2 Korintobi 2:3 - BAIBLO ALOO NGMAMI KLƆUKLƆU Ɔ

³ Enɛ ɔ he nɛ i ngma nyɛ womi ɔ nɛ. I sume kaa ke i ba nyɛ ngɔ ɔ, nihi nɛ ma ha mi bua jɔmi ɔ, ma ha nɛ mɛ mohu a ní nɛ pee mɔbɔ. Ejakaa i le kaa ke ye bua jɔ kɛkɛ nyɛ tsuo nyɛ bua jɔ.

Somi He Ɔ

³ Enɛ ɔ he je nɛ i ngma nyɛ enɛ ɔ, konɛ, ke i ba a, ma ko ba ye kɔmɔ ngɛ nihi nɛ jinɛ sa kaa i naa a he bua jɔmi ɔmɛ a he, ejakaa ye hɛ ngɛ nyɛ tsuo nyɛ nɔ kaa ye bua jɔmi ji nyɛ tsuo nyɛ bua jɔmi.

2 Korintobi 2:3 ပူးပေါင်းရင်းမြစ်များ

1 Korintobi 4:21

Te nɔ nɛ nyɛ suɔ nɛɛ? Ke i ma nyɛ ngɔ ɔ, ma hɛɛ kpa kɛ ba, aloo ma ba ngɛ suɔmi, kɛ he jɔmi mi?

2 Korintobi 1:15

Kikɛmɛ a ní nɛ ɔmɛ nɛ i le saminya a a he je nɛ i to ye yi mi kekle ɔ kaa ma ba slaa nyɛ, konɛ nyɛ na gbaami ɔ si enyɔ.

2 Korintobi 1:23

I na Mawu kaa pe i sume nɛ ma hao nyɛ, lɔ ɔ he loko i tsake ye yi mi tomi ɔ, nɛ i bɛ Korinto ɔ nɛ.

2 Korintobi 12:11

I ngɛ ye ní pee kaa kuasia; se nyɛ lɛ nyɛ pee mi jã. Nyɛ lɛ nyɛ ko je ye yi; ejakaa ke i pi nɔ ko tete po, jamɛ a ni ɔmɛ nɛ nyɛ buu mɛ bɔfo nguahi ɔ, a pi mi ngɛ nɔ́ ko nɔ́ ko mi.

2 Korintobi 12:21

I ngɛ gbeye yee kaa ke i ba ekohu ɔ, ye Mawu ɔ maa ba mi si ngɛ nyɛ hɛ mi. Nihi nɛ pee yayami sa a, nɛ a tsakee we a tsui, nɛ a ngɛ yayami ɔ pee kɛ mwɔɔ ɔ, ma fo ya ngɛ a he. Mɛ ji mu ní tsuli, ajuama bɔli, kɛ zo ní tsuli.

2 Korintobi 13:10

Enɛ ɔ he hu lɛ i ngɛ nyɛ womi nɛ ɔ ngmae benɛ i be nyɛ ngɔ ɔ nɛ. Kɛkɛ ɔ, ke i ba a, e be hiae kaa i kɛ nyɛ nɛ ye wawɛɛ. He wami nɛ Nyɔmtsɛ ɔ ha mi ɔ, pi nɛ ma kɛ kpata nyɛ hɛ mi, se mohu nɛ ma kɛ ye bua nyɛ.

2 Korintobi 2:9

I ngma nyɛ jamɛ a womi ɔ nɛ ma kɛ ka nyɛ ma hyɛ kaa ke i de nyɛ ke nyɛɛ pee nɔ́ ko ɔ, nyɛ maa pee lo.

2 Korintobi 7:12

Lɔ ɔ he ɔ, womi ɔ nɛ i ngma nyɛ ɔ, tsa pi nɔ ɔ, aloo nɔ nɛ a tɔ̃ e nɔ ɔ he titli nɛ e kɔɔ. I ngma womi ɔ konɛ dengme nɛ nyɛ ngɛ gboe ngɛ wa he ɔ nɛ je kpo paa ha nyɛ ngɛ Mawu hɛ mi.

2 Korintobi 7:16

Ye bua jɔ kaa ma nyɛ ma ngɔ ye hɛ kɛ fɔ nyɛ nɔ kulaa ngɛ nɔ́ tsuaa nɔ́ mi.

2 Korintobi 7:6

Se benɛ Tito ba a, Mawu, nɔ nɛ woɔ nihi nɛ a nine mi jɔ̃ he wami ɔ ha nɛ wa nɔ gbagba te.

2 Korintobi 7:8

Jamɛ a womi ɔ nɛ i ngma nyɛ ɔ ha nɛ nyɛ hao mohu lɛɛ, se i pia we ye he kaa i ngma. I pia ye he kaa womi ɔ ha nɛ nyɛ hao, pohu be kpiti ko kɛkɛ.

2 Korintobi 8:22

Lɔ ɔ he ɔ, wa tsɔ wa nyɛmi ɔ hu kɛ piɛ a he. Wa ka lɛ si abɔ ngɛ níhi fuu a mi, nɛ wa na kaa e bɔɔ mɔde saminya. Amlɔ nɛ ɔ, e ngɔ e hɛ ngɔ fɔ nyɛ nɔ wawɛɛ, nɛ e hɛ dɔ wawɛɛ pe daa.

Galatabi 5:10

Se imi lɛɛ i ngɔ ye hɛ ngɔ fɔ nyɛ nɔ. I le kaa nyɛ be nɔ kpa ko munyu nue. Nɔ tutuutu nɛ ngɛ nyɛ tue puɛe ɔ, Mawu maa gbla e tue kokooko!

2 Tesalonikabi 3:4

Nyɔmtsɛ ɔ ha wa he nyɛ ye saminya. Enɛ ɔ he je ɔ, wa ngɛ nɔ mi mami kaa nɔ́ nɛ wa de ke nyɛɛ pee ɔ, nyɛ ngɛ pee, nɛ nyɛ maa ya nɔ maa pee.

Filemon 1:21

I heɔ yeɔ kaa nɔ́ nɛ i kɛ ngɛ o hɛ mi fɔe ngɛ womi nɛ i ngma mo nɛ ɔ mi ɔ, o maa pee. I le hulɔ kaa o maa pee pe bɔ nɛ i bi nɛ ɔ tete po.