2 Korintobi 3:14 - BAIBLO ALOO NGMAMI KLƆUKLƆU Ɔ

¹⁴ Niinɛ, a nga a juɛmi nya! Kɛ ba su mwɔnɛ ligbi nɛ ɔ, kaa nɔ́ nɛ jamɛ a hɛ mi hami nɔ́ ɔ ha a hɛ mi kɛ mwɔɔ; ejakaa ke a kane somi momo ɔ, a nui sisi. Kristo pɛ lɛ ma nyɛ ma je hɛ mi hami nɔ́ nɛ ɔ.

Somi He Ɔ

¹⁴ Se mohu a nga a juɛmi nya. Ejakaa kɛ ba su mwɔnɛ ligbi nɛ ɔ nɔ ɔ, jamɛ a hɛ mi hami nɔ́ ɔ nɔuu lɛ ha Somi Momo ɔ kanemi ɔ nɔ; ejakaa Kristo mi pɛ nɛ e se poo ngɛ.

2 Korintobi 3:14 ပူးပေါင်းရင်းမြစ်များ

La 69:23

Ha nɛ a hɛngmɛ nɛ yu, konɛ a ko hyɛ nɔ́ hu! Ha nɛ a se tso nɛ kpɛ.

Yesaya 25:7

Haomi nɛ ba je ma amɛ a nɔ kaa nɔ́ nɛ bo lɛ a kɛ ha a nɔ ɔ, Mawu ma ha nɛ lɛ tsuo se maa po ngɛ yo nɛ ɔ nɔ.

Yesaya 44:18

Nɔ́ nɛ a ngɛ pee ɔ, a li, nɛ a nui sisi hulɔ. A nga a hɛngmɛ, konɛ a ko hyɛ nɔ́, a tsi a juɛmi nya, konɛ a ko nu nɔ́ sisi.

Yesaya 56:10

E ke, “Ma hɛ mi nyɛɛli ɔmɛ nɛ sa kaa a kaa ye ma a hɛ mi ɔ, hɛ yuyuili ji mɛ tsuo; a li nɔ́ ko nɔ́ ko! A ngɛ kaa we he bumi gbehi nɛ kpa we ngmlaa; daa nɛ ɔ, mahe mi kɛkɛ a hii nɛ a hii nlae. Lɔ ɔ ji nɔ́ nɛ a suɔ!

Yesaya 59:10

nɛ wa tataa si kɛ yaa gbogbo he kaa hɛ yuyuili. Wa tɛɔ si piani katakata kaa nɔ nɛ nyɔ mi. Wa peeɔ kaa ni gbogboehi ngɛ hɛ ngmengmletsɛmɛ a kpɛti.

Yesaya 6:10

E ya nɔ nɛ e de mi ke, “Ha nimli nɛ ɔmɛ a tsui nɛ ti; a tue nɛ wa, nɛ a hɛngmɛ hu nɛ ma, bɔ nɛ pee nɛ a hɛngmɛ ko hyɛ nɔ́, nɛ a tue hu ko nu nɔ́, konɛ a ko nu nɔ́ sisi, nɛ a ba kpale kɛ ba nɛ a tsa mɛ.”

Yeremia 5:21

Nyɛ kuasiahi, kɛ nihi nɛ nyɛ be juɛmi! Nyɛ ngɛ hɛngmɛ, se nyɛ hyɛ we nɔ́; nyɛ ngɛ tue, se nyɛ nui nɔ́. Nyɛɛ bu tue!

Ezekiel 12:2

E ke, “Nɔmlɔ adesa, nimli nɛ a tue wa a kpɛti o ngɛ ɔ nɛ. A ngɛ hɛngmɛ, se a hyɛ we nɔ́; a ngɛ tue hulɔ, se a nui nɔ́; ejakaa atuã tsɔli ji mɛ.

Mateo 13:11

Yesu he nɔ ke, “Nyɛɛ lɛɛ a kɛ hiɔwe matsɛ yemi ɔ mi laami sane ɔ ha nyɛ; se mɛɛ a kɛ ha we mɛ.

Mateo 16:17

Yesu de lɛ ke, “Simon, Yona bi, a gbaa mo! Ejakaa pi nɔmlɔ adesa nɛ je enɛ ɔ tsɔɔ mo; se Tsaatsɛ nɛ ngɛ hiɔwe ɔ.

Mateo 6:23

Se ke o hɛngmɛ nɔ tsɔ we ɔ, lɛɛ o nɔmlɔ tso ɔ tsuo maa wo diblii. Lɔ ɔ he ɔ, ke la nɛ ngɛ o mi ji diblii ɔ, lɛɛ jamɛ a diblii ɔ mi ma ti wawɛɛ nitsɛ.

Yohane 12:40

“Mawu ma a hɛngmɛ, nɛ e tsi a juɛmi nya hulɔ, konɛ a hɛngmɛ ko hyɛ nɔ́, nɛ a ko nu nɔ́ sisi. Mawu pee mɛ kikɛ nɛ ɔ, konɛ a ko kpale kɛ ba e ngɔ nɛ a tsa mɛ.”

Yohane 12:46

Imi lɛɛ i ba je ɔ mi kaa la, konɛ nɔ tsuaa nɔ nɛ heɔ mi yeɔ ɔ, e ko hi diblii ɔ mi.

Yohane 8:12

Yesu, kɛ Farisi bi ɔmɛ tu munyu ekohu, nɛ e de mɛ ke, “Imi ji je ɔ la a nɛ. Nɔ tsuaa nɔ nɛ nyɛɛɔ ye se ɔ, e naa la a nɛ haa nɔ wami ɔ; nɛ e be diblii mi nyɛɛe kɔkɔɔkɔ.”

Ni Tsumi 13:15

Benɛ a kane Mose mlaa a, kɛ gbali ɔmɛ a womi ɔ se ɔ, kpe he ɔ nikɔtɔma amɛ tsɔ ba de Paulo kɛ Barnaba ke, “Nyɛmimɛ, ke nyɛ ngɛ munyu ko nɛ maa wo ni ɔmɛ he wami ɔ, nyɛɛ tu.”

Ni Tsumi 15:21

Ejakaa kɛ je blema lokoo ɔ, daa Hejɔɔmi ligbi ɔ, a kaneɔ Mose mlaa a, nɛ a fiɛɔ e munyu ɔ ngɛ kpe he ɔ ngɛ ma tsuaa ma mi.”

Ni Tsumi 16:14

A ti nɔ kake ji Lidia. Yo nɛ ɔ je Tiatira ma a mi, nɛ e juaa bo tsu he jua wawɛ. Mawu jalɔ ji lɛ; nɛ Nyɔmtsɛ ɔ bli e juɛmi nya nɛ́ nɔ́ nɛ Paulo ngɛ dee ɔ, e bu tue saminya.

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’

Romabi 11:25

Ye nyɛmimɛ, anɔkuale laami sane ko ngɛ nɛ i suɔ kaa nyɛɛ le, bɔ nɛ pee nɛ nyɛ ko susu kaa nyɛ hɛ mi lɛ tɛ̃. Sane ɔ ji kaa Israel bi ɔmɛ ɔ, pe a ha a wa tue be kuku kɛkɛ kɛ yaa si ma je li ɔmɛ tsuo ma ba le Mawu.

2 Korintobi 3:15

Ee, kɛ ba su mwɔnɛ ɔ, be tsuaa be nɛ a ngɛ Mose mlaa a kanee ɔ, hɛ mi hami nɔ́ ɔ ha a juɛmi nɔ.

2 Korintobi 3:6

Mawu nɛ ha nɛ wa nyɛ nɛ wa ngɛ lɛ Mawu ɔ sɔmɔe kaa bɔ nɛ somi he ɔ tsɔɔ ɔ. Pi mlaa nɛ a ngma nɛ waa ye nɔ ji somi he ɔ, se mohu Mawu mumi. Mlaa nɛ a ngma a, gbenɔ nɛ e kɛ baa, se mumi ɔ haa nɔ wami.

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

Efesobi 4:18

se sisi numi be he. Wami he ɔ nɛ Mawu haa nɔ ɔ, mɛɛ a blɔ nya be mi; ejakaa a li nɔ́ ko nɔ́ ko, nɛ a tsui hu kplii.