2 Korintobi 2:4 - BAIBLO ALOO NGMAMI KLƆUKLƆU Ɔ

⁴ Benɛ i ngɛ nyɛ womi ɔ ngmae ɔ, he hiami sɔuu ha nɛ ye tsui kpa miɔ nɛ e ma tsɔ, nɛ kikɛ nɛ ɔ vo nyu ngɛ ye hɛngmɛ mi jee kɛ ngɛ si puee. Pi ye yi mi tomi ji kaa ma ha nɛ nyɛɛ ye kɔmɔ, se mohu bɔ nɛ pee nɛ nyɛɛ na bɔ nɛ i suɔ nyɛ ha.

Somi He Ɔ

⁴ Se tsui yemi kɛ fimi babauu mi i je kɛ ngma nyɛ, kɛ gu vo nyu babauu hu mi, tsa pi nɛ nyɛɛ ye kɔmɔ he je, se mohu nɛ nyɛɛ na suɔmi babauu nɛ i suɔ nyɛ.

2 Korintobi 2:4 ပူးပေါင်းရင်းမြစ်များ

La 119:136

Ye hɛngmɛ tslaa nyu babaaba kaa pa nɛ ngɛ bee, ejakaa nimli adesahi yi o mlaa amɛ a nɔ.

2 Korintobi 11:2

I suɔ nyɛ saminya kaa bɔ nɛ Mawu nitsɛ suɔ nyɛ ɔ. I suɔ kaa nyɛɛ ye Kristo anɔkuale kaa bɔ nɛ yomiyo yeɔ nyumu nɛ ba bi e si ɔ anɔkuale, nɛ e hyɛɛ e he nɔ saminya kɛ ya siɔ yo kpeemi ligbi ɔ.

2 Korintobi 12:15

Ma suɔ kaa ma ngɔ níhi tsuo nɛ i ngɛ ɔ, kɛ ye nɔmlɔ tso ɔ tete ngɔ ha nɛ ma kɛ ye bua nyɛ. Ke i suɔ nyɛ babauu kikɛ nɛ ɔ, e sɛ kaa nyɛ hu nyɛɛ suɔ mi jã lo?

2 Korintobi 2:9

I ngma nyɛ jamɛ a womi ɔ nɛ ma kɛ ka nyɛ ma hyɛ kaa ke i de nyɛ ke nyɛɛ pee nɔ́ ko ɔ, nyɛ maa pee lo.

2 Korintobi 7:12

Lɔ ɔ he ɔ, womi ɔ nɛ i ngma nyɛ ɔ, tsa pi nɔ ɔ, aloo nɔ nɛ a tɔ̃ e nɔ ɔ he titli nɛ e kɔɔ. I ngma womi ɔ konɛ dengme nɛ nyɛ ngɛ gboe ngɛ wa he ɔ nɛ je kpo paa ha nyɛ ngɛ Mawu hɛ mi.

Filipibi 3:18

I de nyɛ nɔ́ nɛ ɔ si abɔ, nɛ jehanɛ hu i kɛ vo nyu ngɛ nyɛ dee ekohu ke gbenɔ nɛ Kristo ba gbo ngɛ sɛumi tso ɔ nɔ ɔ, nihi babauu a je mi bami peeɔ mɛ e he nyɛli.