2 Korintobi 5:10 - BAIBLO ALOO NGMAMI KLƆUKLƆU Ɔ

¹⁰ Ejakaa ja wɔ tsuo wa pue ngɛ Kristo hɛ mi, nɛ e kojo wɔ. Nɔ tsuaa nɔ ma na nɔ́ nɛ e tsu ngɛ je nɛ ɔ mi ɔ he hiɔwo, kpakpa jio, yayami jio.

Somi He Ɔ

¹⁰ Ejakaa ja wɔ kulaa wa pue paa ngɛ Kristo kojomi sɛ ɔ hɛ mi, konɛ nɔ tsuaa nɔ nɛ na nihi nɛ e pee ngɛ nɔmlɔ tso mi ɔ he hiɔwo, bɔ nɛ e pee ɔ, kpakpa ʼi jio, yaya ʼi jio.

2 Korintobi 5:10 ပူးပေါင်းရင်းမြစ်များ

Mose I, 18:25

Dɛbi, e ko ba mi kaa o maa pee nɔ́ nɛ ɔ, kaa o maa gbe dali kɛ nimli yayamihi kɛ bla. Ke o pee ja a, kɛkɛ o gbla dali kɛ nimli yayamihi tsuo a tue kɛ bla. Dɛbi, e ko ba mi ja; je ɔ tsuo kojolɔ ɔ, e sa kaa e yeɔ dami sane.”

Matsɛmɛ I, 8:32

Yawɛ, moo bu tue ngɛ hiɔwe nɛ o kojo o tsɔli ɔmɛ. Nɔ nɛ ye fɔ ɔ, gbla e tue bɔ nɛ sa lɛ; se nɔ nɛ pee we yayami ko ɔ lɛɛ o wo lɛ nguɔ.

Matsɛmɛ I, 8:39

moo nu a pɛɛ kpami ɔ. Moo bu mɛ tue ngɛ o hi he ɔ ngɛ hiɔwe; ngɔɔ a he yayami ɔmɛ ngɔ pa mɛ, nɛ o ye kɛ bua mɛ. Mo pɛ lɛ o le nɔmlɔ adesa tsui mi. Moo pee nɔ tsuaa nɔ hiami ní ha lɛ,

Hiob 34:11

Mawu lɛɛ nɔ́ nɛ o tsu ɔ, lɔ ɔ he hiɔ lɛ e woɔ mo; Mawu woɔ nɔ tsuaa nɔ hiɔ bɔ nɛ sa lɛ.

La 62:12

E de hu ke lɛ Nyɔmtsɛ ɔ, e suɔmi ɔ ngɛ daa. Ee, mo Nyɔmtsɛ nitsɛ lɛ o woɔ nɔ tsuaa nɔ hiɔ bɔ nɛ sa e ní tsumi.

La 98:9

ejakaa e ma nɛ e ba kojo je ɔ. Yawɛ maa kojo je ɔ ngɛ dami, kɛ anɔkuale nya.

Fiɛlɔ 11:9

Nihewi, nyɛ fiɛ nyɛ yi nɔ ngɛ nyɛ nihe mi; nyɛɛ pee nyɛ suɔmi nya ní, nɛ nyɛ na bua jɔmi. Se nyɛ na nɛ nyɛɛ le kaa Mawu maa kojo nyɛ ngɛ ní nɛ ɔmɛ tsuo a he.

Fiɛlɔ 12:14

Mawu maa kojo wɔ ngɛ níhi tsuo nɛ wa pee ɔ a he. Níhi nɛ wa pee ngɛ laami mi po, e maa kojo wɔ ngɛ a he; kpakpa jio, yaya jio.

Ezekiel 18:30

“Lɔ ɔ he ɔ, imi Nyɔmtsɛ Yawɛ nitsɛ ma kojo Israel ma a tsuo; nɔ tsuaa nɔ ɔ, bɔ nɛ e ba e je mi ha a nɔ ma da kɛ kojo lɛ. Nyɛ kpa yayami ɔmɛ tsuo nɛ nyɛ ngɛ pee ɔ mɔ, konɛ nyɛ yayami ɔmɛ ko kpata nyɛ hɛ mi.

Mateo 16:27

Ejakaa Nɔmlɔ Bi ɔ maa ba ngɛ e tsɛ hɛ mi nyami ɔ mi, kɛ e bɔfo ɔmɛ. Jamɛ a be ɔ, e maa wo nɔ tsuaa nɔ hiɔ ngɛ e ní tsumi nya.

Ni Tsumi 10:42

Jehanɛ hu, e fa wɔ ke waa fiɛ sane kpakpa a ngɔ tsɔɔ ma a, nɛ waa ye odase kaa lɛ ji nɔ nɛ Mawu hla nɛ e kojo nihi nɛ hɛ ngɛ, kɛ ni nɛmɛ nɛ gbo ɔ.

Ni Tsumi 17:31

Ejakaa e to be pɔtɛɛ ko, nɛ e hla nɔ ko nɛ e maa gu e nɔ kɛ kojo je ɔ tsuo ngɛ dami sane yemi nya, ejakaa e tle jamɛ a nɔmlɔ ɔ si kɛ je gbeje kɛ ma enɛ ɔ nɔ mi.”

Romabi 2:16

Sane kpakpa a nɛ i ngɛ fiɛe ɔ ngɛ tsɔɔe kaa ligbi ɔ nɛ Mawu maa gu Yesu Kristo nɔ ba kojo nihi tsuo ngɛ a laami mi sanehi a he ɔ, kikɛ nɛ ɔ níhi maa ba.

Romabi 6:19

I ngɔ nɔ́ nɛ ɔ kɛ to nyɛ nitsɛmɛ nyɛ je mi bami he, ejakaa gbɔjɔmi ngɛ nyɛ he. Sa a, yayami ye nyɛ nyɔguɛ, nɛ nyɛ ngɔ nyɛ nɔmlɔ tso ɔ he ní ɔmɛ kɛ tsu mu ní kɛ pee yayami gbegbeegbe; jã kɛ̃ jehanɛ lɛɛ nyɛɛ pee níhi nɛ da, konɛ nyɛ he nɛ tsɔ.

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

2 Korintobi 7:3

I de we enɛ ɔ nɛ ma kɛ bu nyɛ fɔ. Se kaa bɔ nɛ i de nyɛ momo ɔ, suɔmi nɛ wa ngɛ kɛ ha nyɛ ɔ nya wa bɔ nɛ nɔ́ ko nɔ́ ko be nyɛe ma gba waa kɛ nyɛ wa kpɛti, gbenɔ jio, wami nɛ ɔ mi jio.

Efesobi 6:8

Nyɛ kai kaa ke mo nɔ ko o pee kpakpa a, nyɔguɛ ji mo jio, odehe ji mo jio Nyɔmtsɛ ɔ maa to mo nane mi ja nɔuu ekohu.

Hebribi 9:27

Mawu to kaa adesa nɛ gbo si kake, nɛ lɔ ɔ se ɔ, a kojo lɛ.

1 Petro 4:5

Se a maa bu akɔtaa ha Mawu, nɔ nɛ dla e he ngɔ to nɛ e maa kojo hɛ kali, kɛ ni gbogboehi tsuo ɔ.

Kpojemi 2:23

Ma gbe e se nyɛɛli ɔmɛ hulɔ. Kɛkɛ ɔ, asafo ɔmɛ tsuo maa na kaa imi ji nɔ nɛ le adesahi tsuo a juɛmi, kɛ a tsui mi. Ma wo nyɛ ti nɔ tsuaa nɔ hiɔ ngɛ nɔ́ nɛ e tsu ɔ he.

Kpojemi 22:12

Yesu ke, “Bu tue! I ma nɔuu! I hɛɛ ye hiɔwo ɔ kɛ ma, nɛ ma wo nɔ tsuaa nɔ hiɔ ngɛ ní nɛ e tsu ɔ nya.

Samuel I, 2:10

A ma kpata Yawɛ he nyɛli ɔmɛ a hɛ mi pɛsɛpɛsɛ; hiɔwe ma si wo mɛ. Yawɛ maa kojo je ɔ tsuo; e kɛ he wami ma ha e matsɛ ɔ, nɛ e ma ha matsɛ nɛ a pɔ lɛ nu ɔ maa ye kunimi.”

Samuel I, 2:3

Nyɛ kpa fiami munyu puu tumi; he nɔ womi munyu nɛ ko je nyɛ nya mi. Yawɛ ji Mawu nɛ le níhi tsuo, nɛ e kojoɔ nɔ́ tsuaa nɔ́ nɛ nimli peeɔ.