2 Korintobi 3:7 - BAIBLO ALOO NGMAMI KLƆUKLƆU Ɔ

⁷ Mlaa a nɛ a kpɛ́ ngɛ tɛhi a nɔ nɛ kɛ gbenɔ ba a, benɛ a ngɔ ha a, Mawu hɛ mi nyami ɔ je kpo. Hɛ mi nyami ɔ ha nɛ Mose hɛ mi ngɛ kpɛe. Ke jamɛ a be ɔ mi po nɛ hɛ mi nyami ɔ miɔ nɛ e maa ta a, e ha nɛ Mose hɛ mi ngɛ kpɛe bɔ nɛ Israel bi ɔmɛ nyɛ we Mose hɛ mi hyɛmi ɔ,

Somi He Ɔ

⁷ Se ke gbenɔ sɔmɔmi nɛ a kpɛ ngɛ tɛhi a nɔ ɔ hɛ mi ba nyami bɔ nɛ Israelbi ɔmɛ nyɛ we Mose hɛ mi nɛ a hyɛ po ngɛ nyami nɛ se poo ɔ he ɔ,

2 Korintobi 3:7 ပူးပေါင်းရင်းမြစ်များ

Mose I, 3:21

Nɛ Yawɛ Mawu ngɔ lohwehi a he womi kɛ kpɛ tade ngɔ wo Adam kɛ e yo ɔ.

Nehemia 9:13

O kple si kɛ je hiɔwe kɛ ba Sinai yo ɔ nɔ, nɛ o kɛ o ma a ba tu munyu; o ha mɛ mlaa kpakpahi, kɛ ní tsɔɔmi nɛ hi kɛ pi si.

La 119:174

Yawɛ, i ngɛ mo blɔ hyɛe; ba he ye yi wami koo! O mlaa a pɛ lɛ haa ye bua jɔɔ ye he.

La 119:97

I suɔ o mlaa a kaa nɔ́ ko! Ke je na kikɛ nɛ ɔ, e he pɛ i susuɔ.

Mose II, 24:12

Yawɛ de Mose ke, “Moo kuɔ yo ɔ kɛ ba ye ngɔ nɛ o ba mlɛ, nɛ ma ngɔ tɛ tɛtlɛɛ enyɔ ɔmɛ kɛ a nɔ mlaa amɛ nɛ i ngma nɛ a kɛ tsɔse ma a ngɔ ha mo.”

Mose II, 31:18

Benɛ Mawu kɛ Mose tu munyu gbe nya ngɛ Sinai yo ɔ nɔ ɔ, Mawu ngɔ tɛ tɛtlɛɛ enyɔ ɔmɛ nɛ lɛ nitsɛ e ngma mlaa amɛ ngɛ nɔ ɔ kɛ ha Mose.

Mose II, 32:19

Benɛ Mose miɔ nɛ e maa su ma a sito he ɔ, nɛ́ e na na bi ɔ, kɛ ni ɔmɛ nɛ a ngɛ doe ɔ, e mi mi fu; nɛ e kɛ tɛ tɛtlɛɛ ɔmɛ nɛ e hɛɛ ngɛ e dɛ mi ɔ fia si ngɛ yo ɔ sisi, nɛ e ywia mɛ.

Mose II, 34:1

Yawɛ de Mose ke, “Mo kó tɛ tɛtlɛɛ enyɔ kaa kekle ní ɔmɛ, konɛ ma ngma munyuhi nɛ ngɛ kekle tɛ ɔmɛ nɛ o ywia a a nɔ ɔ kɛ fɔ nɔ.

Ni Tsumi 6:15

Kpe ngua a mi bi ɔmɛ tsuo dɔ a hɛ ngmɛ ngɔ to Stefano nɔ, nɛ a na kaa e hɛ mi pee kaa Mawu bɔfo hɛ mi.

Romabi 10:4

Ejakaa Kristo po mlaa a mi, nɛ nɔ tsuaa nɔ nɛ heɔ yeɔ ɔ, Mawu wo lɛ nguɔ.

Romabi 4:15

Ejakaa mlaa a kɛ Mawu mi mi la baa; he nɛ mlaa be ɔ, nɔ ko tɔ we mlaa hulɔ.

Romabi 5:20

A wo mlaa a hulɔ, konɛ wa yɔse yayami ɔmɛ babauu; se he nɛ yayami hiɛ ngɛ ɔ, lejɛ ɔ Mawu dloomi ɔ hiɛ kɛ be nɔ babauu.

Romabi 7:10

Mlaa a nɛ jinɛ e sa kaa e ko ngɔ wami kɛ ba a, e ba pee gbenɔ mohu ha mi.

Romabi 7:22

Ngɛ ye tsui mi ɔ, i suɔ Mawu mlaa a saminya.

Romabi 7:5

Ejakaa be nɛ wa hi si ngɛ he lo nya a, waa kɛ wa nɔmlɔ tso ɔ tsu akɔnɔ ní yayamihi nɛ mlaa a tleɔ si ngɛ wa mi ɔ, nɛ waa kɛ wo yiblii ha gbenɔ.

1 Korintobi 13:10

Se ke nɔ́ nɛ hi kɛ pi si ɔ ba a, lɔ ɔ lɛɛ nɔ́ nɛ ji fa kɛ fa a maa laa.

2 Korintobi 3:3

Nyɛ ngɛ kaa womi nɛ Kristo nitsɛ ngma nɛ e kɛ tsɔ wɔ; pi womi nɛ a kɛ ní ngmami nyu ngmaa ngɛ tɛ tɛtlɛɛhi a nɔ ɔ. Se mohu, enɛ ɔ ji womi nɛ Kristo ngma kɛ gu Mawu hɛ kalɔ ɔ mumi ɔ nɔ ngɛ adesa tsui mi.

2 Korintobi 3:6

Mawu nɛ ha nɛ wa nyɛ nɛ wa ngɛ lɛ Mawu ɔ sɔmɔe kaa bɔ nɛ somi he ɔ tsɔɔ ɔ. Pi mlaa nɛ a ngma nɛ waa ye nɔ ji somi he ɔ, se mohu Mawu mumi. Mlaa nɛ a ngma a, gbenɔ nɛ e kɛ baa, se mumi ɔ haa nɔ wami.

2 Korintobi 3:8

lɛɛ be nɛ ɔ mi nɛ Mumi Klɔuklɔu ɔ ngɛ ní tsue ɔ, anɛ Mawu hɛ mi nyami ɔ be kpɛe kulaa pe kekle ɔ lo?

Galatabi 3:10

Nihi nɛ susuu kaa ja a ye Yuda bi a mlaa a nɔ doo loko a ma he a yi wami ɔ, a gbiɛ mɛ. Ejakaa ngmami ɔ deɔ ke, “Mlaahi tsuo nɛ a ngma ngɛ Mawu mlaa womi ɔ mi ɔ, nɔ nɛ ma tɔ kake ngmelu nɔ ɔ, a gbiɛ lɛ.”

Galatabi 3:21

Anɛ enɛ ɔ tsɔɔ kaa mlaa a, kɛ si nɛ Mawu wo ɔ yɛ lo? Dɛbi! Mlaa a ma nyɛ ha nɔ wami jinɛ nɔ tsuaa nɔ nɛ yeɔ mlaa a nɔ ɔ, Mawu ma dla e kɛ lɛ a kpɛti.

Mose V, 4:13

E tsɔɔ nyɛ bɔ nɛ nyɛ maa pee kɛ ye somi nɛ e kɛ nyɛ so ɔ nɔ; lɔ ɔ ji kaa nyɛ maa ye mlaa nyɔngma amɛ nɛ e ngma ngɛ tɛ tɛtlɛɛ enyɔ ɔmɛ a nɔ ɔ a nɔ.

Mose V, 4:8

Jehanɛ hu, ma kpetekpleenyɛ te nɛ ngɛ nɛ e mlaahi da kaa ní nɛmɛ tsuo nɛ i ngɛ nyɛ tsɔɔe mwɔnɛ nɛ ɔ?

Mose V, 5:22

“Benɛ nyɛ bua nyɛ he nya ngɛ yo ɔ he ɔ, mlaahi nɛ Yawɛ ngɔ ha nyɛ tsuo ji nɛ ɔmɛ nɛ. Benɛ e wo gbi kɛ je la, kɛ bɔku kpii ɔ mi ɔ, jamɛ be ɔ mi nɛ e ha nyɛ mlaa nɛ ɔmɛ, nɛ ekpa ko piɛ we he. Lɔ ɔ se ɔ, e ngma mɛ ngɛ tɛ tɛtlɛɛ enyɔ nɔ, nɛ e ngɔ mɛ ngɔ ha mi.

Mose V, 9:15

“Lɔ ɔ he ɔ, ye he sɔ kɛ kple si kɛ je yo ɔ nɔ kɛ ye somi dɛ mi tɛ tɛtlɛɛ enyɔ ɔmɛ nɛ Yawɛ ngma somi munyu ɔmɛ ngɛ a nɔ ɔ. Jamɛ a be ɔ, la ngɛ tsoe plamplam kɛ ngɛ yo ɔ mi jee.

Hebribi 12:18

Pi Sinai yo ɔ nɛ a be nyɛe maa ta he ɔ he nɛ nyɛ ba. Be ko benɛ Israel bi ɔmɛ ya lejɛ ɔ, diblii, kɛ bɔku wo kpii, kɔɔhiɔ hia huu, nɛ la ngɛ tsoe plamplam ngɛ yo ɔ nɔ.

Hebribi 3:3

Kaa bɔ nɛ a buɔ nɔ nɛ maa tsu pe tsu ɔ nɛ e maa a, jã kɛ̃ bu ngɛ Yesu hu he hluu pe Mose.

Hebribi 9:4

Níhi nɛ ngɛ tsu nɛ ɔ mi ji tsopa kɛ e he via sami la tɛ nɛ a kɛ sika tsu pee ɔ, somi daka a nɛ a kɛ sika tsu ha he ɔ kɛ e mi sika tsu kplu ɔ nɛ mana a ngɛ mi ɔ, Aaron dɛma tso ɔ nɛ tsɛ̃ ba be ko ɔ, kɛ tɛ tɛtlɛɛ enyɔ ɔmɛ nɛ a ngma mlaa amɛ ngɛ a nɔ ɔ.