2 Korintobi 3:1 - BAIBLO ALOO NGMAMI KLƆUKLƆU Ɔ

¹ Ke wa de jã a, anɛ lɔ ɔ tsɔɔ kaa wa ngɛ wɔ nitsɛmɛ wa yi jee ekohu lo? Anɛ yi jemi womi nɛ ni kpahi maa ngma kɛ ba je wa yi ha nyɛ, aloo nɔ́ nɛ nyɛ maa ngma kɛ ya je wa yi ha ni kpahi he hia wɔ lo? Dɛbi!

Somi He Ɔ

¹ Anɛ pe wa kpale ngɛ wa he yi jee? Aloo e hia kaa wa hɛɛ yi jemi womi, kaa bɔ nɛ ni komɛ hɛɛ kɛ ba haa nyɛ loo kɛ jee nyɛ ngɔ ɔ lo?

2 Korintobi 3:1 ပူးပေါင်းရင်းမြစ်များ

Ni Tsumi 18:27

Jehanɛ, Apolo to e yi mi kaa e maa po mi kɛ ya Akaya, lɔ ɔ he ɔ, nyɛmimɛ ɔmɛ nɛ ngɛ Efeso ɔ susu he, nɛ a ngma womi ya ha nyɛmimɛ ɔmɛ nɛ ngɛ Akaya a kɛ wo mɛ ga ke a he lɛ hɛmuɔ. Benɛ e ba su lejɛ ɔ, nihi nɛ Mawu dloomi nya a, a ba he Kristo ye ɔ na e he se saminya.

Romabi 16:1

Wa nyɛmiyo Foibe nɛ sɔmɔɔ ngɛ Kenkrea asafo ɔ mi ɔ, ma suɔ nɛ ma wo e ta kɛ je e yi.

1 Korintobi 10:33

Nyɛ wo ye nane. Nɔ́ tsuaa nɔ́ mi ɔ, i bɔɔ mɔde kaa ma sa nihi tsuo a hɛ mi. I susuu we imi nɔ kake too ye he, se mohu i hlaa kaa e hi ha nɔ tsuaa nɔ, konɛ a he a yi wami.

1 Korintobi 16:3

Ke i ba a, ma tsɔ nihi nɛ nyɛ nitsɛmɛ nyɛ buu mɛ kɛ womi, konɛ a ngɔ nyɛ nike ní ɔ kɛ ya Yerusalem.

1 Korintobi 3:10

I ngɔ Mawu dloomi nɛ e ha mi ɔ, nɛ i kɛ to tsu ɔ sisi kaa tsu fialɔ kpanaa nɛ le ga tsuɔ ní; nɛ nɔ kpa ba ngɛ nɔ fiae. Se e hia kaa nɔ tsuaa nɔ nɛ hyɛ kaa e ngɛ tsu ɔ fiae saminya ngɛ sisi tomi ɔ nɔ lo.

1 Korintobi 4:15

Nyɛ ngɛ nihi akpeakpe nɛ a ngɛ nyɛ nɔ hyɛe mohu, se nɛ nyɛ ba le Kristo ɔ, tsɛ kake pɛ lɛ nyɛ ngɛ. Ejakaa kɛ gu sane kpakpa a nɛ i ngɔ ba ha nyɛ ɔ nɔ ɔ, nyɛɛ kɛ Yesu Kristo ba bɔni bɔmi, nɛ i ba pee nyɛ tsɛ.

2 Korintobi 10:12

Nihi nɛ woɔ a he nɔ, nɛ a buu a he kaa mɛɛ a pe ni kpahi ɔ, wa be wa he ngɔe ngɔ ta a he; ee, wa be wa he ngɔe ngɔ to a he. Bɔ nɛ a kaleɔ a he, nɛ a ngɔɔ a he ngɔ toɔ a sibi a he ɔ, juɛmi be mi.

2 Korintobi 10:18

Ejakaa nɔ nɛ jeɔ lɛ nitsɛ e yi ɔ, Nyɔmtsɛ ɔ hla we lɛ; nɔ nɛ Nyɔmtsɛ ɔ nitsɛ jeɔ e yi ɔ, lɛ nɛ Nyɔmtsɛ ɔ suɔ.

2 Korintobi 10:8

Nyɔmtsɛ Yesu Kristo ha wɔ he wami ngɛ nyɛ nɔ, pi nɛ wa kɛ kpata nyɛ hɛ mi, se mohu nɛ wa kɛ ye bua nyɛ. Nɛ e ngɛ mi kaa he blɔ nɛ wa hɛɛ nɛ ɔ ha nɛ i fĩa tsɔ mohu, se kɛ̃ enɛ ɔ pee we mi zo.

2 Korintobi 12:11

I ngɛ ye ní pee kaa kuasia; se nyɛ lɛ nyɛ pee mi jã. Nyɛ lɛ nyɛ ko je ye yi; ejakaa ke i pi nɔ ko tete po, jamɛ a ni ɔmɛ nɛ nyɛ buu mɛ bɔfo nguahi ɔ, a pi mi ngɛ nɔ́ ko nɔ́ ko mi.

2 Korintobi 12:19

Nyɛ ko susu kaa pe wa ngɛ mɔde bɔe nɛ wa fa wa he ngɛ nyɛ hɛ mi kɛkɛ. Mawu ji wa we odase kaa wa ngɛ anɔkuale tue kaa Kristo tsɔli. Nyɛmimɛ nɛ wa suɔ! Nɔ́ tsuaa nɔ́ nɛ wa ngɛ pee ɔ, wa ngɛ pee nɛ wa kɛ ye bua nyɛ.

2 Korintobi 2:17

Wɔɔ lɛɛ wa be kaa ni kpa komɛ nɛ mɛɛ a ngɔ Mawu munyu ɔ ngɔ pee je juami nɔ́ nɛ a kɛ ngɛ si kpae ɔ. Se mohu kaa nihi nɛ le Kristo ɔ, wa tuɔ anɔkuale ɔ sisi kaa nihi nɛ a tsɔ mɛ kɛ je Mawu nitsɛ ngɔ.

2 Korintobi 5:12

Nyɛ ko susu kaa wɔ nitsɛmɛ wa yi wa pa ngɛ jee ha nyɛ ekohu. Dɛbi! Waa kɛ enɛ ɔ ngɛ nyɛ blɔ hae, konɛ nyɛ kɛ fĩa ngɔ fɔ wa nɔ. Kɛkɛ ɔ, nihi nɛ hyɛɛ nihi a hɛ mi, se pi a tsui mi, nɛ a fĩaa ngɔ fɔɔ a nɔ ɔ, nyɛ ma ná nɔ́ ko ma de mɛ.