2 Korintobi 4:8 - BAIBLO ALOO NGMAMI KLƆUKLƆU Ɔ

⁸ Nihi haoɔ wɔ be tsuaa be, se kɛ̃ ɔ, a yi wa nɔ; be komɛ ɔ, wa yi mi peeɔ wɔ enyɔɔnyɔ, se kɛ̃ ɔ, wa nine mi wui nyu;

Somi He Ɔ

⁸ A haoɔ wɔ ngɛ he tsuaa he, se kɛ̃ ɔ, a yi wa nɔ; wa yi mi peɔ wɔ enyɔ enyɔ, se kɛ̃ ɔ, wa nine mi wui nyu;

2 Korintobi 4:8 ပူးပေါင်းရင်းမြစ်များ

2 Korintobi 12:10

Enɛ ɔ he je ɔ, i suɔ kaa ma na nɔ́ ngɛ Kristo he. E hɛwi mi kaa ma nu hiɔ; e hɛwi mi kaa a maa pee mi nisɛ ní, loo ye yi ma fi, loo a maa wa mi yi mi, loo ma na amanehlu. Ejakaa ke i pee gbedee ɔ, Kristo woɔ mi he wami.

2 Korintobi 7:5

Benɛ wa ba su Makedonia tete po wa nɔmlɔ tso ɔ na we he jɔmi kulaa; he tsuaa he ɔ, haomi sɔuu. Be mi nɛ ni kpahi kɛ wɔ ngɛ pɛ nɔ daa nɛ ɔ, wɔ nitsɛmɛ hu gbeye sɔuu wa ngɛ yee.

La 37:33

Se Yawɛ be dalɔ he ngmɛɛe kɛ wo yayami peelɔ dɛ mi kɔkɔɔkɔ. Ke a ngɔ dalɔ kɛ ba kojomi he hu, Yawɛ be blɔ ngmɛe nɛ a bu lɛ fɔ.

Yohane 14:18

“I be nyɛ sie awusa; ma kpale kɛ ba nyɛ ngɔ.

1 Korintobi 10:13

Kahi nɛ baa nyɛ nɔ ɔ, ekoeko be nɛ bɛ adesa nɔ hyɛ. Se Mawu yeɔ e siwo nɔ, nɛ e be hae nɛ a ka nyɛ pe bɔ nɛ nyɛ ma nyɛ. Ke ka ba nyɛ nɔ ɔ, Mawu ma ha nyɛ he wami nɛ nyɛ kɛ da nya, konɛ nyɛɛ je mi.

2 Korintobi 6:4

Se mohu ngɛ nɔ́ tsuaa nɔ́ mi ɔ, wa bɔɔ mɔde kaa wa maa tsɔɔ kaa Mawu tsɔli ji wɔ niinɛ. Wa toɔ wa tsui si ngɛ haomi, kɛ fimi, kɛ he hiami mi.

Abɛ Womi 14:26

Nɔ nɛ yeɔ Yawɛ gbeye ɔ, e kɛ e bimɛ tsuo hiɔ si ngɛ he jɔmi mi.

Samuel I, 28:15

Samuel bi Saul ke, “Mɛni he je o hao mi kikɛ nɛ ɔ? Mɛni he je o ba tsɛ mi?” Saul he nɔ ke, “Ye yi fi. Lɔ ɔ ji Filisti bi ɔmɛ kɛ mi ngɛ ta hwue, nɛ Mawu je ye se. Ke i tsɛ lɛ ɔ, e he we nɔ; jehanɛ hu i nui e he kɛ gui gbali ɔmɛ a nɔ, loo nlami mi. Enɛ ɔ he je nɛ i ba tsɛ mo, konɛ o tsɔɔ mi bɔ nɛ ma pee.”

Samuel I, 30:6

David hao wawɛɛ nitsɛ; ejakaa e we bi ɔmɛ a hɛ dɔ ngɛ a bimɛ ɔmɛ nɛ a be ɔ a he. Jehanɛ hu a de ke a maa fia lɛ tɛ. Se Yawɛ, David Mawu ɔ wo lɛ he wami.

Abɛ Womi 18:10

Yawɛ ngɛ kaa mɔ nguaa, he nɛ nimli kpakpahi tuu fo kɛ ya saa we ngɛ nɛ a yi naa wami.

Samuel I, 31:4

Kɛkɛ nɛ Saul de e ta hwumi ní hɛɛlɔ ɔ ke, “Moo hia o klaate ɔ nɛ o kɛ gbe mi, nɛ́ mɔmlɔtɔtsɛmɛ nɛ ɔmɛ ko ba gbe mi nɛ a bɔ mi ahlua.” Se niheyo ɔ ye gbeye, nɛ e nyɛ we nɛ e pee ja. Lɔ ɔ he ɔ, Saul nitsɛ kɛ̃ e klaate ɔ, nɛ e kɛ gbe e he.

La 129:2

“Kɛ je ye jokuɛwi a si tɔɔ ɔ, ye he nyɛli wa mi yi mi wawɛɛ nitsɛ, se kɛ̃ ɔ, a nyɛ we mi.

Yesaya 40:31

Se ni nɛmɛ nɛ ngɔɔ a hɛ ngɔ fɔɔ Yawɛ nɔ ɔ, a naa he wami he kaa kɔle nɛ ngɛ tee; a tuɔ fo, nɛ pɔ tɔɛ mɛ, a nyɛɛɔ, nɛ a gbɔjɔɔ we.

Habakuk 3:17

Ke ngmɔkɔ tso gba we mɔmɔ, nɛ wai tso ɔmɛ wui yiblii, ke oliv nu bɛ, nɛ niye ní be ngmɔ ɔ nɔ, ke to ɔmɛ a hɛ mi kpata, nɛ na amɛ gbo ta tsu ɔ mi, ke ní nɛ ɔmɛ tsuo ba mi po,

2 Korintobi 6:12

Wɔɔ lɛɛ wa je wa suɔmi kpo ha nyɛ; nyɛ lɛ nyɛ gbo we wa nɔ.

Galatabi 4:20

I na nɛ i ngɛ nyɛ kasa nya amlɔ nɛ ɔ, jinɛ i kɛ nyɛ ko tu munyu bɔ nɛ sa, ejakaa i ngɛ haoe wawɛɛ ngɛ nyɛ he.