2 Korintobi 12:18 - BAIBLO ALOO NGMAMI KLƆUKLƆU Ɔ

¹⁸ Pe i kpa Tito pɛɛ nɛ i tsɔ wa nyɛmi kake ɔ ngɔ piɛ e he loko e ba slaa nyɛ. Anɛ Tito ba sisi nyɛ lo? Dɛbi! Anɛ nyɛ li kaa i kɛ lɛ tsuo wa hɛɛ juɛmi kake, nɛ wa peeɔ wa ní fiee lo?

Somi He Ɔ

¹⁸ I kpa Tito pɛɛ nɛ i tsɔ lɛ kɛ wa nyɛmi ɔ; anɛ Tito ba ye nyɛ amimi lo? Anɛ pi lɛ mumi ɔ nɔuu nɛ waa kɛ nyɛɛ? Pi kɔlɔ ɔ nanema he ɔmɛ a mi nɔuu nɛ wa nyɛɛ?

2 Korintobi 12:18 ပူးပေါင်းရင်းမြစ်များ

2 Korintobi 8:6

Lɔ ɔ he ɔ, wa kpa Tito pɛɛ kaa tsui mi faa ní tsumi nɛ ɔ nɛ e je sisi momo ngɛ nyɛ kpɛti ɔ, e tsa nɔ kɛ yaa si e maa gbe nya.

Romabi 4:12

Lɛ nɔuu kɛ̃ e peeɔ nihi nɛ a po mɛ ɔ a tsɛ; pi ngɛ pomi nɛ a po mɛ ɔ kɛkɛ he, se mohu kaa hemi kɛ yemi nɛ wa tsɛ Abraham hɛɛ mi benɛ a na we nɛ a po lɛ tete ɔ, a hɛɛ jamɛ a hemi kɛ yemi ɔ nɔuu mi.

1 Petro 2:21

Enɛ ɔ he Mawu tsɛ nyɛ ɔ nɛ. Ejakaa Kristo nitsɛ na amanehlu, nɛ e kɛ lɔ ɔ pee nɔ hyɛmi nɔ́ ha nyɛ, konɛ nyɛɛ nyɛɛ e se.

2 Korintobi 7:6

Se benɛ Tito ba a, Mawu, nɔ nɛ woɔ nihi nɛ a nine mi jɔ̃ he wami ɔ ha nɛ wa nɔ gbagba te.

2 Korintobi 7:2

Nyɛ je nyɛ suɔmi kpo kɛ tsɔɔ wɔ! Wa pee we nɔ ko yayami; wa kpataa we nɔ ko nane, nɛ wa sisi we nɔ ko hulɔ.

Nehemia 5:14

Imi Nehemia, i ye amlaalo ngɛ Yuda zugba a nɔ jeha nyɔngma kɛ enyɔ, ngɛ Persia matsɛ, Artaherhes yi nɔ. Kɛ je e matsɛ yemi jeha nyingmi enyɔne ɔ mi kɛ ya si nyingmi etɛ kɛ enyɔne ɔ mi nɛ i ye amlaalo ɔ nɛ. Jamɛ be ɔ mi tsuo ɔ, i kɛ ye we bi ɔmɛ wa yi amlaalo blɔ nya niye ní ɔ.

Mose IV, 16:15

Mose mi mi fu wawɛɛ nitsɛ, nɛ e de Yawɛ ke, “Ko he bɔ ɔmɛ nɛ a ba sã a! I he we teji kake po ngɛ a dɛ, nɛ i yi a ti nɔ ko nɔ ko sane yayami ko hulɔ.”

1 Korintobi 4:21

Te nɔ nɛ nyɛ suɔ nɛɛ? Ke i ma nyɛ ngɔ ɔ, ma hɛɛ kpa kɛ ba, aloo ma ba ngɛ suɔmi, kɛ he jɔmi mi?