2 Korintobi 5:15 - BAIBLO ALOO NGMAMI KLƆUKLƆU Ɔ

¹⁵ Kristo gbo ha nihi tsuo, konɛ nihi nɛ a hɛ ngɛ ɔ, a ko pee mɛ nitsɛmɛ a suɔmi nya ní hu; se mohu a pee Kristo suɔmi nya ní. Ejakaa Kristo gbo, nɛ Mawu tle lɛ si kɛ ba wami mi ekohu ngɛ mɛɛ a he.

Somi He Ɔ

¹⁵ Nɛ e gbo nihi kulaa a yi gbenɔ, konɛ nihi nɛ a hɛ ngɛ ɔ, a hɛ ko hi ngmengmle ha mɛ nitsɛmɛ a he hu, se mohu a hɛ nɛ hi ngmengmle ha nɔ nɛ gbo nɛ a tle lɛ si ekohu ngɔ ha mɛ ɔ.

2 Korintobi 5:15 ပူးပေါင်းရင်းမြစ်များ

Kolosebi 3:1

A tle nyɛɛ kɛ Kristo tsuo si, lɔ ɔ he ɔ, nyɛ hla níhi nɛ ngɛ hiɔwe, he nɛ Kristo hii si ngɛ Mawu hiɔ nɔ ngɛ ɔ.

Kolosebi 3:17

Lɔ ɔ he ɔ, nɔ́ tsuaa nɔ́ kɛ mumi lahi kɛ je nyɛ tsui mi, nɛ nyɛ ngɛ pee; munyu lɛ nyɛ ngɛ tue jio, ní nyɛ ngɛ tsue jio, nyɛɛ pee ngɛ Nyɔmtsɛ Yesu biɛ mi. Nɛ nyɛɛ gu e nɔ kɛ na Tsɛ Mawu ɔ si.

1 Yohane 4:9

Blɔ nɔ nɛ Mawu gu kɛ je e suɔmi ɔ kpo kɛ tsɔɔ wɔ ji nɛ ɔ nɛ: e tsɔ e Bi kake too ɔ kɛ ba je ɔ mi, konɛ kɛ gu e Bi ɔ nɔ ɔ, wa na wami.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Galatabi 5:25

Ke mumi ɔ lɛ haa wɔ wami ɔ, lɛɛ nyɛ ha nɛ e tsɔɔ wɔ blɔ hulɔ.

Romabi 12:1

I kpa nyɛ pɛɛ ye nyɛmimɛ, Mawu na nyɛ mɔbɔ babauu, lɔ ɔ he ɔ, nyɛɛ ngɔ nyɛ he ngɔ ha kaa bɔ nɛ a sã, se kɛ̃ e hɛ ngɛ, nɛ e he tsɔ, nɛ e saa Mawu hɛ mi; nɛ nyɛɛ kɛ nyɛ wami tsuo nɛ sɔmɔ Mawu, konɛ nyɛ jami ɔ nɛ pee ngɛ mumi mi.

1 Petro 4:6

Enɛ ɔ he je nɛ a fiɛ sane kpakpa a ngɔ tsɔɔ ni gbogboehi tete po ɔ nɛ. A kojo mɛ ngɛ he lo blɔ fa mi kaa nimli adesahi mohu lɛɛ, se a ya fiɛ sane kpakpa a ngɔ tsɔɔ mɛ, konɛ a kɛ Mawu nɛ hi si ngɛ mumi mi.

1 Tesalonikabi 5:10

Kristo ba gbo ha wɔ, bɔ nɛ pee nɛ wa hɛ ngɛ jio, wa gbo jio, waa kɛ lɛ nɛ hi si.

Romabi 6:6

Wa le enɛ ɔ, kaa a sɛu wa nɔmlɔ tso momo ɔ ngɔ piɛ Kristo he, konɛ nɔmlɔ tso su nɛ haa nɔ peeɔ yayami ɔ hɛ mi nɛ kpata, nɛ wa ko ye nyɔguɛ ha yayami hu.

Kpojemi 1:18

Imi ji hɛ kalɔ ɔ! I gbo, se hyɛ, ye hɛ ngɛ kɛ yaa neneene. I ngɛ gbenɔ kɛ gbeje a nya safe.

2 Korintobi 5:16

Kɛ je be nɛ ɔ mi kɛ yaa a, wa kojo we nɔ kaa bɔ nɛ adesa to blɔ nya a hu. E ngɛ mi kaa be ko nɛ be ɔ, jã lɛ wa kojo Kristo; se piɔ lɛɛ wa pee we jã hu.

1 Korintobi 10:33

Nyɛ wo ye nane. Nɔ́ tsuaa nɔ́ mi ɔ, i bɔɔ mɔde kaa ma sa nihi tsuo a hɛ mi. I susuu we imi nɔ kake too ye he, se mohu i hlaa kaa e hi ha nɔ tsuaa nɔ, konɛ a he a yi wami.

Kolosebi 3:23

Nɔ́ tsuaa nɔ́ nɛ nyɛ ngɛ pee ɔ, nyɛɛ je nyɛ tsui mi kɛ pee kaa nɔ́ nɛ Nyɔmtsɛ ɔ nyɛ ngɛ pee ha, se pi adesa.

Kolosebi 2:12

Nɛ a sɔle nyɛ ɔ, e tsɔɔ kaa a pu nyɛ ngɔ piɛ Kristo he; nɛ Mawu tle nyɛɛ kɛ Kristo tsuo si ekohu. Ejakaa nyɛ heɔ yeɔ kaa Mawu ngɛ he wami kpetekpleenyɛ, nɛ e tle Kristo si hulɔ.

Romabi 8:6

He lo nya níhi a he juɛmi ɔ kɛ gbenɔ baa, se mumi mi níhi a he juɛmi ɔ haa nɔ wami, kɛ he jɔmi.

Romabi 8:2

Ejakaa wa ngɛ Kristo mi, lɔ ɔ he ɔ, Mawu mumi ɔ nɛ haa nɔ wami ɔ, haa wa yeɔ wa he; nɛ yayami, kɛ gbenɔ be wa nɔ he wami hu.

Yohane 6:57

Tsɛ ɔ nɛ tsɔ mi ɔ hɛ ngɛ; nɛ e ha nɛ imi hu ye hɛ ngɛ. Jã kɛ̃, nɔ tsuaa nɔ nɛ yeɔ ye he lo ɔ, ma ha lɛ wami.

Efesobi 4:17

Lɔ ɔ he ɔ, i ngɛ nyɛ kɔkɔ bɔe ngɛ Nyɔmtsɛ ɔ biɛ mi ke, nyɛ ko ba nyɛ je mi kaa ma je li ɔmɛ hu. Ejakaa níhi nɛ a susuu ɔ, pi kaa a he be se nami kɛkɛ,

2 Korintobi 3:6

Mawu nɛ ha nɛ wa nyɛ nɛ wa ngɛ lɛ Mawu ɔ sɔmɔe kaa bɔ nɛ somi he ɔ tsɔɔ ɔ. Pi mlaa nɛ a ngma nɛ waa ye nɔ ji somi he ɔ, se mohu Mawu mumi. Mlaa nɛ a ngma a, gbenɔ nɛ e kɛ baa, se mumi ɔ haa nɔ wami.

Zakaria 10:9

E ngɛ mi kaa imi nitsɛ lɛ i gbɛ mɛ ngɔ fĩa je ma amɛ a nɔ lɛɛ, se a ma kai mi ngɛ ma se lokoo. A kɛ a bimɛ ɔmɛ tsuo a yi ma na wami, nɛ a maa kpale kɛ ba we ekohu.

Habakuk 2:4

Enɛ ɔ ji sɛ gbi ɔ nɛ: ‘Yayami peeli a hɛ mi ma kpata; se dali lɛɛ, akɛnɛ a yeɔ Mawu anɔkuale ɔ, a yi ma na wami.’ ”

Efesobi 5:14

ejakaa la lɛ haa nɛ a naa nɔ́ tsuaa nɔ́. Enɛ ɔ he je nɛ a de ke, “Mo nɔ nɛ o ngɛ mahe hwɔe, o hɛ nɛ tsɛ, nɛ o te si kɛ je gbeje. Kɛkɛ Kristo ma kpɛ ha mo ɔ nɛ.”

Romabi 8:10

Se ke Kristo ngɛ nyɛ mi ɔ, yayami nɛ nyɛ peeɔ he ɔ, nyɛ gbo ngɛ nɔmlɔ tso mi, se mumi mi lɛɛ nyɛ hɛ ngɛ, ejakaa Mawu buu nyɛ nihi nɛ da.

Yohane 5:24

“I ngɛ nyɛ dee anɔkuale mi ke, nɔ tsuaa nɔ nɛ buɔ ye munyu tue, nɛ e heɔ nɔ nɛ tsɔ mi ɔ yeɔ ɔ, e nine su neneene wami nɔ. A be lɛ fɔ bue, ejakaa e po mi ngɛ gbenɔ mi kɛ ho wami mi ya.

Ezekiel 37:14

Ma ngɔ ye mumi ɔ ngɔ wo a mi, nɛ ma ha a maa ba wami mi ekohu. Ma ha a ma ba hi mɛ nitsɛmɛ a zugba nɔ ekohu. Kɛkɛ ɔ, a maa le kaa imi ji Yawɛ. Imi ji nɔ nɛ wo si ɔ, nɛ ma ye nɔ sisiisi. Imi, Yawɛ lɛ i de.”

Romabi 6:2

Dɛbi! Wa ngɛ kaa nihi nɛ gbo, nɛ yayami be a nɔ he wami hu. Mɛni he je mɔ nɛ wa maa hi yayami pee kɛ mwɔɔ ɔ?

Ezekiel 37:9

Jehanɛ Nyɔmtsɛ Yawɛ de mi ke, “Nɔmlɔ adesa, gbaa kɛ tsɔɔ mumi ɔ. De lɛ ke Nyɔmtsɛ Yawɛ ke e je je ɔ kɔ nya eywiɛ ɔmɛ tsuo kɛ ba, nɛ e ba wo mumi kɛ pue gbogboe nɛ ɔmɛ a nɔ, konɛ a ba wami mi ekohu.”

Ezekiel 16:6

“Benɛ i ba gu o kasa nya kɛ bee nɛ i na mo ɔ, o ngɛ si wue ngɛ o muɔ ɔ mi. I de mo jamɛ a be ɔ mi lokoo ke, ‘O yi nɛ na wami,

Matsɛmɛ II, 5:17

Lɔ ɔ he ɔ, Naeman de ke, “Lɛɛ ke ja a, i kpa mo pɛɛ, ha nɛ a ha mi tabo zu teji okpɔngɔ enyɔ a yi tlomi nɛ ma kɛ ya. Ejakaa kɛ je mwɔnɛ ɔ kɛ yaa a, i be sami bɔ, loo bɔ kpa ko sãe ha mawu kpa komɛ hu kaa ja Yawɛ kɛkɛ.

Romabi 4:25

Mawu ngɔ Kristo kɛ ha nɛ a gbe lɛ ngɛ wa he yayami ɔmɛ a he; nɛ a tle lɛ si kɛ ba wami mi ekohu, konɛ e kɛ wo wɔ nguɔ.

2 Korintobi 12:10

Enɛ ɔ he je ɔ, i suɔ kaa ma na nɔ́ ngɛ Kristo he. E hɛwi mi kaa ma nu hiɔ; e hɛwi mi kaa a maa pee mi nisɛ ní, loo ye yi ma fi, loo a maa wa mi yi mi, loo ma na amanehlu. Ejakaa ke i pee gbedee ɔ, Kristo woɔ mi he wami.