2 Korintobi 2:9 - BAIBLO ALOO NGMAMI KLƆUKLƆU Ɔ

⁹ I ngma nyɛ jamɛ a womi ɔ nɛ ma kɛ ka nyɛ ma hyɛ kaa ke i de nyɛ ke nyɛɛ pee nɔ́ ko ɔ, nyɛ maa pee lo.

Somi He Ɔ

⁹ ejakaa enɛ ɔ he hulɔ nɛ i ngma nyɛ womi ɔ nɛ, konɛ ma kɛ ka nyɛ kaa nyɛ buɔ tue ngɛ nihi kulaa mi lo?

2 Korintobi 2:9 ပူးပေါင်းရင်းမြစ်များ

Mose II, 16:4

Kɛkɛ nɛ Yawɛ de Mose ke, “Hyɛ, ma ha abolo maa nɛ kɛ je hiɔwe pue si ha nyɛ. Daa ligbi ɔ, ma a maa ya nɛ a ya bua nɔ́ nɛ maa su mɛ ligbi kake yemi nya, nɛ ma kɛ ka mɛ ma hyɛ kaa a maa ye ye mlaa amɛ a nɔ lo.

2 Korintobi 10:6

Nɛ ke nyɛ tsake pee anɔkuale tue buli ɔ, wɔɔ lɛɛ wa pee klaalo nɛ wa maa gbla ni nɛmɛ nɛ tsakee we ɔ a tue.

2 Korintobi 2:3

Enɛ ɔ he nɛ i ngma nyɛ womi ɔ nɛ. I sume kaa ke i ba nyɛ ngɔ ɔ, nihi nɛ ma ha mi bua jɔmi ɔ, ma ha nɛ mɛ mohu a ní nɛ pee mɔbɔ. Ejakaa i le kaa ke ye bua jɔ kɛkɛ nyɛ tsuo nyɛ bua jɔ.

2 Korintobi 2:4

Benɛ i ngɛ nyɛ womi ɔ ngmae ɔ, he hiami sɔuu ha nɛ ye tsui kpa miɔ nɛ e ma tsɔ, nɛ kikɛ nɛ ɔ vo nyu ngɛ ye hɛngmɛ mi jee kɛ ngɛ si puee. Pi ye yi mi tomi ji kaa ma ha nɛ nyɛɛ ye kɔmɔ, se mohu bɔ nɛ pee nɛ nyɛɛ na bɔ nɛ i suɔ nyɛ ha.

2 Korintobi 2:8

Lɔ ɔ he ɔ, i kpa nyɛ pɛɛ nɛ nyɛ ha nɛ e le kaa nyɛ suɔ lɛ.

2 Korintobi 8:2

Wa nyɛmimɛ ɔmɛ nɛ ngɛ Makedonia nɛ heɔ Kristo yeɔ ɔ ba na amanehlu wawɛɛ; se be tsuaa be ɔ, a bua jɔ. Jehanɛ hu, nɔ́ ko be a dɛ, se kɛ̃ ɔ, a ha nɔ́ faa kɛ je a tsui mi.

2 Korintobi 8:24

Nyɛɛ tsɔɔ nimli nɛ ɔmɛ ngɛ asafo ɔmɛ a hɛ mi kaa nyɛ suɔ mɛ. Kɛkɛ ɔ, enɛ ɔ maa ye odase kaa fiami nɛ wa fĩa fɔ nyɛ nɔ ɔ pee we yaka.

Mose V, 13:3

nyɛ ko bu lɛ tue fɛɛ. Yawɛ, nyɛ Mawu ɔ gu nɔ́ nɛ ɔ nɔ kɛ ngɛ nyɛ kae nɛ e hyɛ kaa nyɛ suɔ lɛ, Yawɛ ɔ saminya ngɛ nyɛ tsui mi lo.

Mose V, 8:16

Ngɛ nga a nɔ ɔ, e ha nyɛ mana, niye ní nɛ nyɛ nɛmɛ yi hyɛ, nɛ nyɛ ye. E ha nyɛ na hɛdo ní, nɛ e kɛ ka nyɛ hyɛ, konɛ lɔ ɔ se ɔ, e gbaa nyɛ kɛ ní kpakpahi.

Mose V, 8:2

Nyɛ kai kaa Yawɛ, nyɛ Mawu ɔ kpaka nyɛ ngɛ blɔ gagaa nɛ ɔ nɔ kɛ gu nga kplanaa a nɔ jeha nyingmi eywiɛ sɔuu. E ha hɛdo níhi kɛ nyɛ kpe kɛ ka nyɛ hyɛ, konɛ e kɛ le nɔ́ nɛ ngɛ nyɛ tsui mi, kaa nyɛ maa ye e mlaa amɛ a nɔ, loo nyɛ be a nɔ yee.

Filipibi 2:12

Ye nyɛmimɛ nɛ i suɔ! E he hia wawɛɛ kaa amlɔ nɛ ɔ tete nɛ i be nyɛ ngɔ ɔ, nyɛɛ bu mi tue wawɛɛ pe kekle ɔ po. Nyɛɛ kɛ gbeye yemi, kɛ he domi blibliibli nɛ tsu ní wawɛɛ, konɛ a he nyɛ yi wami.

Filipibi 2:22

Nyɛ nitsɛmɛ nyɛ le Timoteo mɔde bɔmi! Nyɛ le kaa e tsu ní nɛ se bé; e kɛ mi tsu sane kpakpa a he ní kaa bi kɛ e tsɛ.

2 Tesalonikabi 3:14

Ke nɔ ko sume kaa e maa ye nɔ́ nɛ wa ngma nyɛ nɛ ɔ nɔ ɔ, nyɛ kadi lɛ, nɛ nyɛɛ kɛ lɛ ko bɔ. Kɛkɛ ɔ, zo maa gbe lɛ.

Filemon 1:21

I heɔ yeɔ kaa nɔ́ nɛ i kɛ ngɛ o hɛ mi fɔe ngɛ womi nɛ i ngma mo nɛ ɔ mi ɔ, o maa pee. I le hulɔ kaa o maa pee pe bɔ nɛ i bi nɛ ɔ tete po.