2 Korintobi 5:11 - BAIBLO ALOO NGMAMI KLƆUKLƆU Ɔ

¹¹ Lɔ ɔ he ɔ, wɔ nɛ waa kɛ bu yee Nyɔmtsɛ ɔ gbeye ɔ, wa bɔɔ mɔde tuɔ munyu tsɔɔ nihi. Wɔ nitsɛmɛ lɛɛ, Mawu le bɔ nɛ wa ngɛ ha. Nɛ i heɔ yeɔ kaa nyɛ hu nyɛ le wɔ kɛ pi si jã nɔuu.

Somi He Ɔ

¹¹ Lɔ ɔ he ɔ, akɛnɛ wale Nyɔmtsɛ ɔ he nɛ ngɛ gbeye he je ɔ, wa tuɔ munyu tsɔɔ nimli, se Mawu le bɔ nɛ wa ngɛ, nɛ ye hɛ ngɛ nɔ kaa nyɛ he ni lemi mi hu ɔ nyɛ le wɔ.

2 Korintobi 5:11 ပူးပေါင်းရင်းမြစ်များ

Yuda 1:23

nyɛ je ni komɛ hu kɛ je la a mi; nyɛɛ na ni kpa komɛ hu mɔbɔ nɛ gbeye yemi ngɛ mi. Se tadehi nɛ a wo ɔ tete po nyɛɛ hie; ejakaa a kɛ he lo akɔnɔ wo he mu.

Hebribi 10:31

Nɔ nɛ Mawu hɛ kalɔ ɔ nine maa gbe lɛ ɔ, musu tloo lɛ!

Kpojemi 20:15

Nɔ tsuaa nɔ nɛ a nɛ kaa a ngma e biɛ ngɛ hɛ kali a womi ɔ mi ɔ, kɛkɛ a hɛ lɛ ngɔ fɔ taku kɛ e mi la nɛ ngɛ tsoe gegeege ɔ mi.

2 Korintobi 6:1

Akɛnɛ waa kɛ Mawu ngɛ ní tsue ɔ, wa kpa nyɛ pɛɛ, dloomi nɛ nyɛ na kɛ je Mawu dɛ mi ɔ, nyɛ ko ha nɛ e pee yaka.

2 Korintobi 5:20

Lɔ ɔ he ɔ, wa ji bɔfohi ngɛ Kristo biɛ mi ejakaa Mawu gu wa nɔ nɛ e kɛ nihi ngɛ munyu tue. Waa kɛ Kristo biɛ ngɛ nyɛ pɛɛ kpae ke nyɛ ha nɛ a dla nyɛɛ kɛ Mawu nyɛ kpɛti.

Ni Tsumi 18:13

A ya po e nya ke, “Nyumu nɛ ɔ ngɛ ma a yi mi woe nɛ a ja Mawu ngɛ blɔ ko nɔ nɛ kɛ wa mlaa a yɛ!”

Luka 12:5

Ma tsɔɔ nyɛ nɔ nɛ sa nɛ nyɛɛ ye gbeye. Nyɛɛ ye Mawu gbeye, ejakaa lɛɛ e ngɛ he wami nɛ e kɛ gbee nɔ, nɛ ke e gbe nɔ ɔ se ɔ, e ngɛ he wami nɛ e kɛ sakee nɔ ɔ kɛ fɔɔ Abosiami a je la a mi.

Nahum 1:6

Ke e mi mi fu ɔ, mɛnɔ ma nyɛ maa da nya? Ke e hɛ dɔ wawɛɛ ɔ, mɛnɔ yi ma na wami? Ke e je e mi mi la glegleegle ɔ kpo ɔ, tɛ sahi peeɔ wɔtsɔwɔtsɔ kaa bunyuku ngɛ e hɛ mi.

La 90:11

Mɛnɔ lɛ le bɔ nɛ o mi mi fumi ɔ nya wa ha? Bɔ nɛ o he ngɛ gbeye ɔ, ja lɛ o mi mi fumi ɔ ngɛ.

La 76:7

Niinɛ, o he ngɛ gbeye! Ke o mi mi fu ɔ, mɛnɔ ma nyɛ o hɛ mi maa da?

Hiob 31:23

Se akɛnɛ i yeɔ Mawu Hewamitsɛ ɔ tue gblami ɔ gbeye he je ɔ, i be nyɛe ma pee nɔ́ ko kaa ja.

Galatabi 1:10

Nɔ́ nɛ i ngɛ dee nɛ ɔ, anɛ e tsɔɔ kaa i ngɛ hlae nɛ ma sa adesa hɛ mi lo? Dɛbi! Nɔ́ nɛ i ngɛ hlae kɛkɛ ji kaa ma sa Mawu hɛ mi. Anɛ pe i ngɛ hlae nɛ nimli nɛ suɔ mi lo? Ke ja ji sane ɔ lɛɛ pi Kristo tsɔlɔ ji mi.

2 Korintobi 2:17

Wɔɔ lɛɛ wa be kaa ni kpa komɛ nɛ mɛɛ a ngɔ Mawu munyu ɔ ngɔ pee je juami nɔ́ nɛ a kɛ ngɛ si kpae ɔ. Se mohu kaa nihi nɛ le Kristo ɔ, wa tuɔ anɔkuale ɔ sisi kaa nihi nɛ a tsɔ mɛ kɛ je Mawu nitsɛ ngɔ.

Ni Tsumi 28:23

Lɔ ɔ he ɔ, a to Paulo be kpa; nɛ jamɛ a ligbi ɔ, nihi babauu ba e ngɔ ngɛ he nɛ e ba to ɔ. E gbá níhi a mi tsɔɔ mɛ kɛ je mɔtu kɛ ya si gbɔkuɛ. E tsɔɔ mɛ sɛ gbi nɛ kɔɔ Mawu matsɛ yemi ɔ he ɔ, nɛ e kɛ níhi nɛ a ngma ngɛ Mose mlaa, kɛ gbali ɔmɛ a womi ɔmɛ a mi ɔ fi e munyu ɔ se, konɛ a na anɔkuale ɔ nɛ kɔɔ Yesu he ɔ.

Ni Tsumi 26:26

Matsɛ Agripa, i ngɛ munyu tue kɛ kã kɛ ngɛ mo tsɔɔe, ejakaa o le sane nɛ ɔmɛ a mi. I he we yi kaa ní nɛ ɔmɛ eko ngɛ nɛ a kɛ laa mo; ejakaa a pee we ekoeko ngɛ kɔkɔɔmi.

Ni Tsumi 19:26

Jehanɛ ɔ, nyɛ nitsɛmɛ nyɛ nu, nɛ nyɛ na níhi nɛ kikɛmɛ a Paulo nɛ ɔ ngɛ pee. E deɔ ke mawuhi nɛ nɔmlɔ adesa kɛ e nine pee ɔ pi mawu. Amlɔ nɛ ɔ, e plɛ nihi babauu a yi mi ngɛ Efeso hiɛmɛ nɛ ɔ, kɛ Asia kpokpa tsuo nɔ.

Ni Tsumi 18:4

Daa Hejɔɔmi ligbi ɔ, e ya fiɛɔ Mawu munyu ngɔ tsɔɔ nihi ngɛ kpe he ɔ, nɛ e bɔɔ mɔde kaa e ma tsake Yuda bi, kɛ Hela bi tsuo.

Ni Tsumi 13:43

Benɛ kpe ɔ kpa a, Yuda bi, kɛ ma je li nɛ ba sɛ Yuda bi a jami ɔ mi nɛ a yee Mawu gbeye ɔ, a ti nihi babauu nyɛɛ Paulo kɛ Barnaba a se! Bɔfo ɔmɛ tu munyu tsɔɔ mɛ, nɛ a wo mɛ ga ke a ngɔ a hɛ ngɔ fɔ Mawu dloomi ɔ nɔ daa.

Luka 16:31

Se Abraham de lɛ ke, ‘Ke a bui Mose kɛ gbali ɔmɛ tue ɔ, lɔ ɔ lɛɛ ke nɔ ko te si kɛ je gbeje tete po, a yi mi be plɛe.’ ”

Mateo 25:46

Lɔ ɔ he ɔ, nimli nɛ ɔmɛ maa ya neneene he hiami mi; se dali ɔmɛ lɛɛ a maa ya neneene wami mi.”

Mateo 10:28

Nihi nɛ gbeɔ nɔmlɔ tso ɔ, se klaa a lɛɛ a nyɛ we lɛ gbemi ɔ, nyɛ ko ye mɛ gbeye. Mawu nɛ nyɛɔ kpataa nɔmlɔ tso ɔ, kɛ klaa a tsuo a hɛ mi ngɛ Abosiami a je la a mi ɔ, lɛ mohu nyɛɛ ye gbeye.

Yesaya 33:14

Yayami peeli nɛ ngɛ Zion ɔ nu sawale, nɛ a he ngɛ doe blibliibli. Nɔ́ nɛ a ngɛ a he bie ji, “La nɛ ngɛ ní puɛe nɛ ɔ, wa ti mɛnɔ ma nyɛ nya maa da? La nɛ ngɛ tsoe nɛ gbo we gblegbleegble nɛ ɔ nɛ, wa ti mɛnɔ ma nyɛ nya maa da?”

La 73:19

Ee, a hɛ mi ma kpata si kake too; a nyagbe maa pee gbeye.

Hiob 18:11

Gbeye níhi maa bɔle lɛ kɛ kpe, nɛ daa nɛ ɔ, e maa hi fo nɔ kpla, kpla, kpla!

Hiob 6:4

Mawu Ope ɔ tsɛ̃ mi kɛ̃ɛ̃, nɛ duɔ ɔ ngɛ nyɛɛe ngɛ ye he womi mi tsuo. Mawu ní gbeyegbeye ɔmɛ gba ta kɛ wo mi.

Mose I, 35:5

Benɛ Yakob kɛ e yi ɔmɛ, e bimɛ ɔmɛ, kɛ e we bi ɔmɛ hia kɛ yaa a, sawale nu ni ɔmɛ ngɛ ma amɛ nɛ bɔle mɛ ɔ a mi; lɔ ɔ he ɔ, a nyɛɛ we a se.

Yesaya 19:16

Be ma nɛ Egipt bi ɔmɛ maa pee a he fɔ̃li kaa yihi. Ke a na kaa Yawɛ Tabohiatsɛ ɔ miɔ nɛ e kɛ e he wami ɔ maa gbla a tue ɔ, a he ma bɔni domi blibliibli.

Efesobi 5:21

Nyɛɛ ba nyɛ he si ha nyɛ sibi kɛ tsɔɔ kaa nyɛ yeɔ Kristo gbeye.

Hebribi 12:29

ejakaa wa Mawu ɔ, la nɛ kpataa nɔ́ hɛ mi pɛsɛpɛsɛ ji lɛ.