2 Korintobi 12:21 - BAIBLO ALOO NGMAMI KLƆUKLƆU Ɔ

²¹ I ngɛ gbeye yee kaa ke i ba ekohu ɔ, ye Mawu ɔ maa ba mi si ngɛ nyɛ hɛ mi. Nihi nɛ pee yayami sa a, nɛ a tsakee we a tsui, nɛ a ngɛ yayami ɔ pee kɛ mwɔɔ ɔ, ma fo ya ngɛ a he. Mɛ ji mu ní tsuli, ajuama bɔli, kɛ zo ní tsuli.

Somi He Ɔ

²¹ I ngɛ gbeye yee kaa ke i ba a, ye Mawu ɔ maa ba mi si ekohu ngɛ nyɛ he, nɛ ma ye kɔmɔ ha nihi nɛ pee yayami sa nɛ a tsakee we a tsui ɔmɛ a ti nihi fuu, ngɛ a mu nihi kɛ ajuama bɔmi kɛ ya homi ɔ he.

2 Korintobi 12:21 ပူးပေါင်းရင်းမြစ်များ

2 Korintobi 13:2

Nihi tsuo nɛ pee yayami sa a, i bɔ mɛ kɔkɔ momo benɛ i ba slaa nyɛ si enyɔne ɔ. Amlɔ nɛ ɔ, i be nyɛ ngɔ, se i ngɛ mɛ, kɛ ni kpa amɛ tsuo kɔkɔ bɔe ekohu. Jehanɛ lɛɛ ke i ba a, ma gbla a tue wawɛɛ.

Kolosebi 3:5

Lɔ ɔ he ɔ, je nɛ ɔ mi akɔnɔ níhi nɛ haoɔ nyɛ, yo kɛ nyumu yakayaka fiɛmi, mu ní tsumi, mi mi la, akɔnɔ yaya, kɛ hɛ tsumi nɛ ngɛ kaa amaga jami ɔ, nyɛɛ gbe.

Galatabi 5:19

Ke nɔ ko peeɔ he lo ɔ nya ní ɔ, níhi nɛ jeɔ mi kɛ baa ji nɛ ɔmɛ nɛ: gba puɛmi, mu ní tsumi, yahomi,

1 Korintobi 5:1

A ngɛ dee ke yo kɛ nyumu yakayaka fiɛmi sanehi ngɛ asafo ɔ mi. Nɔ́ nɛ ba nɛ ɔ, wɔ jali tete po pee we. I nu kaa nɔ ko kɛ lɛ nitsɛ e tsɛ yo ngɛ si hwɔe.

Kpojemi 22:20

Nɔ nɛ ngɛ ní nɛ ɔmɛ tsuo a he odase yee ɔ ngɛ dee ke, “Ee, i ma nɔuu!” Amen. Nyɔmtsɛ Yesu, ba!

Kpojemi 22:15

Se ni nɛ ɔmɛ lɛɛ a be mɛ blɔ hae nɛ a sɛ ma a mi: gbe ɔmɛ, nyuali ɔmɛ, nihi nɛ fiɛɔ yo kɛ nyumu yakayaka fiɛmi ɔ, nɔmlɔ gbeli ɔmɛ, amaga jali ɔmɛ, kɛ nihi nɛ suɔ lakpa yemi ɔ.

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”

Yuda 1:23

nyɛ je ni komɛ hu kɛ je la a mi; nyɛɛ na ni kpa komɛ hu mɔbɔ nɛ gbeye yemi ngɛ mi. Se tadehi nɛ a wo ɔ tete po nyɛɛ hie; ejakaa a kɛ he lo akɔnɔ wo he mu.

Yuda 1:7

Nyɛ kai Sodom kɛ Gomora, kɛ mahi nɛ bɔle mɛ kɛ kpe ɔ. Ma nɛ ɔmɛ a mi bi ɔmɛ fiɛ yo kɛ nyumu yakayaka fiɛmi, nɛ a ya nyɛɛ akɔnɔ yayahi a se kaa bɔ nɛ jamɛ a bɔfo ɔmɛ pee ɔ nɔuu. Nimli nɛ ɔmɛ a tue gblami ji kaa a ngɔ mɛ ngɔ wo la nɛ gbo we mi, konɛ a pee okadi kɛ ha nihi tsuo.

2 Petro 2:18

Akɛnɛ nya puu munyu nguahi jeɔ a nya he je ɔ, a guu he lo akɔnɔ níhi a nɔ nɛ a kɛ ya sisiɔ nihi nɛ je si himi yaya nɛ dɛ blɔ mi kɛ́ we.

Hebribi 13:4

Nyɛ ha gba si himi he nɛ tsɔ, nɛ nyumu kɛ yo nɛ a ye a sibi anɔkuale. Ejakaa Mawu maa kojo yaholi, kɛ gba puɛli.

2 Korintobi 12:7

Nyakpɛ ní nguanguahi nɛ a je tsɔɔ mi ɔ ma ha ma wó ye he nɔ. Lɔ ɔ he ɔ, bɔ nɛ pee nɛ e ko ba mi ja he je ɔ, Mawu ngɔ mio ko ngɔ wo ye he womi mi. Nɔ́ nɛ ɔ ngɛ kaa Satan bɔfo, nɛ e kongoɔ mi, konɛ ma ko wó ye he nɔ.

2 Korintobi 10:6

Nɛ ke nyɛ tsake pee anɔkuale tue buli ɔ, wɔɔ lɛɛ wa pee klaalo nɛ wa maa gbla ni nɛmɛ nɛ tsakee we ɔ a tue.

2 Korintobi 8:24

Nyɛɛ tsɔɔ nimli nɛ ɔmɛ ngɛ asafo ɔmɛ a hɛ mi kaa nyɛ suɔ mɛ. Kɛkɛ ɔ, enɛ ɔ maa ye odase kaa fiami nɛ wa fĩa fɔ nyɛ nɔ ɔ pee we yaka.

Romabi 13:13

Nyɛ ha waa ba wa je mi saminya kaa nihi nɛ ngɛ nyɛɛe piani, se pi kaa nihi nɛ ngɛ diblii mi. Wa ko fiɛ fiɛmi yaya; wa ko de dã; wa ko fiɛ nyumu kɛ yo yakayaka fiɛmi; wa ko tsu mu ní; wa ko pɛ, nɛ wa ko je hunga.

Romabi 9:2

I yeɔ tsui, nɛ i yeɔ kɔmɔ hu babauu

Yeremia 13:17

Se ke nyɛ bui tue kɛ mwɔɔ ɔ, lɛɛ ma fo ya ngɛ laami mi ngɛ nyɛ he nɔ womi ɔ he. Ma fo ya hluu kɛ yaa si ye hɛngmɛ maa tɔ nyu, ejakaa a nuu Yawɛ ma mi bi ɔmɛ nyɔguɛ kɛ je.

Yeremia 9:1

I ná nɛ ye yi pee kaa vu kɛ e mi nyu, nɛ ye hɛngmɛhi plɛ pee nyu hɛngmɛ nɛ vo nyu ngɛ mi jee babaaba. Jinɛ i ko fo ya nyɔ kɛ pia kɛ ha ye ma mi bi ɔmɛ nɛ a gbe ɔ.

La 119:136

Ye hɛngmɛ tslaa nyu babaaba kaa pa nɛ ngɛ bee, ejakaa nimli adesahi yi o mlaa amɛ a nɔ.

Ezra 10:1

Jehanɛ Ezra ya Mawu we ɔ hɛ mi. E fa kue ha Mawu, nɛ e jaje Israel ma a he yayami. Jamɛ a be ɔ tsuo ɔ, e ngɛ ya foe, nɛ e ngɔ e he kɛ ngɛ si fiae. Kɛkɛ nɛ Israel bi babauu, nyumihi, yihi, kɛ jokuɛwi ba bua a he nya ngɛ lejɛ ɔ, nɛ a wo yana.

Ezra 9:3

Benɛ i nu nɔ́ nɛ ɔ, i hía ye he tade sisi nɔ́, kɛ nɔha nɔ́ ɔ tsuo. I bɔni ye yi bwɔmi, kɛ ye kpɛni fami, nɛ i pee basaa kɛ hii si.

Samuel I, 15:35

Samuel nɛ́ Saul hu kɛ ya si e gbenɔ ligbi; se daa nɛ ɔ, e yeɔ e he kɔmɔ. Nɛ Yawɛ pia e he kaa e wo Saul matsɛ ngɛ Israel.

Mose V, 9:25

“Lɔ ɔ he ɔ, i ya kpla si ngɛ Yawɛ hɛ mi nyɔnyɔɔnyɔ kɛ piapiaapia ligbi nyingmi eywiɛ sɔuu kɛ kpa pɛɛ ha nyɛ; ejakaa i le kaa Yawɛ to kaa e ma kpata nyɛ hɛ mi.

Mose V, 9:15

“Lɔ ɔ he ɔ, ye he sɔ kɛ kple si kɛ je yo ɔ nɔ kɛ ye somi dɛ mi tɛ tɛtlɛɛ enyɔ ɔmɛ nɛ Yawɛ ngma somi munyu ɔmɛ ngɛ a nɔ ɔ. Jamɛ a be ɔ, la ngɛ tsoe plamplam kɛ ngɛ yo ɔ mi jee.

Mose II, 32:31

Lɔ ɔ he ɔ, Mose kpale e se kɛ ho Yawɛ ngɔ ya nɛ e ya de lɛ ke, “Anɔkuale, ma nɛ ɔ pee yayami agbo kaa a ngɔ sika tsu kɛ pee mawu kɛ ha a he.