyɛ pe imi ɔ, e sɛ kaa e ba peeɔ ye kaselɔ. Nɔ nɛ suɔ e binyumu, loo e biyo pe imi ɔ, e sɛ kaa e ba peeɔ ye kaselɔ.

Yohane 15:14

Ke nyɛ pee nɔ́ nɛ i de nyɛ ke nyɛɛ pee ɔ, lɔ ɔ lɛɛ ye huɛmɛ ji nyɛ.

Yohane 2:4

Se Yesu he nɔ ke, “Maa, mɛni he je o ngɛ ye nya dooe? Be nɛ ma tsu ní ɔ sui lolo.”

Yohane 6:63

Mawu mumi ɔ nɛ haa nɔ wami ɔ nɛ. Adesa he wami pi nɔ́ ko kulaa. Munyuhi nɛ i kɛ nyɛ tu nɛ ɔ ma ha nyɛ Mawu mumi nɛ haa nɔ wami ɔ.

Yohane 8:15

Nyɛɛ lɛɛ nyɛ kojoɔ he lo nya, se imi lɛɛ, i kojo we nɔ ko.

2 Korintobi 11:18

Se akɛnɛ nihi babauu fĩaa ngɔ fɔɔ je nɛ ɔ mi níhi a nɔ ɔ, imi hu ma fĩa.

Galatabi 5:6

Ke nɔ ko ngɛ Kristo mi ɔ, a po lɛ jio, a pui lɛ jio, lɔ ɔ tsu we nɔ́ ko. Nɔ́ nɛ he hia wawɛɛ mohu ji hemi kɛ yemi nɛ jeɔ kpo ngɛ suɔmi nɛ wa ngɛ kɛ ha wa nyɛmimɛ ɔ mi ɔ.

Mose V, 33:9

A ngmɛɛ we o he, se mohu a kua a fɔli, kɛ a nyɛminyumu ɔmɛ, kɛ a bimɛ. A bu o gbi tue, nɛ a ye o somi ɔ nɔ.

Filipibi 3:4

Imi lɛ i ko ngɔ ye hɛ kɛ fɔ jamɛ a níhi a nɔ. Ke nɔ ko susu kaa e maa ngɔ e hɛ kɛ fɔ he lo nya ní peemi níhi a nɔ ɔ, imi mohu i ko pee pe ja po.

Kolosebi 3:11

Ngɛ enɛ ɔ mi ɔ, slɔɔto ko be Hela no kɛ Yuda no a kpɛti; slɔɔto be nɔ nɛ a po lɛ, kɛ mɔmlɔtɔtsɛ a kpɛti. Kɔpe no be ɔ, futufutu no be; nyɔguɛ be ɔ, odehe ko hu be. Nɔ nɛ he hia ji Kristo; nɛ nɔ́ tsuaa nɔ́ nɛ hɛ ngɛ ɔ, Kristo ngɛ e mi.

Yakobo 3:17

Se nɔ nɛ ngɛ nile nɛ je hiɔwe ɔ, kekleekle nɔ́ nɛ a naa ngɛ e he ji kaa e he tsɔ. Lɔ ɔ se ɔ, a naa kaa e he jɔ; e hɛ ka si, nɛ e nuɔ nɔ́ he ha nɔ. E naa nɔ mɔbɔ saminya, nɛ ní kpakpahi sɔuu e tsuɔ. E hyɛ we nihi a hɛ mi, nɛ e pee we osato.

Samuel I, 2:29

Mɛni he je mɔ nɛ nyɛ peeɔ jiklɔɔ ngɛ bɔ ɔmɛ nɛ i fa ke a kɛ ba ha mi ɔ he? Eli, mɛni he je o buu o binyumu ɔmɛ pe mi ɔ? Mɛni he je o ngmɛ blɔ nɛ a ngɔ bɔ ɔmɛ nɛ ye ma Israel kɛ ba haa mi ɔ e mi kpakpa amɛ kɛ ngɛ a he lɛe, nɛ a ngɛ plɔkee kikɛ nɛ ɔ?