2 Korintobi 3:18 - BAIBLO ALOO NGMAMI KLƆUKLƆU Ɔ

¹⁸ Wɔ Kristo we bi lɛɛ hɛ mi hami nɔ́ ko be wa hɛ mi; wa ngɛ kaa a huhuɛ nɛ Nyɔmtsɛ ɔ hɛ mi nyami ɔ kpɛɔ kɛ guu mi. Kikɛmɛ a hɛ mi nyami ɔ ji Nyɔmtsɛ ɔ mumi ɔ nɛ. Nɛ akɛnɛ mumi ɔ ngɛ ní tsue ngɛ wa mi daa he je ɔ, wa ngɛ tsakee ngɛ pee kaa lɛ.

Somi He Ɔ

¹⁸ Se wɔ kulaa nɛ waa kɛ hɛ mi kpetekplee hyɛɛ Nyɔmtsɛ ɔ hɛ mi nyami ɔ, kaa a hyɛɛ ahuhuɛ mi ɔ, wa ngɛ tsakee kɛ ngɛ jamɛ a subai ɔ nɔuu plɛe kɛ ngɛ hɛ mi nyami mi jee kɛ yaa hɛ mi nyami mi, ejakaa enɛ ɔ je Nyɔmtsɛ nɛ ji Mumi ɔ ngɔ.

2 Korintobi 3:18 ပူးပေါင်းရင်းမြစ်များ

La 84:7

Pɔ tɔɛ mɛ; mohu ɔ, a naa he wami he, nɛ a nyɛɛɔ kɛ ya suu Mawu hɛ mi tɔɔ ngɛ Zion.

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Yohane 12:41

Yesaya de enɛ ɔ, ejakaa e na Yesu hɛ mi nyami ɔ ngɛ e hɛ mi lokoo, nɛ e tu he munyu.

Yohane 17:22

O wo ye hɛ mi nyami, nɛ i ha mɛ hu a hɛ mi ba nyami ja nɔuu, konɛ a pee kake kaa bɔ nɛ i kɛ mo ngɛ ɔ.

Yohane 17:24

“Tsaatsɛ! Nihi nɛ o tu ngɔ wo ye dɛ mi ɔ, he nɛ i ngɛ ɔ, i suɔ kaa mɛ hu a hi lejɛ ɔ, bɔ nɛ pee nɛ a na ye hɛ mi nyami ɔ. O ha ye hɛ mi ba nyami, ejakaa benɛ o na we nɛ o bɔ je ɔ tete po o suɔ mi.

Romabi 12:2

Nyɛ ko ba nyɛ je mi kaa je mi bi ɔmɛ hu; se mohu nyɛ ha Mawu nɛ tsake nyɛ juɛmi, konɛ nyɛ yɔse níhi nɛ ji Mawu suɔmi nya ní kpakpahi nɛ sa e hɛ mi saminya, nɛ hi kɛ pi si ɔ.

Romabi 13:14

Nyɛ ha Nyɔmtsɛ Yesu nɛ pee kaa tade nɛ nyɛ wo; nyɛ ko susu he lo nya níhi a he, ke pi ja a, e ma jlo nyɛ kaa nyɛ pee.

Romabi 8:29

Nihi nɛ Mawu hla ngɔ to momo ɔ, e pee mɛ klɔuklɔu, konɛ a subai nɛ hi kaa Bi ɔ nɔ. Kɛkɛ ɔ, Bi ɔ maa pee nɔkɔtɔma ngɛ e nyɛmimɛ babauu a kpɛti.

Romabi 8:4

Mawu pee enɛ ɔ, bɔ nɛ pee nɛ wɔ nihi nɛ wa bɛ wa je mi ngɛ he lo mi ní yayami ɔmɛ a nya, se mohu wa nyɛɛɔ ngɛ mumi ɔ blɔ tsɔɔmi nya a, wa nyɛ waa ye mlaa a nɔ sisiisi.

Romabi 8:7

Nɔ nɛ susuɔ he lo mi níhi a he ɔ, e ngɛ Mawu nyɛe, ejakaa e bui Mawu mlaa a; pohu e be nɔ nyɛe maa ye tete.

1 Korintobi 13:12

Amlɔ nɛ ɔ lɛɛ wa ngɛ kaa ni komɛ nɛ ngɛ nɔ́ hyɛe tsuu kɛkɛ ngɛ ahuhuɛ mi. Se hwɔɔ se ɔ, wa maa na nɔ́ tsuaa nɔ́ paa. Piɔ lɛɛ ní nɛ i le ɔ, fa kɛ fa kɛkɛ. Se jamɛ a be ɔ lɛɛ ma le ní kɛ pi si kaa bɔ nɛ Mawu le mi kɛ pi si ɔ.

1 Korintobi 15:49

Nɛ wɔ nɛ a bɔ wɔ ngɛ je nɛ ɔ mi no ɔ subai nɔ ɔ, wa ma ba hɛɛ Hiɔwe No ɔ subai.

2 Korintobi 3:17

Nyɔmtsɛ ɔ ji mumi ɔ nɛ, nɛ he nɛ Nyɔmtsɛ ɔ mumi ɔ ngɛ ɔ, lejɛ ɔ he yemi ngɛ.

2 Korintobi 4:4

A he we sane kpakpa a yi, ejakaa je nɛ ɔ mi mawu ɔ yu a mumi mi hɛngmɛ; nɛ la nɛ ngɛ kpɛe ngɛ a nɔ ɔ, a nɛ. Sane kpakpa a nɛ woɔ Kristo hɛ mi nyami ɔ, la nɛ ɔ nɛ ngɛ lɛ gbɛe kɛ ngɛ fĩae. Kristo ɔ, e kɛ Mawu hɛɛ su kake.

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

2 Korintobi 5:17

Ke nɔ ko ba pee Kristo nɔ́ kɛkɛ e plɛ bɔ nɔ́ he; blema ní ɔmɛ tsuo be kɛ ho. Hyɛ, níhi tsuo pee e he.

Galatabi 6:15

A po nɔ ko jio, a pui nɔ ko jio, e he hia we kulaa. Nɔ́ nɛ he hia kɛkɛ ji kaa nɔ ko ma tsake kɛ pee bɔ nɔ he.

Kolosebi 3:10

Nyɛɛ wo nɔmlɔ su he. Nɔmlɔ su he nɛ ɔ ji nɔ́ nɛ Mawu, e bɔlɔ ɔ ngɛ mɔde bɔe daa nɛ kaa e maa hi kaa bɔ nɛ lɛ Mawu ɔ ngɛ ɔ, kɛkɛ nyɛ maa le lɛ fitsofitso.

1 Timoteo 1:11

A naa tsɔɔmi kpakpa nɛ ɔ ngɛ sɛ gbi nɛ haa nɔ hɛ mi baa nyami ɔ mi. Mawu lɛ ngɔ sɛ gbi nɛ ɔ ngɔ ha mi ke ma fiɛ. E sa kaa nɔ tsuaa nɔ nɛ je Mawu yi.

Tito 3:5

e he wa yi wami. Pi nɔ́ nɛ da nɛ wa pee he nɛ e he wa yi wami ngɛ; mɔbɔ kɛkɛ lɛ e na wɔ kɛ gu Mumi Klɔuklɔu ɔ nɔ. Mumi Klɔuklɔu ɔ du wa he, nɛ wa pee kaa nihi nɛ a fɔ mɛ ehe, nɛ́ a na wami he.

Yakobo 1:23

Nɔ tsuaa nɔ nɛ buu munyu ɔ tue kɛkɛ, se e yi nɔ ɔ, e ngɛ kaa nɔ ko nɛ ya hyɛɛ e he ngɛ ahuhuɛ mi, nɛ e naa bɔ nɛ e ngɛ ɔ tutuutu.

1 Yohane 3:2

Ye nyɛmimɛ nɛ i suɔ, amlɔ nɛ ɔ, Mawu bimɛ ji wɔ, se bɔ nɛ wa ma plɛ hwɔɔ se ɔ, lɔ ɔ lɛɛ wa li lolo. Nɔ́ nɛ wa le kɛkɛ ji kaa ke Kristo je e he kpo ɔ, wa maa hi kaa lɛ; ejakaa wa maa na lɛ paa kaa bɔ nɛ e ngɛ ɔ tutuutu.