2 Korintobi 4:5 - BAIBLO ALOO NGMAMI KLƆUKLƆU Ɔ

⁵ Ejakaa wa de we nɔ́ ko nɔ́ ko ngɛ wɔ nitsɛmɛ wa he; se mohu wa ngɛ fiɛe ke Yesu Kristo ji Nyɔmtsɛ. Wɔɔ lɛɛ Yesu he ɔ, nyɛ tsɔli ji wɔ.

Somi He Ɔ

⁵ Ejakaa pi wɔ nitsɛmɛ wa he nɛ wa ngɛ fiee, se mohu Kristo Yesu, kaa lɛ ji Nyɔmtsɛ, se wɔɔ lɛɛ, nyɛ sɔmɔli ji wɔ ngɛ Yesu he.

2 Korintobi 4:5 ပူးပေါင်းရင်းမြစ်များ

2 Korintobi 1:24

Wa sume kaa wa maa nyɛ nyɛ nɔ nɛ waa tsɔɔ nɔ́ nɛ sa nɛ nyɛ he ye; wa le kaa nyɛ hɛɛ hemi kɛ yemi ɔ mi wawɛɛ. Mohu ɔ, waa kɛ nyɛ ngɛ ní tsue, konɛ nyɛ na bua jɔmi.

1 Korintobi 1:23

Se wɔɔ lɛɛ Kristo nɛ a sɛu ɔ wa ngɛ fiɛe. Enɛ ɔ peeɔ blɔ tsimi nɔ ha Yuda bi, nɛ Hela bi hu buu lɛ kaa kuasiahi a sane.

Galatabi 5:13

Ye nyɛmimɛ, nyɛɛ lɛɛ pe a hla nyɛ, konɛ nyɛ ba ye nyɛ he. Nyɛ he nɛ nyɛ ye nɛ ɔ, nyɛ ko ngɔ lɛ kaa blɔ nya nɛ nyɛ na nɛ nyɛɛ kɛ maa pee níhi nɛ nyɛ nɔmlɔ tso ɔ suɔ. Mohu ɔ, nyɛ ha nɛ nyɛ suɔmi ɔ nɛ je kpo ngɛ nyɛmimɛ a sɔmɔmi mi.

Filipibi 2:11

nɛ a maa jaje paa ke, Yesu Kristo ji Nyɔmtsɛ; a maa pee ja kɛ wo Tsɛ Mawu ɔ hɛ mi nyami.

Filipibi 1:15

Niinɛ, sane kpakpa a nɛ a ngɛ fiɛe ɔ, a ti ni komɛ a hɛ kɔɔ ye nɔ, nɛ a jeɔ mi hunga, se ni komɛ hu kɛ juɛmi kpakpa fiɛɔ.

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.

Tito 1:11

E hia kaa a ku nɔ́ nɛ ɔ nya la, ejakaa nimli nɛ ɔmɛ kɛ a tsɔɔmi ɔ ngɛ wehi fuu a nane kpatae. A ngɛ níhi nɛ dɛ blɔ tsɔɔe. Blɔɔ zo blɔ nɔ nɛ a gu kɛ ngɛ sika pee ji nɛ ɔ nɛ.

2 Timoteo 2:10

Enɛ ɔ he je nɛ i toɔ ye tsui si ngɛ nɔ́ tsuaa nɔ́ mi, nɛ i naa nɔ́ ngɛ nihi nɛ Mawu hla a a he, konɛ kɛ gu Kristo Yesu nɔ ɔ, a he mɛ hu a yi wami, nɛ a nine nɛ su hɛ mi nyami nɛ ngɛ kɛ yaa neneene ɔ nɔ.

1 Korintobi 12:3

I ngɛ hae nɛ nyɛɛ le kaa nɔ nɛ Mawu mumi ɔ ngɛ e mi ɔ, e de we ke, “A gbiɛ Yesu.” Jã kɛ̃ nɔ ko be nyɛe ma de ke, “Yesu ji Nyɔmtsɛ” hulɔ kaa ja Mumi Klɔuklɔu ɔ tsɔɔ lɛ blɔ.

1 Korintobi 8:6

kɛ̃ ɔ, wɔɔ lɛɛ Mawu kake too nɛ ji Tsɛ ɔ, lɛ pɛ wa ngɛ. Lɛ nɛ bɔ níhi tsuo, nɛ lɛ nɛ ha nɛ wa ngɛ wami mi. Wa ngɛ Nyɔmtsɛ kake hulɔ; lɛ ji Yesu Kristo. E nɔ Mawu gu kɛ bɔ nɔ́ tsuaa nɔ́, nɛ lɛ nɛ ha nɛ wa ngɛ wami mi.

1 Korintobi 2:2

Ejakaa benɛ i kɛ nyɛ ngɛ ɔ, i to ye yi mi kaa i be nɔ́ kpa ko tsɔɔe pe sane ɔ nɛ kɔɔ Yesu Kristo, kɛ e sɛumi ɔ he ɔ.

Ni Tsumi 10:36

Mawu tsɔ nɛ a kɛ munyu ɔ ya ha Israel bi ɔmɛ, nɛ a gu Yesu Kristo nɔ kɛ jaje sane kpakpa a nɛ kɛ tue mi jɔmi baa a ngɔ tsɔɔ mɛ. Lɛ, Yesu Kristo ɔ ji nimli adesahi tsuo a Nyɔmtsɛ.

Ni Tsumi 5:31

Mawu wo e nɔ, nɛ e ngɔ lɛ kɛ to e hiɔ nɔ, nɛ e pee lɛ hɛ mi nyɛɛlɔ, kɛ kpɔlɔ, konɛ Israel bi nɛ a ná he blɔ nɛ a tsake a tsui, nɛ a ngɔ a he yayami ɔmɛ kɛ pa mɛ.

Ni Tsumi 2:36

“Lɔ ɔ he ɔ, Israel bi tsuo nɛ́ a na nɛ a le kaa Yesu ɔ nɛ nyɛ sɛu ɔ, Mawu ngɔ lɛ ngɔ pee Nyɔmtsɛ, kɛ nɔ nɛ lɛ nitsɛ e hla!”

Yohane 7:18

Ke nɔ ko tuɔ munyu ngɛ lɛ nitsɛ e he wami nya a, e ngɛ hɛ mi nyami hlae ha e he. Se anɔkualetsɛ lɛɛ e hlaa kaa e maa wo nɔ nɛ tsɔ lɛ ɔ mohu hɛ mi nyami, nɛ sisimi be e mi.

Mateo 23:8

Nyɛɛ lɛɛ, a ko tsɛ nyɛ ‘Tsɔɔlɔ’, ejakaa nyɛ tsuo pɛpɛɛpɛ nyɛmimɛ ji nyɛ, nɛ tsɔɔlɔ kake pɛ nyɛ ngɛ.

Mateo 3:11

Imi lɛɛ nyu i kɛ ngɛ nyɛ sɔlee kɛ tsɔɔ kaa nyɛ tsake nyɛ tsui. Se nɔ nɛ ma ngɛ ye se ɔ, Mumi Klɔuklɔu ɔ, kɛ la e kɛ ma tsu nɔ nɛ ɔ. Lɛɛ e pe mi; e tokota tete po, i sɛ nɔ nɛ hɛɛɔ.

2 Korintobi 1:19

Ejakaa sɛ gbi nɛ kɔɔ Mawu Bi, Yesu Kristo ɔ he nɛ i kɛ Silvano kɛ Timoteo fiɛ ngɔ ha nyɛ ɔ tsakee we kɛ je “Ee” ba pee “Dɛbi” be kake too. Mohu ɔ, lɛ ji “Ee” Mawu ɔ nɛ.

1 Korintobi 15:47

Kekleekle Adam ɔ, zugba zu a kɛ bɔ lɛ; Adam enyɔne ɔ lɛɛ hiɔwe nɛ e je.

1 Korintobi 10:33

Nyɛ wo ye nane. Nɔ́ tsuaa nɔ́ mi ɔ, i bɔɔ mɔde kaa ma sa nihi tsuo a hɛ mi. I susuu we imi nɔ kake too ye he, se mohu i hlaa kaa e hi ha nɔ tsuaa nɔ, konɛ a he a yi wami.

1 Korintobi 4:15

Nyɛ ngɛ nihi akpeakpe nɛ a ngɛ nyɛ nɔ hyɛe mohu, se nɛ nyɛ ba le Kristo ɔ, tsɛ kake pɛ lɛ nyɛ ngɛ. Ejakaa kɛ gu sane kpakpa a nɛ i ngɔ ba ha nyɛ ɔ nɔ ɔ, nyɛɛ kɛ Yesu Kristo ba bɔni bɔmi, nɛ i ba pee nyɛ tsɛ.