2 Korintobi 2:14 - BAIBLO ALOO NGMAMI KLƆUKLƆU Ɔ

¹⁴ Se sina ha Mawu! Mawu haa Kristo yeɔ yayami he wami ɔ nɔ kunimi daa, nɛ kikɛmɛ a kunimi yemi nɛ ɔ peeɔ wɔ bɔfo ɔmɛ hu wa nɔ́. Mawu guu wa nɔ kɛ fiɛɔ sɛ gbi nɛ kɔɔ Kristo he ɔ kɛ yaa he tsuaa he kaa bɔ nɛ nɔ́ ko he via yaa tsitsaa a.

Somi He Ɔ

¹⁴ Se sina ha Mawu, ejakaa ngɛ waa kɛ Kristo kake peemi mi ɔ, e haa wa yeɔ kunimi daa, nɛ e haa e he nilemi he via a guu wa nɔ jee kpo ngɛ he tsuaa he.

2 Korintobi 2:14 ပူးပေါင်းရင်းမြစ်များ

La 106:47

Yawɛ wa Mawu! Mo kpɔ wɔ kɛ je je ma amɛ a dɛ mi, nɛ o kpale wɔ kɛ ba ekohu, konɛ waa na mo si, nɛ wa je o biɛ klɔuklɔu ɔ yi.

La 148:14

E to e ma a sisi kɛ he wami saminya. lɔ ɔ he ɔ, e ma a tsuo ngɛ e yi jee; e ma a ji Israel, nɛ e he jua wa ha lɛ kaa nɔ́ ko. Nyɛ je Yawɛ yi!

Lahi 1:3

O he ngɛ via jee kaa nɔ́ ko; ke a wo o biɛ ta pɛ a kaiɔ o he via a; lɔ ɔ he nɛ yi ɔmɛ tsuo suɔ mo ɔ nɛ.

Ezekiel 20:41

Ke i je nyɛ kɛ je je mahi a nɔ hehi nɛ a gbɛ nyɛ ngɔ fĩa a, nɛ i ba bua nyɛ nya a, ma ná nyɛ he tsui kaa bɔ nɛ he via, nɛ je ma amɛ maa na kaa nɔ klɔuklɔu ji mi ngɛ nyɛ kpɛti.

Yohane 16:33

I de nyɛ ní nɛ ɔmɛ, konɛ nyɛɛ kɛ mi nɛ hi si, konɛ nyɛ na he jɔmi. Benɛ nyɛ ngɛ je ɔ mi ɔ, haomi maa ba nyɛ nɔ; se nyɛ tsui nɛ nɔ nyɛ mi, ejakaa i ye je ɔ nɔ kunimi.”

Romabi 1:8

Kekleekle ɔ, i gu Yesu Kristo nɔ kɛ ngɛ ye Mawu ɔ si nae ngɛ nyɛ tsuo nyɛ he, ejakaa a ngɛ hemi kɛ yemi nɛ nyɛ hɛɛ mi ɔ he odase yee ngɛ je ɔ mi he tsuaa he.

Romabi 15:19

Okadihi, kɛ nyakpɛ níhi nɛ i pee ɔ, Mumi Klɔuklɔu ɔ lɛ tsu enɛ ɔmɛ tsuo. Lɔ ɔ he ɔ, ye sikpa a tsuo, kɛ je Yerusalem hluu kɛ ya su Ilirikum ɔ, sane kpakpa a nɛ kɔɔ Kristo he ɔ sɔuu i fiɛ.

Romabi 6:17

Se wa naa Mawu si! Jinɛ sa a, yayami ye nyɛ nyɔguɛ, se jehanɛ lɛɛ nyɛ ngɛ Mawu sɔmɔe. Ní nɛ a tsɔɔ nyɛ ɔ, nyɛ he lɛ kɛ nyɛ tsui tsuo.

Romabi 8:37

Dɛbi! Ngɛ enɛ ɔmɛ tsuo a mi ɔ, nɔ nɛ suɔ wɔ ɔ haa wa yeɔ kunimi babauu.

1 Korintobi 12:8

Mawu mumi ɔ haa nɔ ko he wami nɛ e kɛ tuɔ munyu nɛ juɛmi ngɛ mi. Jamɛ a mumi ɔ nɔuu haa nɔ kpa hu he wami nɛ e kɛ tuɔ munyu nɛ sisi numi ngɛ mi.

1 Korintobi 15:37

Jehanɛ ɔ hu, wu ngmelu kɛkɛ kaa ngma, loo e henɔ ko nɛ o du ɔ nɛ; pi tso nɛ maa puɛ ɔ.

1 Korintobi 15:57

Se sina ha Mawu, nɔ nɛ haa wa yeɔ kunimi kɛ guu wa Nyɔmtsɛ Yesu Kristo nɔ ɔ!

2 Korintobi 1:11

Nyɛ hu nyɛɛ piɛ wa he kɛ kpa pɛɛ, konɛ nihi babauu nɛ na Mawu si ha wɔ kaa nihi babauu a pɛɛ kpami nya a, wa na dloomi nike níhi.

2 Korintobi 8:16

Wa naa Mawu si kaa e ha Tito suɔmi kɛ gɛjɛmi nɛ e kɛ maa ye bua nyɛ kaa bɔ nɛ i ngɛ pee ɔ.

2 Korintobi 9:15

Nyɛ ha waa na Mawu si ngɛ e nike ní nɛ nɔ ko be nyɛe maa kale ɔ he.

Efesobi 5:2

Nyɛ je nyɛ suɔmi kpo ngɔ tsɔɔ nyɛ sibi ngɛ nyɛ ní peemi mi kaa bɔ nɛ Kristo suɔ wɔ nɛ e ba gbo ngɛ wa he ɔ. Ee, Kristo ngɔ e he ngɔ ha kaa nike ní nɛ a kɛ sã bɔ, nɛ he via, nɛ sa Mawu hɛ mi.

Efesobi 5:20

Be tsuaa be ɔ, nyɛɛ na Tsɛ Mawu si ngɛ nɔ́ tsuaa nɔ́ he.

Filipibi 4:18

Níhi tsuo nɛ nyɛ mane ɔ ba su mi; a hiɛ kulaa pe bɔ nɛ i susu! Epafrodito ngɔ nyɛ manemi ɔmɛ tsuo kɛ ba, nɛ nɔ́ ko nɔ́ ko hia we mi hu. Nike ní nɛ ɔmɛ ngɛ kaa bɔ ko nɛ a sã ha Mawu. Bɔ kaa kikɛ nɛ ɔ jeɔ via liliili; e saa Mawu hɛ mi, nɛ e naa he bua jɔmi.

Kolosebi 1:23

Lɔ ɔ he ɔ, e hia kaa nyɛɛ hɛɛ hemi kɛ yemi ɔ mi; nyɛɛ da si kpitikplii, nɛ hɛ kɛ nɔ fɔmi nɛ nyɛ ná benɛ nyɛ nu sane kpakpa a, nyɛ ko ngmɛɛ he. Sane kpakpa nɛ ɔ nɛ a fiɛ ngɔ tsɔɔ bɔ níhi tsuo ngɛ je ɔ mi ɔ he lɛ imi Paulo i ba pee sɔmɔlɔ ngɛ.

Kolosebi 1:6

Sane kpakpa a ngɛ nɔ yae, nɛ e ngɛ yiblii woe ngɛ je ɔ mi tsuo. Kikɛ nɛ ɔ nɔuu e ngɛ ní tsue ngɛ nyɛ hu nyɛ mi kɛ je ligbi ɔ nɛ nyɛ nu Mawu dloomi ɔ he nɛ nyɛ nu sisi kaa bɔ nɛ e ngɛ anɔkuale mi ɔ.

Kolosebi 2:15

Kristo kpɔ he wami ngɛ mumi mi nɔ yeli, kɛ he wami ɔmɛ a dɛ. E bɔ mɛ ahlua paa, nɛ e kɛ tsɔɔ je ɔ kaa niinɛ e ye kunimi.

1 Tesalonikabi 1:8

Pi Makedonia kɛ Akaya kɛkɛ nɛ Nyɔmtsɛ ɔ sɛ gbi ɔ nɛ nyɛ fiɛ ɔ gbɛ fĩa a, se he tsuaa he ɔ, a nu nyɛ hemi kɛ yemi nɛ nyɛ ngɛ ngɛ Mawu mi ɔ hu he. Enɛ ɔ he je ɔ, e hia we kaa wɔɔ wa deɔ nɔ́ ko hu.

1 Tesalonikabi 3:9

Nyɛ he ɔ, Mawu haa wɔ bua jɔmi babauu nɛ wa be nyɛe maa na lɛ si saasaa.

1 Timoteo 2:8

He tsuaa he nɛ asafo ɔ ma bua a he nya ngɛ kɛ ja Mawu ɔ, nyumuhi nɛ a sɔle. E hia kaa a pee Kristo se nyɛɛli nɛ ngɔ a he kɛ ha Mawu kulaa. Ke a ngɛ sɔlee ɔ, a wo a nine nɔ, nɛ mi mi la kó hi mi; nɛ a ko hla kaa a maa sã nya ngɛ nɔ́ ko he.

2 Timoteo 2:2

Níhi nɛ o nu nɛ i ngɛ fiɛe ngɛ nihi babauu a hɛ mi ɔ, tsɔɔ nihi nɛ yeɔ anɔkuale ɔ lɔ ɔmɛ nɔuu, konɛ mɛ hu a tsɔɔ ni kpahi.

Kpojemi 7:12

nɛ a de ke, “Amen! Wa Mawu! Wa ngɛ o yi jee; wa ngɛ o hɛ mi nyami woe, nɛ wa ngɛ mo si nae kɛ yaa neneene. Ejakaa o le ní; o kle, nɛ o je agbo! Amen!”