2 Korintobi 3:12 - BAIBLO ALOO NGMAMI KLƆUKLƆU Ɔ

¹² Akɛnɛ wa ngɛ kikɛmɛ a hɛ kɛ nɔ fɔmi nɛ ɔ he je ɔ, wa tuɔ munyu kɛ kã.

Somi He Ɔ

¹² Jehanɛ, akɛnɛ wa ngɛ kikɛmɛ a hɛ kɛ nɔ fɔmi nɛ ɔ he je ɔ, wa peɔ ka babauu,

2 Korintobi 3:12 ပူးပေါင်းရင်းမြစ်များ

Yohane 10:24

Kɛkɛ nɛ Yuda bi ɔmɛ ba bu e nɔ, nɛ a bi lɛ ke, “Kɛ yaa su mɛni be nɛ o ma ha wa yi mi maa pee wɔ sikɔsikɔ ngɛ o he? Anɛ mo ji Kristo ɔ? De wɔ anɔkuale ɔ koo!”

Yohane 16:25

“Ní nɛ ɔmɛ tsuo ɔ, abɛ gbi mi i de nyɛ ngɛ. Se jehanɛ ɔ, be maa ba nɛ i be munyu tue ngɛ abɛ gbi mi hu. Mohu ma jaje Tsɛ ɔ he sanehi kpookpoo ha nyɛ.

Yohane 16:29

Kɛkɛ nɛ e kaseli ɔmɛ de lɛ ke, “Jehanɛ ɔ lɛɛ o ngɛ munyu tue paa nɛ pi abɛ gbi mi hu.

Ni Tsumi 14:3

Se kɛ̃ ɔ, bɔfo ɔmɛ a se kɛ ngɛ lejɛ ɔ; nɛ a kɛ kã fiɛ Nyɔmtsɛ Yesu he munyu ɔ. Nyɔmtsɛ ɔ hu piɛ bɔfo ɔmɛ a he, nɛ a pee nyakpɛ níhi, kɛ okadihi babauu kɛ tsɔɔ kaa a munyu ɔ ngɛ mi niinɛ.

Ni Tsumi 4:13

Benɛ kpe ngua a mi bi ɔmɛ na kã nɛ Petro kɛ Yohane pee, nɛ a ná le hu kaa nimli gu kɛkɛ ji mɛ, se pi womi mi leli ɔ, a he mi po. A kɔ se kaa a kɛ Yesu hi si.

Ni Tsumi 9:27

Se Barnaba ngɔ lɛ kɛ ya bɔfo ɔmɛ a ngɔ, nɛ e ya sɛɛ nɔ́ nɛ ba a ha mɛ. E de mɛ bɔ nɛ Saulo na Nyɔmtsɛ ɔ ngɛ Damasko blɔ ɔ nɔ nɛ e kɛ lɛ tu munyu, kɛ bɔ nɛ pee nɛ e na he wami ngɛ Yesu biɛ mi.

Ni Tsumi 9:29

Ke pee ɔ, e kɛ Helene bi hu hlaa níhi a mi, nɛ a sãã nya; se mɛɛ lɛɛ a hla kaa a maa gbe lɛ.

1 Korintobi 14:19

Se kɛ̃ ɔ, ke asafo ɔ ba bua a, imi lɛɛ i ko suɔ nɛ ma tu munyungu kakaaka enuɔ nɛ sisi numi ngɛ he nɛ ma kɛ tsɔɔ ní pe kaa ma tu munyungu akpeakpe ngɛ gbi slɔɔtohi a mi.

2 Korintobi 10:1

Imi Paulo nitsɛ, i ngɛ nyɛ pɛɛ kpae! Ni komɛ deɔ ke ke i ba nyɛ ngɔ ɔ, i peeɔ kpoo, se ke i be nyɛ kasa nya kɛkɛ i hia kã. I suɔ nɛ ma pee kpoo, nɛ ye mi mi nɛ jɔ kaa Kristo.

2 Korintobi 3:11

Ke nɔ́ nɛ hi si be kpiti kɛkɛ ɔ hɛ mi nyami je kpo ɔ, lɛɛ nɔ́ nɛ ngɛ daa a hɛ mi nyami ɔ pe lɔ ɔ hluu.

2 Korintobi 4:13

Ngmami ɔ ke, “I he Mawu ye, nɛ lɔ ɔ he ɔ, i tu munyu.” Wɔ hu wa ngɛ jamɛ a hemi kɛ yemi ɔ nɔuu; wɔ hu wa heɔ yeɔ, lɔ ɔ he ɔ, wa ngɛ fiɛe.

2 Korintobi 7:4

I fĩaa ngɔ fɔɔ nyɛ nɔ, ejakaa i ngɛ hemi kɛ yemi babauu ngɛ nyɛ mi. Ngɛ wa haomi ɔmɛ tsuo a mi ɔ, ye nine mi ji wu; ye bua jɔmi mohu lɛ hiɛ kɛ be nɔ.

Filipibi 1:14

Tsu nɛ a wo mi ɔ, ha nɛ nyɛmimɛ ɔmɛ a ti nihi babauu ba ngɔ a hɛ kɛ fɔ Nyɔmtsɛ ɔ nɔ wawɛɛ, nɛ a kɛ kã ngɛ Mawu sɛ gbi ɔ fiɛe nɛ a yi gbeye.

Filipibi 1:20

Nɔ́ nɛ i ngɔ hɛ kɛ fɔ nɔ, nɛ i ngɛ blɔ hyɛe wawɛɛ ji kaa zo be mi gbee; se mohu be tsuaa be ɔ, ma pee kã saminya, konɛ wami mi jio, gbenɔ mi jio, titli ɔ, amlɔ nɛ ɔ, ma ngɔ ye nɔmlɔ tso ɔ kɛ wo Kristo hɛ mi nyami.

Kolosebi 4:4

Lɔ ɔ he ɔ, nyɛɛ sɔle nɛ ma gba laami sane nɛ ɔ mi saminya bɔ nɛ sa kaa ma gba mi.

1 Tesalonikabi 2:2

Nyɛ le bɔ nɛ a wa wɔ yi mi, nɛ a jɛ wɔ kɛ pue wa hɛ mi si ngɛ Filipi loko wa ba nyɛ ngɔ ngɛ Tesalonika a. E ngɛ mi kaa níhi fuu ka wɔ blɔ tsimi, se wa Mawu ɔ wo wɔ kã kaa wa ba fiɛ e sane kpakpa a ngɔ tsɔɔ nyɛ.

1 Timoteo 3:13

Sɔmɔli nɛ ɔmɛ a ti ni nɛmɛ nɛ tsuɔ ní saminya a, a naa biɛ kpakpa. Nɛ hemi kɛ yemi nɛ a ngɛ ngɛ Kristo Yesu mi ɔ, a tuɔ he munyu kɛ kã.

Filemon 1:8

Enɛ ɔ he je ɔ, jinɛ kaa o nyɛmi ngɛ Kristo mi ɔ, i ngɛ he blɔ nɛ ma nyɛ o nɔ, nɛ o pee nɔ nɛ sa.