2 Korintobi 12:7 - BAIBLO ALOO NGMAMI KLƆUKLƆU Ɔ

⁷ Nyakpɛ ní nguanguahi nɛ a je tsɔɔ mi ɔ ma ha ma wó ye he nɔ. Lɔ ɔ he ɔ, bɔ nɛ pee nɛ e ko ba mi ja he je ɔ, Mawu ngɔ mio ko ngɔ wo ye he womi mi. Nɔ́ nɛ ɔ ngɛ kaa Satan bɔfo, nɛ e kongoɔ mi, konɛ ma ko wó ye he nɔ.

Somi He Ɔ

⁷ Se benɛ pee nɛ ma ko wo ye he nɔ tsɔ ko ngɛ kpo jemihi nɛ kle saminya nɛ ɔmɛ a he ɔ, a ha mi mio ko ngɛ ye he womi mi, nɛ ji Satan bɔfo, konɛ e gba mi mahi, nɛ ma ko wo ye he nɔ tsɔ.

2 Korintobi 12:7 ပူးပေါင်းရင်းမြစ်များ

Mose IV, 33:55

Se ke nyɛ fie we zugba a nɔ bi ɔmɛ kɛ ji zugba a nɔ ɔ, lɛɛ ni nɛmɛ nɛ maa tlɔ si ɔ maa pee kaa zezle mio nɛ gbɔ nyɛ hɛngmɛ mi, loo ha tso mio nɛ gbɔ nyɛ kasa nya; a maa hao nyɛ ngɛ zugba a nɔ he nɛ nyɛ ngɛ ɔ.

Manyadali 2:3

Lɔ ɔ he ɔ, imi hu i ngɛ nyɛ dee ke i be ni ɔmɛ fiee kɛ je nyɛ blɔ ɔ nɔ. A ma plɛ pee nyɛ he nyɛli, nɛ a mawu ɔmɛ hu ma plɛ pee klama nɛ a tsɔ nyɛ.”

Galatabi 4:13

Kaa bɔ nɛ nyɛ le ɔ, kekleekle ɔ nɛ i ba fiɛ sane kpakpa a ha nyɛ ɔ, i be he wami.

Daniel 5:20

Se akɛnɛ e wo e he nɔ, nɛ e wa tue, nɛ e pee yi wu tso níhi he je ɔ, a je lɛ kɛ je e matsɛ sɛ ɔ nɔ, nɛ e hɛ mi nyami ɔ bɔ lɛ.

1 Korintobi 5:5

nyɛɛ tu nɔmlɔ nɛ ɔ kɛ wo Satan dɛ mi, nɛ e kpata e nɔmlɔ tso ɔ hɛ mi, konɛ kojomi ligbi ɔ, Kristo nɛ he e susuma yi wami.

Mose I, 32:31

Benɛ Yakob je Peniel ɔ, pu gba; nɛ e gbongu ɔ nɛ huã he je ɔ, e nyɛ we nɛ e nyɛɛ tutuutu.

Hiob 2:7

Kɛkɛ nɛ Satan si Yawɛ, nɛ e ya ha nɛ tslɔɔ fuu Hiob nɔmlɔ tso ɔ tsuo, kɛ je e nane sisi kɛ ya si e yi mi.

1 Timoteo 3:6

E ko pee nɔ ko nɛ tsake e tsui kɛ we. Ke pi ja a, e ma wo e he nɔ, nɛ Mawu maa gbla e tue kaa bɔ nɛ e pee Abosiami ɔ.

Kronika II, 26:16

Se benɛ Uzia tsɛ yemi ɔ ba he si ɔ, e wo e he nɔ, nɛ nɔ́ nɛ ɔ ha nɛ e hɛ mi kpata. E ya sã tsopa kɛ e he via ngɛ tsopa kɛ e he via sami la tɛ ɔ nɔ ngɛ Yawɛ we ɔ, nɛ e kɛ nɔ́ nɛ ɔ tɔ̃ Yawɛ, e Mawu ɔ nɔ.

Mose V, 8:14

nyɛɛ hyɛ saminya nɛ nyɛ ko wo nyɛ he nɔ, nɛ nyɛ hɛ ba je Yawɛ, nyɛ Mawu ɔ nɔ. Lɛ nɛ je nyɛ kɛ je Egipt, he nɛ a ye nyɛ nyɔguɛ ngɛ ɔ.

Mose I, 32:25

Benɛ nyumu ɔ na kaa e nyɛ we Yakob ɔ, e fia Yakob mlɛ mi nɔ́, nɛ Yakob gbongu huã.

2 Korintobi 11:20

Ke nɔ ko ba ye nyɛ nyɔguɛ, loo adufude, loo e ba pee nyɛ kuasia, loo e ba wo e he nɔ ngɛ nyɛ nɔ, loo e ba gba nyɛ hɛ mi ma po, nyɛ de we nɔ́ ko.

1 Korintobi 4:11

Kɛ ba si amlɔ nɛ ɔ tete po hwɔ kɛ kuma yee wɔ; wa heha níhi híaa ngɛ wa he; a kongoɔ wɔ, nɛ wa hii kpae kɛ hii bee.

Ezekiel 28:24

Yawɛ ke, “Je ma amɛ nɛ bɔle Israel kɛ kpe nɛ a pue e hɛ mi si ɔ, ekoeko be e he pee kaa mio, loo mio tso kɛ plaa Israel hu. Kɛkɛ ɔ, a maa le kaa imi ji Nyɔmtsɛ Yawɛ.”

Kronika II, 32:31

Benɛ ni ɔmɛ nɛ Babilonia ganɔ ɔmɛ tsɔ kɛ ba Hezekia ngɔ ba bi lɛ sane ngɛ nyakpɛ níhi nɛ ba zugba a nɔ ɔ a he pohu ɔ, Mawu ngmɛɛ Hezekia jemi he ngɔ ha lɛ. Mawu pee kikɛmɛ a nɔ́ nɛ ɔ konɛ e kɛ ka lɛ, nɛ e kɛ na nɔ́ tsuaa nɔ́ nɛ ngɛ e tsui mi.

Mose V, 17:20

Enɛ ɔ ma ha nɛ e be susue kaa e hi pe e nyɛmimɛ Israel fɔfɔɛ ɔmɛ; nɛ e maa ye Yawɛ mlaa amɛ a nɔ pɛpɛɛpɛ. Lɔ ɔ loko e matsɛ yemi ɔ se maa kɛ, nɛ e bimɛ, kɛ e nina maa ye Israel nɔ be babauu.

2 Korintobi 10:5

nɛ wa teɔ si woɔ ní yayamihi nɛ he nɔ woli deɔ kɛ siɔ bɔ nɛ Mawu ngɛ anɔkuale mi ɔ. Wa tsakeɔ adesa juɛmi, konɛ e susumi nɛ pee kaa bɔ nɛ Kristo ngɛ hlae ɔ.

Luka 13:16

Hyɛ, yo nɛ ɔ, Abraham nina ji lɛ, nɛ Satan bɔ lɛ pã jeha nyɔngma kɛ kpaanyɔ sɔuu. Anɛ e sɛ kaa a jeɔ lɛ ngɛ pã mi Hejɔɔmi ligbi ɔ lo?”

Mateo 26:67

Kɛkɛ nɛ a su lada ngɔ pue e hɛ mi, nɛ a fiaa lɛ ní. Ni komɛ hu gba lɛ ma,

Hiob 2:6

Yawɛ de Satan ke, “Saminya! E ngɛ o dɛ mi; e hɛ mi kɛkɛ nɛ o ko kpata.”

Hosea 2:6

Lɔ ɔ he ɔ, ma ngɔ mio tso kɛ tsi lɛ blɔ; ma fia gli kɛ wo e he kɛ tsi lɛ blɔ.

Mateo 4:10

Kɛkɛ nɛ Yesu de lɛ ke, “Satan, jee hiɛmɛ nɛ ɔ! Ngmami ɔ ke, ‘Ja Nyɔmtsɛ o Mawu ɔ, nɛ o sɔmɔ lɛ pɛ!’ ”

2 Korintobi 10:10

Nihi deɔ ke, “Paulo womi ɔmɛ a mi munyuhi jiɔ, nɛ a mi wa hulɔ; se ke o na lɛ nitsɛ lɛɛ pi nɔ ko kulaa ji lɛ; munyu nitsɛ tete e li tumi.”

2 Korintobi 12:1

Ma ya nɔ ma fĩa kɛ̃, pohu se nami ko be he. Jehanɛ lɛɛ nɔ́ nɛ he munyu nɛ ma tu ji bɔ nɛ Nyɔmtsɛ Yesu Kristo je e he kpo tsɔɔ mi, kɛ e suɔmi nya níhi nɛ e tsɔɔ ke ma pee.