2 Korintobi 3:16 - BAIBLO ALOO NGMAMI KLƆUKLƆU Ɔ

¹⁶ Se ke a kpale kɛ ba Nyɔmtsɛ ɔ ngɔ kɛkɛ a ma je hɛ mi hami nɔ́ ɔ ha mɛ.

Somi He Ɔ

¹⁶ se ke a kpale a se kɛ ba Nyɔmtsɛ ɔ ngɔ ɔ, a ma je hɛ mi hami nɔ́ ɔ.

2 Korintobi 3:16 ပူးပေါင်းရင်းမြစ်များ

Mose II, 34:34

Be tsuaa be nɛ Mose ma ya sɛ kpe he bo tsu ɔ mi nɛ e kɛ Yawɛ ma ya tu munyu ɔ, e jeɔ hɛ mi hami nɔ́ ɔ ngɛ e hɛ mi kɛ ya siɔ be nɛ e miɔ nɛ e maa je kpo. Ke e je kpo kɛ ba nɛ e ba de Israel bi ɔmɛ nɔ́ tsuaa nɔ́ nɛ Yawɛ fa lɛ ke e de ɔ,

Yesaya 29:18

Jamɛ a be ɔ, tuekpokutsɛ maa nu nɛ a ngɛ womi kanee, nɛ hɛ yuyuili nɛ ngɛ diblii kpii mi ɔ, a hɛngmɛ maa hyɛ nɔ ekohu.

Yesaya 25:7

Haomi nɛ ba je ma amɛ a nɔ kaa nɔ́ nɛ bo lɛ a kɛ ha a nɔ ɔ, Mawu ma ha nɛ lɛ tsuo se maa po ngɛ yo nɛ ɔ nɔ.

Romabi 11:23

Yuda bi ɔmɛ hu, ke a tsake nɛ a ba he ye jehanɛ ɔ, a maa kpale mɛ kɛ ta tso ɔ he ekohu, ejakaa Mawu ma nyɛ pee enɛ ɔ hluu tsɔ.

Yeremia 31:34

Nɔ ko pa be e nyɛmi, loo e he nɔ ko tsɔɔe hu ke e le Yawɛ, ejakaa nɔ tsuaa nɔ maa le mi, kɛ je jokuɛyo pe kulaa nɔ kɛ yaa si nɔkɔtɔma pe kulaa nɔ. Ma ngɔ a he yayami ɔmɛ kɛ pa mɛ, nɛ a ní yayami ɔmɛ hu i be kaie hu. Imi, Yawɛ lɛ i de.”

Kɔmɔ Yemi 3:40

Nyɛ ha nɛ waa hyɛ wa je mi bami mi saminya, nɛ waa kpale kɛ ba Yawɛ ngɔ.

Yesaya 54:13

“Imi Yawɛ nitsɛ, ma tsɔɔ ye ma a ní, nɛ ma ha a ma na ní babauu.

Mose V, 30:10

Nɔ́ nɛ hia ji kaa nyɛ maa bu e gbi tue, nɛ nyɛ maa ye e mlaa amɛ tsuo nɛ a ngma ngɛ mlaa womi nɛ ɔ mi ɔ a nɔ. E hia kaa nyɛɛ kpale kɛ ba Yawɛ ngɔ kɛ nyɛ tsui tsuo.

Mose V, 4:30

Ke nyɛ ngɛ amanehlu mi, nɛ ní nɛ ɔmɛ tsuo ba nyɛ nɔ ɔ, lɔ ɔ loko nyɛ maa kpale kɛ ba Yawɛ, nyɛ Mawu ɔ ngɔ, nɛ nyɛ maa bu lɛ tue.

2 Korintobi 3:15

Ee, kɛ ba su mwɔnɛ ɔ, be tsuaa be nɛ a ngɛ Mose mlaa a kanee ɔ, hɛ mi hami nɔ́ ɔ ha a juɛmi nɔ.