2 Korintobi 4:1 - BAIBLO ALOO NGMAMI KLƆUKLƆU Ɔ

¹ Akɛnɛ Mawu naa mɔbɔ he je ɔ, e ha wɔ ní tsumi nɛ ɔ ke wa tsu. Lɔ ɔ he ɔ, wa kɔni mi jɔ̃ we.

Somi He Ɔ

¹ Akɛnɛ wa hɛɛ kikɛmɛ a sɔmɔmi nɛ ɔ, kaa bɔ nɛ a na wɔ mɔbɔ ɔ, wa ji fɔ́,

2 Korintobi 4:1 ပူးပေါင်းရင်းမြစ်များ

Yesaya 40:30

Nihewi kpakpataa po gbɔjɔɔ, nɛ pɔ tɔɔ mɛ; nihewi a he wami taa, nɛ a nɔɔ si.

Yesaya 40:31

Se ni nɛmɛ nɛ ngɔɔ a hɛ ngɔ fɔɔ Yawɛ nɔ ɔ, a naa he wami he kaa kɔle nɛ ngɛ tee; a tuɔ fo, nɛ pɔ tɔɛ mɛ, a nyɛɛɔ, nɛ a gbɔjɔɔ we.

Yeremia 45:3

munyu nɛ ngɛ o nya jee ji, ‘Jehanɛ lɛɛ ye yi ta pɛ! Ejakaa Yawɛ pa ngɔ aywilɛho kɛ piɛ ye haomi ɔ he. Ye kɛmɛmi ɔ nya ba wa tsɔ, nɛ i be he jɔmi!’

Luka 18:1

Jehanɛ ɔ, Yesu kɛ mɛ tu munyu ngɛ abɛ gbi mi kɛ tsɔɔ kaa e sa kaa a sɔle daa nɛ a kɔni mi kó wo nyu.

1 Korintobi 3:5

Mɛnɔ ji Apolo ɔ? Imi Paulo hu, mɛnɔ ji mi? Mawu tsɔli kɛkɛ ji wɔ, nɛ wa nɔ lɛ nyɛ gu kɛ he Kristo ye. Nyɔmtsɛ ɔ ha wa ti nɔ tsuaa nɔ ní tsumi pɔtɛɛ nɛ wa tsu.

1 Korintobi 7:25

Jehanɛ, nɔ́ nɛ nyɛ ngma ngɛ yihewi nɛ gba we lolo a he ɔ, Nyɔmtsɛ ɔ ha we mi mlaa pɔtɛɛ ko. Se kɛ̃ ɔ, juɛmi nɛ i kɛ ngɛ nyɛ ga nɛ ɔ woe ɔ, Nyɔmtsɛ ɔ nitsɛ lɛ dloo mi; lɔ ɔ he ɔ, e hia kaa nɔ́ nɛ ma de nyɛ ɔ, nyɛɛ ngɔ.

2 Korintobi 3:12

Akɛnɛ wa ngɛ kikɛmɛ a hɛ kɛ nɔ fɔmi nɛ ɔ he je ɔ, wa tuɔ munyu kɛ kã.

2 Korintobi 3:6

Mawu nɛ ha nɛ wa nyɛ nɛ wa ngɛ lɛ Mawu ɔ sɔmɔe kaa bɔ nɛ somi he ɔ tsɔɔ ɔ. Pi mlaa nɛ a ngma nɛ waa ye nɔ ji somi he ɔ, se mohu Mawu mumi. Mlaa nɛ a ngma a, gbenɔ nɛ e kɛ baa, se mumi ɔ haa nɔ wami.

2 Korintobi 4:16

Enɛ ɔ he ɔ, wa kɔni mi jɔ̃ we gblegbleegble. E ngɛ mi kaa wa nɔmlɔ tso ɔ ngɛ puɛe bɔɔbɔɔbɔɔ mohu, se mumi mi ɔ, wa ngɛ wae daa ligbi.

2 Korintobi 5:18

Mawu lɛ pee enɛ ɔ tsuo. Kɛ gu Kristo nɔ ɔ, e dla waa kɛ lɛ wa kpɛti. Nɛ ní tsumi nɛ e ngɔ wo wa dɛ ji kaa wa ha nɛ a dla e kɛ nihi tsuo a kpɛti.

Galatabi 6:9

Lɔ ɔ he ɔ, wa ko ha nɛ kpakpa peemi nɛ gbe wa nya; ejakaa ke wa kɔni mi wui nyu ɔ, ní kpami be ɔ, wa ma na he se.

Efesobi 3:13

Lɔ ɔ he ɔ, i kpa nyɛ pɛɛ, nyɛ ko ye nyɛ tsui kaa i ngɛ nɔ́ nae ngɛ nyɛ he. I ngɛ nɔ́ nae, konɛ nyɛɛ lɛɛ nyɛ hɛ mi nɛ ba nyami.

Filipibi 4:13

Kristo lɛ woɔ mi he wami, nɛ e haa nɛ i nyɛɔ peeɔ nɔ́ tsuaa nɔ́.

2 Tesalonikabi 3:13

Nyɛmimɛ, nyɛ ko ha pɔ nɛ tɔ nyɛ kɛ nɔ́ kpakpa peemi.

1 Timoteo 1:13

E ngɛ mi kaa sa a, i tu musu bɔmi munyuhi kɛ si Mawu; i wa lɛ yi mi, nɛ i pee níhi basabasa. Se Mawu na mi mɔbɔ, ejakaa jamɛ a be ɔ, i he we yi lolo; nɛ nɔ́ nɛ i ngɛ pee ɔ hu i li.

Hebribi 12:3

Nyɛ susu si nɛ yayami peeli te ngɔ wo lɛ ɔ, kɛ bɔ nɛ e to e tsui si kɛ na nɔ́ wawɛɛ ɔ he, konɛ pɔ ko tɔ nyɛ, nɛ nyɛ kɔni mi ba jɔ̃.

1 Petro 2:10

Sa a, pi Mawu e ma ji nyɛ; se amlɔ nɛ ɔ, e ma ji nyɛ. Sa a, Mawu nɛ́ nyɛ mɔbɔ; se amlɔ nɛ ɔ, e na nyɛ mɔbɔ.

Kpojemi 2:3

O toɔ tsui si; o naa amanehlu ngɛ ye he nɛ pɔ tɔɛ mo.