2 Korintobi 2:7 - BAIBLO ALOO NGMAMI KLƆUKLƆU Ɔ

⁷ Jehanɛ lɛɛ nyɛɛ ngɔ e he yayami kɛ pa lɛ, nɛ nyɛɛ wo lɛ bua, konɛ e ko ba ye kɔmɔ tsɔ, nɛ e kɔni mi ba jɔ̃.

Somi He Ɔ

⁷ lɔ ɔ he ɔ, jehanɛ nyɛ kɛ pa lɛ, nɛ nyɛɛ jɔɔ e bua mohu, konɛ kɔmɔ yemi fuu tsɔ ɔ ko ba ha e nine mi nɛ wo nyu.

2 Korintobi 2:7 ပူးပေါင်းရင်းမြစ်များ

Efesobi 4:32

Niinɛ, nyɛɛ na nyɛ sibi mɔbɔ; nyɛ tsui mi nɛ sã nyɛ ngɛ nyɛ sibi a he, nɛ nyɛɛ ngɔ a he yayami kɛ pa mɛ kaa bɔ nɛ Mawu hu ngɔ nyɛ he yayami ɔmɛ ngɔ pa nyɛ kɛ gu Kristo nɔ ɔ.

Kolosebi 3:13

Ke nɔ ko kɛ e nyɛmi ngɛ sane ko ɔ, nyɛɛ na ha nyɛ sibi, nɛ nyɛ kɛ pa nyɛ he kaa bɔ nɛ Nyɔmtsɛ ɔ hu ngɔ nyɛ he yayami ngɔ pa nyɛ ɔ.

Yesaya 28:7

Gbali ɔmɛ, kɛ osɔfo ɔmɛ pohu tɔɔ dã, nɛ a tataa si. Wai kɛ dã nɛ nya wa fuu tsɔ nɛ a nuu ɔ, haa a hii si tɛe basabasa. Gbali ɔmɛ tɔɔ dã kpɔtɔɔ; lɔ ɔ he ɔ, ninahi nɛ Mawu haa mɛ ɔ, a nui sisi. Osɔfo ɔmɛ hu tɔɔ dã kpɔtɔɔ ja nɔuu; mɛ hu sanehi nɛ a kɛ ba haa mɛ ɔ, a nyɛ we nɛ a hyɛɛ mi.

Abɛ Womi 17:22

Ke nɔ ko bua jɔ e he be tsuaa be ɔ, e ngɛ kaa tsopa nɛ haa nɔ he wami. Se daa nɛ ke nɔ pee vii ɔ, e ngɛ lɛ nitsɛ e he gbee.

2 Tesalonikabi 3:6

Nyɛmimɛ, wa ngɛ nyɛ fae ngɛ wa Nyɔmtsɛ Yesu biɛ mi ke nyɛɛ kɛ nihi nɛ tsu we ní, kɛ ni nɛmɛ nɛ bɛ a je mi saminya kaa bɔ nɛ wa tsɔɔ mɛ ɔ kó bɔ.

1 Tesalonikabi 4:13

Nyɛmimɛ, wa suɔ kaa nyɛɛ le anɔkuale sane nɛ kɔɔ nihi nɛ gbo ɔ a he, konɛ nyɛ ko ye kɔmɔ kaa nihi nɛ be hɛ kɛ nɔ fɔmi.

Filipibi 2:27

Niinɛ, e nu hiɔ wawɛɛ, nɛ e piɛ nguɛ nya nɛ e gbo. Se Mawu na lɛ mɔbɔ; pi lɛ kɛkɛ, se mohu imi hulɔ; e je mi kɛ je kɔmɔ yemi babauu mi.

2 Korintobi 7:10

Ejakaa ke o hao bɔ nɛ sa Mawu hɛ mi ɔ, e haa o tsakeɔ o tsui, nɛ a heɔ o yi wami. Enɛ ɔ lɛɛ he piami ko be mi! Se ke o hao ngɛ níhi nɛ sa je ɔ hɛ mi he ɔ, gbenɔ lɛ jeɔ mi.

2 Korintobi 5:4

Be mi nɛ wa ngɛ bo tsu nɛ ɔ mi kɛ mwɔɔ ɔ, wa he hiaa wɔ, nɛ wa faa huu. Pi kaa wa suɔ kaa waa ngmɛɛ wa zugba nɛ ɔ nɔ bo tsu ɔ he, se mohu kaa waa ngɔ hiɔwe nɔ́ ɔ hu kɛ ha wa he. Kɛkɛ ɔ, nɔ́ nɛ ngɛ wami ɔ ma tsake nɔ́ nɛ gboɔ ɔ.

1 Korintobi 15:54

Ke nɔ́ nɛ puɛɔ ɔ tsake pee nɔ́ nɛ puɛ we, nɛ nɔ́ nɛ gboɔ ɔ tsake pee nɔ́ nɛ gbo we ɔ, lɔ ɔ lɛɛ ngmami ɔ maa ba mi: “A mi gbenɔ kɛ ye kunimi!”

Abɛ Womi 1:12

Waa mii mɛ hɛ ngmengmle kaa a yaa gbeje; waa ngɔ mɛ kaa yɔkɔ ngɔɔ gbogboe, be mi nɛ a ngɛ kpakpataa!

La 124:3

jinɛ bɔ nɛ a mi mi fu wɔ wawɛɛ nɛ ɔ, a ko mii wɔ hɛ ngmengmle;

La 21:9

Ke o je o he kpo ɔ, a hɛ mi ma kpata kaa nɔ́ nɛ flɔɔnɔɔ kɛ e mi la mi a ngɛ. Mo Yawɛ, o mi mi ma fu mɛ. O maa mii mɛ, nɛ la hu maa sã mɛ.

La 57:3

E maa tsɔ kɛ je hiɔwe kɛ ba he ye yi wami; nɛ nihi nɛ ngɛ mi yi mi wae ɔ, zo maa gbe mɛ. Mawu, o maa tsɔɔ mi kaa o mɔbɔ nami ngɛ daa kɛ ha mi, nɛ o yeɔ anɔkuale daa jã kɛ̃.

2 Korintobi 2:8

Lɔ ɔ he ɔ, i kpa nyɛ pɛɛ nɛ nyɛ ha nɛ e le kaa nyɛ suɔ lɛ.