2 Korintobi 2:17 - BAIBLO ALOO NGMAMI KLƆUKLƆU Ɔ

¹⁷ Wɔɔ lɛɛ wa be kaa ni kpa komɛ nɛ mɛɛ a ngɔ Mawu munyu ɔ ngɔ pee je juami nɔ́ nɛ a kɛ ngɛ si kpae ɔ. Se mohu kaa nihi nɛ le Kristo ɔ, wa tuɔ anɔkuale ɔ sisi kaa nihi nɛ a tsɔ mɛ kɛ je Mawu nitsɛ ngɔ.

Somi He Ɔ

¹⁷ Ejakaa wa be kaa ni komɛ nɛ juaa Mawu munyu ɔ, se mohu wa tuɔ lɛ ngmingmiingmi bɔ nɛ e je Mawu mi ɔ ngɛ Mawu hɛ mi, ngɛ Kristo mi.

2 Korintobi 2:17 ပူးပေါင်းရင်းမြစ်များ

Yeremia 5:31

Gbali ɔmɛ a sɛ gbi ɔ, lakpa sɔuu; nɔ́ nɛ mɛɛ a fa osɔfo ɔmɛ ke a pee ɔ, lɔ ɔ osɔfo ɔmɛ peeɔ. Nɛ ye ma a hu suɔ ja. Se nyagbe ɔ, kɛ a maa pee kɛɛ?”

Mateo 24:24

Ejakaa lakpa kristohi, kɛ lakpa gbali maa te si. A maa pee okadi nguahi, kɛ nyakpɛ níhi kɛ mlɔɔ nihi nɛ Mawu hla a tete.

Ni Tsumi 20:20

Nyɛ le hu kaa níhi nɛ a he ngɛ se nami ha nyɛ ɔ, i laa we nyɛ ekoeko nɔ; se mohu i fiɛ, nɛ i tsɔɔ nyɛ ní faii ngɛ ma nɔ, kɛ nyɛ we ɔmɛ a mi tsuo.

Ni Tsumi 20:27

Ejakaa i jaje Mawu yi mi tomi ɔ tsuo pɛpɛɛpɛ ngɔ tsɔɔ nyɛ nɛ i laa we nyɛ ba.

1 Korintobi 5:8

Lɔ ɔ he ɔ, ke wa ngɛ wa Hetsɔmi nyami be ɔ yee ɔ, nyɛ ko ha nɛ waa ngɔ ma momo kɛ ye. Ma momo nɛ ɔ ji yayami, kɛ yi wu tso níhi. Nyɛ ha waa ye lɛ ngɛ anɔkuale yemi mi.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

2 Korintobi 1:18

Mawu yeɔ anɔkuale, lɔ ɔ he ɔ, nɔ́ nɛ wa de nyɛ ɔ, pi “Ee” kɛ “Dɛbi” nɛ a deɔ be kake too ji lɔ ɔ.

2 Korintobi 11:11

Mɛni he je nɛ i ngɛ enɛ ɔ dee? Pe i sume nyɛ lo? Dɛbi, Mawu le kaa i suɔ nyɛ.

2 Korintobi 12:19

Nyɛ ko susu kaa pe wa ngɛ mɔde bɔe nɛ wa fa wa he ngɛ nyɛ hɛ mi kɛkɛ. Mawu ji wa we odase kaa wa ngɛ anɔkuale tue kaa Kristo tsɔli. Nyɛmimɛ nɛ wa suɔ! Nɔ́ tsuaa nɔ́ nɛ wa ngɛ pee ɔ, wa ngɛ pee nɛ wa kɛ ye bua nyɛ.

2 Korintobi 4:2

Wa kpa laami mi zo ní tsumi; wa yi kutupɔ, nɛ Mawu munyu ɔ hu wa tsakee we hɛ mi. Wa fiɛɔ Mawu sɛ gbi ɔ paa ngɛ ma hɛ mi, nɛ wa bɔɔ mɔde kaa nihi nɛ a ná wa he juɛmi kpakpa ngɛ Mawu hɛ mi.

2 Korintobi 6:7

anɔkuale munyu tumi, kɛ Mawu he wami nɛ ngɛ ní tsue ngɛ wa mi ɔ tsɔɔ kaa Mawu tsɔli ji wɔ. Wa peeɔ nɔ́ nɛ da, nɛ lɔ ɔ ji wa ta hwumi ní nɛ waa hɛɛ hiɔ kɛ muɔ nɛ wa kɛ faa wa he.

Galatabi 1:6

Nyɛ he pee mi nyakpɛ. Hyɛ kaa e yi be ko kulaa nɛ nɔ nɛ tsɛ nyɛ kɛ gu Kristo dloomi ɔ nɔ ɔ, nyɛ kua lɛ, nɛ nyɛ ya ngɛ sane kpakpa kpa se nyɛɛe.

1 Tesalonikabi 2:4

Mohu ɔ, wa tuɔ munyu kaa bɔ nɛ Mawu tsɔɔ wɔ ke waa pee ɔ; ejakaa e na wɔ kaa nihi nɛ sa nɛ a tu sane kpakpa a ngɔ wo a dɛ mi. Wa hla we kaa waa sa nimli a hɛ mi, se mohu kaa wa maa sa Mawu pɛ hɛ mi; ejakaa lɛ nɛ e le bɔ nɛ wa tsui mi ngɛ ha.

Tito 1:11

E hia kaa a ku nɔ́ nɛ ɔ nya la, ejakaa nimli nɛ ɔmɛ kɛ a tsɔɔmi ɔ ngɛ wehi fuu a nane kpatae. A ngɛ níhi nɛ dɛ blɔ tsɔɔe. Blɔɔ zo blɔ nɔ nɛ a gu kɛ ngɛ sika pee ji nɛ ɔ nɛ.

Hebribi 11:27

Hemi kɛ yemi lɛ ha nɛ Mose je Egipt nɛ e yi matsɛ ɔ mi mi fumi ɔ gbeye. E kpale we e se, ejakaa Mawu nɛ e nɛ́ kɛ e hɛngmɛ ɔ, e pɛtɛ e he wawɛɛ kaa nɔ́ nɛ e ngɛ lɛ hyɛe paa.

1 Petro 4:11

Ke nɔ ko ngɛ fiɛe ɔ, e fiɛ Mawu sɛ gbi ɔ; ke nɔ ko ngɛ sɔmɔe ɔ, e ngɔ he wami nɛ Mawu ha lɛ ɔ kɛ sɔmɔ. Nɔ́ tsuaa nɔ́ nɛ nyɛ ngɛ pee ɔ, e ha nɛ nihi nɛ a je Mawu yi kɛ gu Yesu Kristo nɔ. Mawu nɔ́ ji hɛ mi nyami, kɛ he wami kɛ yaa neneene. Amen.

1 Yohane 4:1

Ye nyɛmimɛ nɛ i suɔ, nyɛ ko he nɔ tsuaa nɔ ko kɛkɛ nɛ deɔ ke e ná Mawu mumi ɔ nyɛɛ ye. Se mohu nyɛɛ ka nɔ tsuaa nɔ nɛ nyɛɛ hyɛ kaa mumi nɛ e ngɛ ɔ je Mawu ngɔ lo. Ejakaa je ɔ hyi tɔ kɛ lakpa gbali sɔuu.

Yuda 1:4

I ngɛ enɛ ɔ dee, ejakaa ni komɛ nɛ li Mawu ju si ba sɛ wa kpɛti. Sɛ gbi nɛ kɔɔ dloomi nɛ Mawu dloo wɔ ɔ he ɔ, nimli nɛ ɔmɛ plɛ hɛ mi ngɔ bu si, bɔ nɛ pee nɛ a kɛ laa a yakayaka ní peemi ɔmɛ a nɔ. Yesu Kristo, wa Tsɔɔlɔ, kɛ wa Nyɔmtsɛ kake too ɔ hu a kua lɛ. Blema lokoo lɛ ngmami ɔmɛ de to kaa a ma kpata nimli nɛ ɔmɛ a hɛ mi.

Kpojemi 12:9

A sake sinɔ nguaa a ngɔ fɔ he. Ee, jamɛ a blema sinɔ nguaa a nɛ a tsɛɛ lɛ Abosiami, loo Satan nɛ sisi nihi tsuo ngɛ je ɔ mi ɔ, a sake lɛ kɛ e bɔfo ɔmɛ tsuo ngɔ fɔ je ɔ mi.

Kpojemi 19:20

A nu lohwe awi yelɔ ɔ, kɛ lakpa gbalɔ ɔ nɛ pee nyakpɛ níhi ngɛ e hɛ mi ɔ tsuo. E pee nyakpɛ ní ɔmɛ kɛ sisi nihi nɛ a kɛ lohwe ɔ kadi mɛ ɔ, kɛ ni nɛmɛ nɛ jaa lohwe ɔ we amaga a. A hɛ lohwe ɔ, kɛ lakpa gbalɔ ɔ tsuo ngɔ fɔ taku kɛ e mi la nɛ ngɛ tsoe gegeege ɔ mi hɛ ngmengmle.

Kpojemi 2:20

Se kɛ̃ ɔ, i kɛ mo ngɛ sane. O ngmɛ blɔ nɛ Yezebel, jamɛ a yo ɔ nɛ tsɛɔ e he gbalɔ ɔ ngɛ ye ma a ní tsɔɔe. E kɛ tsɔɔmi nɛ ɔ sisi mɛ, nɛ a ya ngɛ yo kɛ nyumu yakayaka fiɛmi fiɛe; nɛ a ngɛ wɔ nya ní hu yee.