2 Korintobi 13:1 - BAIBLO ALOO NGMAMI KLƆUKLƆU Ɔ

¹ Enɛ ɔ ji si etɛne nɛ i ma nyɛ slaami. Ngmami ɔ ke, “Ni enyɔ, loo etɛ nɛ a ye odase loko a buá sane tsuaa sane he.”

Somi He Ɔ

¹ Enɛ ɔ ji si etɛ nɛ i ma nyɛ ngɔ. Odase yeli enyɔ loo etɛ nya a, sane tsuaa sane nya nɛ ma si.

2 Korintobi 13:1 ပူးပေါင်းရင်းမြစ်များ

Matsɛmɛ I, 1:14

Natan ya nɔ nɛ e de lɛ ke, “Be mi nɛ o kɛ matsɛ ɔ ngɛ munyu tue ɔ, ma nyɛɛ o se kɛ ba, nɛ ma ba ma nɔ́ tsuaa nɔ́ nɛ o ma de ɔ nɔ mi.”

Matsɛmɛ I, 21:10

Nyɛ ha yaka nimli enyɔ nɛ a da e hɛ mi paa nɛ a ye odase ngɔ si lɛ ke e jɛ Mawu, kɛ matsɛ ɔ. Lɔ ɔ se ɔ, nyɛɛ ngɔ lɛ kɛ je ma a mi, nɛ nyɛ ya fia lɛ tɛ nɛ nyɛɛ gbe.”

Matsɛmɛ I, 21:13

Yaka nimli enyɔ ɔmɛ ba nɛ a ba po Nabot nya ngɛ ma a hɛ mi ke e jɛ Mawu, kɛ matsɛ ɔ. Lɔ ɔ he ɔ, a ngɔ lɛ kɛ je ma a mi, nɛ a ya fia lɛ tɛ nɛ a gbe.

Mose IV, 35:30

“Ke nɔ ko gbe nɔ ko ɔ, a da odase yeli enyɔ, loo nɔ́ a nya mi munyu nɔ nɛ a kɛ kojo lɛ loko a gbe lɛ; a ko da odase yelɔ kake pɛ nya mi munyu nɔ kɛ gbe nɔ ko.

Mateo 18:16

Se ke e bui mo tue ɔ, ngɔɔ nɔ kake, loo ni enyɔ ngɔ piɛ o he. Kɛkɛ ɔ, ni enyɔ, loo etɛ ɔmɛ maa pee odase yeli kɛ ma munyu ɔ nɔ mi.

2 Korintobi 12:14

Amlɔ nɛ ɔ, i dla ye he nɛ ma ba slaa nyɛ si etɛne. I bɛ nɛ ma ba pee tlomi ngɛ nyɛ kuɛ nɔ; nyɛ he i ma ngɛ, se pi nyɛ sika he. Pi bimɛ nɛ sa kaa a hyɛɛ a fɔli a nɔ; e sa kaa fɔli mohu nɛ hyɛ a bimɛ a nɔ.

Mose V, 17:6

Se kɛ̃ ɔ, odase yeli enyɔ, loo nihi nɛ hiɛ pe jã a we odase nɔ a maa da kɛ bu lɛ fɔ, loko a gbe lɛ; a ko nu odase yelɔ kake pɛ nya mi munyu.

Mose V, 19:15

“Nɔ kake pɛ ko ye odase kɛ si nɔ ko nɛ pee yayami ko. Loko a maa bu nɔ ko fɔ ɔ, a nu odase yeli enyɔ, loo nihi nɛ hiɛ pe ja a nya mi munyu.