2 Korintobi 13:6 - BAIBLO ALOO NGMAMI KLƆUKLƆU Ɔ

⁶ I heɔ yeɔ kaa nyɛ ma na maa le kaa wɔɔ lɛɛ a ka wɔ, nɛ wa je kpo kaa nihi nɛ sa niinɛ.

Somi He Ɔ

⁶ Se ye hɛ ngɛ nɔ kaa nyɛ maa le kaa, wɔɔ lɛɛ wa pi nihi nɛ sɛ́.

2 Korintobi 13:6 ပူးပေါင်းရင်းမြစ်များ

2 Korintobi 12:20

I ngɛ gbeye yee kaa ke i ba nyɛ slaami ɔ, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ. Eko piɔ ɔ, níhi nɛ ma ba na kɛkɛ ji pɛ, hunga jemi, mi mi la, mi gbami, nɔ biɛ puɛmi, sieku yemi, he nɔ womi, kɛ basabasa peemi.

2 Korintobi 13:10

Enɛ ɔ he hu lɛ i ngɛ nyɛ womi nɛ ɔ ngmae benɛ i be nyɛ ngɔ ɔ nɛ. Kɛkɛ ɔ, ke i ba a, e be hiae kaa i kɛ nyɛ nɛ ye wawɛɛ. He wami nɛ Nyɔmtsɛ ɔ ha mi ɔ, pi nɛ ma kɛ kpata nyɛ hɛ mi, se mohu nɛ ma kɛ ye bua nyɛ.

Romabi 1:28

Jehanɛ ɔ hu, akɛnɛ nimli nɛ ɔmɛ bui a he kaa e sa mɛ kaa a leɔ Mawu ɔ, Mawu hu ngmɛɛ a he ngɔ ha juɛmi nɛ sɛ́, konɛ a pee níhi nɛ sɛ́.

2 Korintobi 13:5

Nyɛɛ ka nyɛ nitsɛmɛ nyɛ he nɛ nyɛɛ hyɛ kaa nyɛ heɔ Kristo yeɔ niinɛ lo. Nyɛɛ hyɛ nyɛ nitsɛmɛ nyɛ he nɛ hi. Anɛ nyɛ nitsɛmɛ nyɛ li kaa Yesu Kristo he wami ɔ ngɛ nyɛ mi lo? Ee, ke nyɛ sɛ́ ɔ, nyɛ be enɛ ɔ lee.

2 Korintobi 13:7

Wa ngɛ Mawu pɛɛ kpae ha nyɛ nɛ nyɛ ko pee nɔ́ ko nɛ sɛ́. Waa kɛ enɛ ɔ tsɔɔ we kaa wɔɔ lɛɛ wa hi; se mohu nɛ nyɛɛ pee nɔ́ nɛ sa; pohu e maa pee nihi kaa wɔɔ lɛɛ wa nyɛ we kulaa.