2 Korintobi 3:8 - BAIBLO ALOO NGMAMI KLƆUKLƆU Ɔ

⁸ lɛɛ be nɛ ɔ mi nɛ Mumi Klɔuklɔu ɔ ngɛ ní tsue ɔ, anɛ Mawu hɛ mi nyami ɔ be kpɛe kulaa pe kekle ɔ lo?

Somi He Ɔ

⁸ anɛ mumi sɔmɔmi ɔ be nyami pee hluu pe kɔlɔ ɔ lo?

2 Korintobi 3:8 ပူးပေါင်းရင်းမြစ်များ

Yesaya 11:2

Yawɛ mumi ɔ maa ba e nɔ. E ma ha lɛ sane se kɔmi, nile, kɛ ga nɛ e kɛ maa ye e ma a nɔ. E maa le Yawɛ suɔmi nya ní, nɛ e maa bu lɛ.

Yesaya 44:3

“Nihi nɛ kuma ngɛ mɛ yee ɔ, ma ha mɛ nyu nɛ a nu. Ma ha zugba gbigbli ɔ nyu, nɛ pahi maa hia. Ma ngɔ ye mumi ɔ kɛ wo o bimɛ ɔmɛ a mi, nɛ ma gbaa o nina a.

Yesaya 59:21

I kɛ nyɛ maa so somi. I ngɔ ye he wami ɔ ngɔ ha nyɛ, nɛ ye mlaa amɛ hu maa pee nyɛ nɔ́ kɛ maa ya neneene. Kɛ je mwɔnɛ ɔ kɛ yaa a, nyɛ maa bu mi tue, nɛ nyɛ maa tsɔɔ nyɛ bimɛ, kɛ nyɛ nina tsuo, konɛ a bu mi tue kɛ ya neneene.”

Yohane 1:17

Mawu ha wɔ mlaa kɛ gu Mose nɔ, se dloomi kɛ anɔkuale gu Yesu Kristo nɔ kɛ ba.

Yohane 7:39

Blɔɔ, Mumi ɔ he Yesu de enɛ ɔ nɛ, ejakaa nɔ tsuaa nɔ nɛ heɔ lɛ yeɔ ɔ nine maa su Mumi ɔ nɔ. Se jamɛ a be ɔ, Mumi ɔ bɛ lolo, ejakaa a na we nɛ a wo Yesu hɛ mi nyami.

1 Korintobi 3:16

Anɛ nyɛ li kaa Mawu sɔlemi we ji nyɛ, nɛ Mawu mumi ɔ ngɛ nyɛ mi lo?

2 Korintobi 11:4

Nɔ tsuaa nɔ nɛ maa ba nyɛ ngɔ kɛkɛ nyɛ he lɛ a tuu. Ke a ba fiɛ Yesu kpa ha nyɛ hu kɛkɛ nyɛ he ye; pohu e kɛ nɔ́ nɛ wa fiɛ ha nyɛ ɔ kɔ we. Mumi ɔ nɛ a wo he si ɔ, nyɛ he ye, pohu pi Mumi Klɔuklɔu ɔ nɛ nyɛ na kɛ je wa dɛ ɔ. Sane kpakpa a nɛ a kɛ ba a hu nyɛ he ye, pohu slo a nɔ́ ɔ ngɛ nɔ́ nɛ wa ba fiɛ ha nyɛ ɔ he.

2 Korintobi 3:17

Nyɔmtsɛ ɔ ji mumi ɔ nɛ, nɛ he nɛ Nyɔmtsɛ ɔ mumi ɔ ngɛ ɔ, lejɛ ɔ he yemi ngɛ.

2 Korintobi 3:6

Mawu nɛ ha nɛ wa nyɛ nɛ wa ngɛ lɛ Mawu ɔ sɔmɔe kaa bɔ nɛ somi he ɔ tsɔɔ ɔ. Pi mlaa nɛ a ngma nɛ waa ye nɔ ji somi he ɔ, se mohu Mawu mumi. Mlaa nɛ a ngma a, gbenɔ nɛ e kɛ baa, se mumi ɔ haa nɔ wami.

2 Korintobi 3:7

Mlaa a nɛ a kpɛ́ ngɛ tɛhi a nɔ nɛ kɛ gbenɔ ba a, benɛ a ngɔ ha a, Mawu hɛ mi nyami ɔ je kpo. Hɛ mi nyami ɔ ha nɛ Mose hɛ mi ngɛ kpɛe. Ke jamɛ a be ɔ mi po nɛ hɛ mi nyami ɔ miɔ nɛ e maa ta a, e ha nɛ Mose hɛ mi ngɛ kpɛe bɔ nɛ Israel bi ɔmɛ nyɛ we Mose hɛ mi hyɛmi ɔ,

2 Korintobi 3:9

Ke hɛ mi nyami kaa kikɛ nɛ ɔ je kpo somi momo be ɔ mi ɔ, somi he be nɛ ɔ mi lɛɛ hɛ mi nyami ɔ ma kpɛ kɛ be nɔ pe kekle ɔ po.

Galatabi 3:14

Kristo pee enɛ ɔ, bɔ nɛ pee nɛ gbaami nɛ Mawu wo Abraham si ngɛ he ɔ, kɛ gu Kristo nɔ ɔ, ma je li ɔmɛ a nine nɛ su nɔ. Kɛkɛ ɔ, kɛ gu hemi kɛ yemi nɔ ɔ, Mumi ɔ nɛ Mawu wo he si ɔ, wa nine maa su nɔ.

Galatabi 5:5

Wɔɔ lɛɛ wa hemi kɛ yemi ji Mawu ma dla waa kɛ lɛ wa kpɛti. Mawu mumi ɔ nɛ tsuɔ ní ngɛ wa mi ɔ lɛ ha wa ngɛ nɔ́ nɛ ɔ blɔ hyɛe ɔ nɛ.

Efesobi 2:18

Yuda bi jio, ma je li jio, Kristo nɔ lɛ wɔ tsuo wa maa gu kɛ ba Tsɛ ɔ ngɔ. Mumi Klɔuklɔu kake ɔ nɔuu lɛ maa piɛ wa he.

2 Tesalonikabi 2:13

Se nyɛmimɛ nɛ Nyɔmtsɛ ɔ suɔ, e hia kaa waa na Mawu si daa ha nyɛ. Ejakaa kɛ je sisije lokoo ɔ, Mawu hla nyɛ, nɛ e he nyɛ yi wami kɛ gu mumi ɔ nɛ maa tsu nyɛ he ɔ, kɛ anɔkuale ɔ nɛ nyɛ he ye ɔ nɔ.

1 Petro 1:2

Tsɛ Mawu hla nyɛ kaa bɔ nɛ e to ke e maa pee ɔ, nɛ e Mumi Klɔuklɔu ɔ pee nyɛ ma klɔuklɔu, konɛ nyɛɛ bu Yesu Kristo tue, nɛ e muɔ ɔ nɛ tsu nyɛ he. Mawu dloomi kɛ he jɔmi nɛ hiɛ fuu ha nyɛ.