2 Korintobi 12:19 - BAIBLO ALOO NGMAMI KLƆUKLƆU Ɔ

¹⁹ Nyɛ ko susu kaa pe wa ngɛ mɔde bɔe nɛ wa fa wa he ngɛ nyɛ hɛ mi kɛkɛ. Mawu ji wa we odase kaa wa ngɛ anɔkuale tue kaa Kristo tsɔli. Nyɛmimɛ nɛ wa suɔ! Nɔ́ tsuaa nɔ́ nɛ wa ngɛ pee ɔ, wa ngɛ pee nɛ wa kɛ ye bua nyɛ.

Somi He Ɔ

¹⁹ Nyɛ susuu kaa wa nya sɔuu wa ngɛ jee kɛ ngɛ nyɛ hae nɛ ɔ lo? Pi ja, Mawu hɛ mi wa ngɛ dee ngɛ, ngɛ Kristo mi, se, mamimɛ, ni nɛ ɔmɛ kulaa a, nyɛ nane si numi he je nɛ wa ngɛ dee.

2 Korintobi 12:19 ပူးပေါင်းရင်းမြစ်များ

Romabi 9:1

Anɔkuale i ngɛ tue ngɛ Kristo mi, nɛ ye he nile maa nɔ mi ngɛ Mumi Klɔuklɔu ɔ mi kaa nɔ́ nɛ i ngɛ dee ɔ, i yi lakpa.

2 Korintobi 10:8

Nyɔmtsɛ Yesu Kristo ha wɔ he wami ngɛ nyɛ nɔ, pi nɛ wa kɛ kpata nyɛ hɛ mi, se mohu nɛ wa kɛ ye bua nyɛ. Nɛ e ngɛ mi kaa he blɔ nɛ wa hɛɛ nɛ ɔ ha nɛ i fĩa tsɔ mohu, se kɛ̃ enɛ ɔ pee we mi zo.

1 Korintobi 14:26

Ye nyɛmimɛ, nɔ́ nɛ i ngɛ tsɔɔe ɔ ji, ke nyɛ nya ba bua kɛ ha Mawu jami ɔ, nyɛ ti nɔ kake nɛ je la, nɔ ko nɛ tsɔɔ ní, nɛ nɔ ko hu nɛ ha sɛ gbi nɛ je Mawu ngɔ. Nɔ kpa nɛ tu gbi slɔɔtohi, konɛ nɔ kpa ko hu nɛ tsɔɔ sisi. Nyɛɛ pee níhi tsuo ngɛ a blɔ nɔ kɛ ha asafo ɔ nɔ yami.

1 Korintobi 10:14

Lɔ ɔ he ɔ, ye huɛmɛ nɛ i suɔ, nyɛɛ yu nyɛ he kɛ je amaga jami he kulaa.

Filipibi 4:1

Ye nyɛmimɛ, nyɛɛ hyɛ bɔ nɛ i suɔ nyɛ ha! Nyɛɛ hyɛ bɔ nɛ ye hɛ ngɛ jae ngɛ nyɛ he ha! Nyɛ lɛ nyɛ haa mi bua jɔmi; nyɛ ngɛ kaa jlasi ngɛ ye yi! Ye nyɛmimɛ nɛ i suɔ. Kaa nihi nɛ ngɛ Nyɔmtsɛ ɔ mi ɔ, kikɛ nɛ ɔ pɛ ji bɔ nɛ sa nɛ nyɛɛ ba nyɛ je mi.

2 Korintobi 13:10

Enɛ ɔ he hu lɛ i ngɛ nyɛ womi nɛ ɔ ngmae benɛ i be nyɛ ngɔ ɔ nɛ. Kɛkɛ ɔ, ke i ba a, e be hiae kaa i kɛ nyɛ nɛ ye wawɛɛ. He wami nɛ Nyɔmtsɛ ɔ ha mi ɔ, pi nɛ ma kɛ kpata nyɛ hɛ mi, se mohu nɛ ma kɛ ye bua nyɛ.

2 Korintobi 12:15

Ma suɔ kaa ma ngɔ níhi tsuo nɛ i ngɛ ɔ, kɛ ye nɔmlɔ tso ɔ tete ngɔ ha nɛ ma kɛ ye bua nyɛ. Ke i suɔ nyɛ babauu kikɛ nɛ ɔ, e sɛ kaa nyɛ hu nyɛɛ suɔ mi jã lo?

2 Korintobi 11:31

Mawu, wa Nyɔmtsɛ Yesu Kristo Tsɛ ɔ le kaa i yi lakpa. A je e yi kɛ ya neneene.

2 Korintobi 11:10

Kristo ɔ, anɔkualetsɛ ji lɛ, nɛ lɛ i kase. Lɔ ɔ he ɔ, nɔ́ nɛ i ngɛ dee ji kaa nɔ ko kulaa be Akaya ní ɔmɛ a mi nɛ ma nyɛ maa tsi ye nya kaa ma ko fĩa.

2 Korintobi 7:1

Siwohi nɛ wa na kɛ je Mawu dɛ mi ji nɛ ɔmɛ nɛ. Lɔ ɔ he ɔ, ye nyɛmimɛ nyɛ ha wa je níhi tsuo nɛ woɔ wa nɔmlɔ tso, kɛ mumi he mu kɛ ya se, konɛ wa he nɛ tsɔ kulaa kɛ hi si ngɛ Mawu gbeye yemi nya.

2 Korintobi 3:1

Ke wa de jã a, anɛ lɔ ɔ tsɔɔ kaa wa ngɛ wɔ nitsɛmɛ wa yi jee ekohu lo? Anɛ yi jemi womi nɛ ni kpahi maa ngma kɛ ba je wa yi ha nyɛ, aloo nɔ́ nɛ nyɛ maa ngma kɛ ya je wa yi ha ni kpahi he hia wɔ lo? Dɛbi!

1 Korintobi 10:33

Nyɛ wo ye nane. Nɔ́ tsuaa nɔ́ mi ɔ, i bɔɔ mɔde kaa ma sa nihi tsuo a hɛ mi. I susuu we imi nɔ kake too ye he, se mohu i hlaa kaa e hi ha nɔ tsuaa nɔ, konɛ a he a yi wami.

Romabi 12:19

Ye huɛmɛ, nyɛ ko ye nyɛ nitsɛmɛ nyɛ he lue, se mohu nyɛɛ ngmɛ Mawu blɔ nɛ e kɛ e mi mi la nɛ pee. Ejakaa ngmami ɔ deɔ ke, “Ye nɔ ji lue yemi; Imi ma pee kɛ to nane mi. Nyɔmtsɛ ɔ lɛ de.”

Romabi 14:19

Lɔ ɔ he ɔ, nyɛ ha waa di níhi nɛ kɛ he jɔɔmi baa, nɛ waa kɛ maa wo wa sibi he wami ɔ a se daa.

Romabi 15:2

Mohu ɔ, wa ti nɔ tsuaa nɔ nɛ pee nɔ́ nɛ hi nɛ maa sa e nyɛmi hɛ mi, konɛ e nyɛmi ɔ nɛ na hemi kɛ yemi nɛ pi si.

2 Korintobi 2:17

Wɔɔ lɛɛ wa be kaa ni kpa komɛ nɛ mɛɛ a ngɔ Mawu munyu ɔ ngɔ pee je juami nɔ́ nɛ a kɛ ngɛ si kpae ɔ. Se mohu kaa nihi nɛ le Kristo ɔ, wa tuɔ anɔkuale ɔ sisi kaa nihi nɛ a tsɔ mɛ kɛ je Mawu nitsɛ ngɔ.

1 Tesalonikabi 5:11

Lɔ ɔ he ɔ, nyɛɛ wo nyɛ sibi he wami, nɛ nyɛɛ ye bua nyɛ sibi kaa bɔ nɛ nyɛ ngɛ pee amlɔ nɛ ɔ.

Hebribi 6:9

Wa huɛmɛ nɛ wa suɔ, ke wa ngɛ munyu tue kaa kikɛ nɛ ɔ po, nyɛɛ lɛɛ wa heɔ nyɛ yeɔ kaa nyɛ ngɛ nɔ́ kpakpa pee, nɛ lɔ ɔ ma ha nɛ Mawu ma he nyɛ yi wami.