2 Korintobi 12:20 - BAIBLO ALOO NGMAMI KLƆUKLƆU Ɔ

²⁰ I ngɛ gbeye yee kaa ke i ba nyɛ slaami ɔ, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ. Eko piɔ ɔ, níhi nɛ ma ba na kɛkɛ ji pɛ, hunga jemi, mi mi la, mi gbami, nɔ biɛ puɛmi, sieku yemi, he nɔ womi, kɛ basabasa peemi.

Somi He Ɔ

²⁰ Ejakaa i ngɛ gbeye yee kaa alinɔ ke i ba a, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ; kaa eko ɔ pɛ, hunga jemi, mi mi la, huhui, sieku yemi, munyu huitihuiti tumi, he nɔ womi, basabasa peemi ngɛ nyɛ kpɛti.

2 Korintobi 12:20 ပူးပေါင်းရင်းမြစ်များ

1 Petro 2:1

Lɔ ɔ he ɔ, nyɛ kpa yayami tsuaa yayami peemi, lakpa, osato, ninyɛ, kɛ nihi a he munyu tumi.

Galatabi 5:15

Se ke nyɛ pee nyɛ he lohwe dikali nɛ nyɛ ngɛ nyɛ he nɔ́ yeyee pee ɔ, lɔ ɔ lɛɛ nyɛ ma kpata nyɛ nitsɛmɛ nyɛ hɛ mi pɛsɛpɛsɛ.

1 Korintobi 1:11

Ye nyɛmimɛ, i ngɛ nyɛ enɛ ɔ dee, ejakaa ni komɛ je Kloe we ɔ mi ba wo ye tue nɔ ke pɛ ngɛ nyɛ kpɛti.

Romabi 1:29

A peeɔ yi wu tso ní, kɛ yayami slɔɔtoslɔɔtohi. A jeɔ hunga, a pueɔ muɔ si, a pɛɔ, a sisiɔ nɔ, nɛ a toɔ a sibi a he ga yaya;

Yuda 1:16

Daa nɛ ɔ, nimli nɛ ɔmɛ ngɛ munyu huitihuiti tue kɛ ngɛ bee; nɔ́ muɛ a hɛ gblegbleegble. Mɛ nitsɛmɛ a he akɔnɔ yayahi a se nɛ a dii. A fĩaa; a peeɔ nya puu, nɛ a gbee nihi a yi mi, konɛ a kɛ na ni ɔmɛ a he blɔ.

Abɛ Womi 16:28

Nimli yayamihi woɔ pɛ; siekutsɛmɛ puɛɔ huɛmɛ kpakpahi a kpɛti.

2 Petro 2:18

Akɛnɛ nya puu munyu nguahi jeɔ a nya he je ɔ, a guu he lo akɔnɔ níhi a nɔ nɛ a kɛ ya sisiɔ nihi nɛ je si himi yaya nɛ dɛ blɔ mi kɛ́ we.

Galatabi 5:26

Wa ko wó wa he nɔ; wa ko wo wa sibi a mi mi la, nɛ wa hɛ ko kɔ wa sibi a nɔ hulɔ.

2 Korintobi 12:21

I ngɛ gbeye yee kaa ke i ba ekohu ɔ, ye Mawu ɔ maa ba mi si ngɛ nyɛ hɛ mi. Nihi nɛ pee yayami sa a, nɛ a tsakee we a tsui, nɛ a ngɛ yayami ɔ pee kɛ mwɔɔ ɔ, ma fo ya ngɛ a he. Mɛ ji mu ní tsuli, ajuama bɔli, kɛ zo ní tsuli.

La 41:7

Nihi tsuo nɛ sume mi ɔ, a kɛ a sibi tuɔ ye he munyu kusikusi. A susuɔ ye he yayami.

2 Korintobi 13:2

Nihi tsuo nɛ pee yayami sa a, i bɔ mɛ kɔkɔ momo benɛ i ba slaa nyɛ si enyɔne ɔ. Amlɔ nɛ ɔ, i be nyɛ ngɔ, se i ngɛ mɛ, kɛ ni kpa amɛ tsuo kɔkɔ bɔe ekohu. Jehanɛ lɛɛ ke i ba a, ma gbla a tue wawɛɛ.

2 Korintobi 10:6

Nɛ ke nyɛ tsake pee anɔkuale tue buli ɔ, wɔɔ lɛɛ wa pee klaalo nɛ wa maa gbla ni nɛmɛ nɛ tsakee we ɔ a tue.

2 Korintobi 10:2

I kpa nyɛ pɛɛ, ke i ba nyɛ ngɔ ɔ, nyɛ ko ha nɛ ma pee nɔ́ ko nɛ maa tsɔɔ kaa i ngɛ nyɛ nɔ yee tsɔ. Nihi nɛ ngɛ ye he munyu tue ke i ngɛ ní tsue kaa je mi no ɔ, i le kaa ma nyɛ nɛ i kɛ mɛ maa to ní saminya.

2 Korintobi 1:23

I na Mawu kaa pe i sume nɛ ma hao nyɛ, lɔ ɔ he loko i tsake ye yi mi tomi ɔ, nɛ i bɛ Korinto ɔ nɛ.

1 Korintobi 14:33

Mawu sume basabasa, se mohu tue mi jɔmi e suɔ. Bɔ nɛ níhi ngɛ ngɛ Mawu we asafo ɔmɛ tsuo a mi ji nɛ ɔ nɛ.

Romabi 1:30

a yeɔ sieku, nɛ a sume Mawu sane; a bui nɔ, a woɔ a he nɔ, a fĩaa, a toɔ nɔ́ yaya he ga, nɛ a bui a fɔli;

Romabi 2:8

Se ni nɛmɛ nɛ mɛɛ lɛɛ mɛ nitsɛmɛ a nɔ mi pɛ a foɔ, nɛ a bui anɔkuale, nɛ nɔ́ yayami se pɛ a dii ɔ, Mawu kɛ mi mi la, kɛ mi mi fumi ma kple a nɔ.

1 Korintobi 5:2

Nɛ nyɛ ngɛ nyɛ he nɔ woe ngɔ piɛ he! Niinɛ, e sa kaa nyɛɛ ye kɔmɔ mohu. Nyumu nɛ tsu nɔ́ nɛ ɔ, nyɛɛ fie lɛ kɛ je nyɛ kpɛti.

2 Korintobi 2:1

Lɔ ɔ he ɔ, i pee ye juɛmi kaa i be bae ba slaa nyɛ hu, nɛ e ko ba pee haomi kɛ kɔmɔ yemi ha nyɛ.

Yakobo 4:11

Ye nyɛmimɛ, nyɛ ko tu nyɛ sibi a he munyu yaya. Nɔ nɛ tuɔ e nyɛmi he nyumu yaya a, mlaa a e ngɛ munyu tue kɛ ngɛ sie ɔ nɛ; nɛ nɔ tsuaa nɔ nɛ kojoɔ e nyɛmi ɔ, e ngɛ mlaa a kojoe. Ke nɔ ko tuɔ munyu kɛ siɔ mlaa a, pi mlaa a nɔ yelɔ ji lɛ, se mohu e peeɔ mlaa a kojolɔ.