2 Korintobi 12:14 - BAIBLO ALOO NGMAMI KLƆUKLƆU Ɔ

¹⁴ Amlɔ nɛ ɔ, i dla ye he nɛ ma ba slaa nyɛ si etɛne. I bɛ nɛ ma ba pee tlomi ngɛ nyɛ kuɛ nɔ; nyɛ he i ma ngɛ, se pi nyɛ sika he. Pi bimɛ nɛ sa kaa a hyɛɛ a fɔli a nɔ; e sa kaa fɔli mohu nɛ hyɛ a bimɛ a nɔ.

Somi He Ɔ

¹⁴ Oʼɛ enɛ ɔ ji si etɛ nɛ i dla ye he kaa i ma nyɛ ngɔ, se i kɛ ye he ba be nyɛ nɔ fɔe; ejakaa tsa pi nyɛ sika nɛ i ngɛ hlae, se mohu nyɛ nitsɛmɛ. Ejakaa e sɛ́ kaa bimɛ buaa nihi a nya ngɔ toɔ a fɔli, se mohu fɔli lɛ buaa nihi a nya ngɔ toɔ a bimɛ.

2 Korintobi 12:14 ပူးပေါင်းရင်းမြစ်များ

Abɛ Womi 19:14

We kɛ sika a, tsɛmɛ a dɛ mi nɛ a naa kɛ jeɔ kaa gbosi ní, se yo nɛ le ní ɔ, Yawɛ lɛ haa nɔ.

1 Korintobi 10:33

Nyɛ wo ye nane. Nɔ́ tsuaa nɔ́ mi ɔ, i bɔɔ mɔde kaa ma sa nihi tsuo a hɛ mi. I susuu we imi nɔ kake too ye he, se mohu i hlaa kaa e hi ha nɔ tsuaa nɔ, konɛ a he a yi wami.

1 Korintobi 10:24

Nɔ ko nɔ ko nɛ kó hla kaa e hi ha lɛ nɔ kake too; nɔ tsuaa nɔ nɛ susu e nyɛmi hu he.

Abɛ Womi 13:22

Nɔmlɔ kpakpa siɔ gbosi ní kɛ haa e bibimɛ. Se yayami peeli a ní ɔ, dali lɛ a bua nya ha.

Ezekiel 34:2

E ke, “Nɔmlɔ adesa, gbaa kɛ si Israel nɔ yeli ɔmɛ. De mɛ ke bɔ nɛ imi Nyɔmtsɛ Yawɛ, i ngɛ mɛ dee ji nɛ ɔ nɛ. Musu tloo nyɛ Israel to hyɛli! Nyɛ nitsɛmɛ nyɛ he pɛ nyɛ ngɛ lɛe; nyɛ hyɛ we to ɔmɛ a nɔ! Anɛ pi to ɔmɛ mohu nɛ to hyɛlɔ hyɛɛ lo?

2 Korintobi 1:15

Kikɛmɛ a ní nɛ ɔmɛ nɛ i le saminya a a he je nɛ i to ye yi mi kekle ɔ kaa ma ba slaa nyɛ, konɛ nyɛ na gbaami ɔ si enyɔ.

1 Tesalonikabi 2:11

Nyɛ le bɔ nɛ waa kɛ nyɛ ti nɔ tsuaa nɔ hi si kaa tsɛ kɛ e bi.

Ni Tsumi 20:33

Ye hɛ kɔɛ nyɛ ti nɔ ko sika hiɔ, loo sika tsu, loo tade nɔ.

1 Tesalonikabi 2:8

Akɛnɛ wa suɔ nyɛ saminya a, wa na he tsui kaa pi Mawu sane kpakpa a kɛkɛ nɛ wa maa ngɔ ba ha nyɛ; se wɔ nitsɛmɛ wa wami tete wa ma ngɔ fɔ si ha nyɛ. Suɔmi nɛ wa ngɛ kɛ ha nyɛ ɔ nya wa!

Filipibi 4:17

Pi kaa nike ní nɛ i ngɛ hlae doo, se mohu kaa nyɛ maa gu lɔ ɔ peemi nɔ kɛ na biɛ kaa kpakpa peeli.

Filipibi 4:1

Ye nyɛmimɛ, nyɛɛ hyɛ bɔ nɛ i suɔ nyɛ ha! Nyɛɛ hyɛ bɔ nɛ ye hɛ ngɛ jae ngɛ nyɛ he ha! Nyɛ lɛ nyɛ haa mi bua jɔmi; nyɛ ngɛ kaa jlasi ngɛ ye yi! Ye nyɛmimɛ nɛ i suɔ. Kaa nihi nɛ ngɛ Nyɔmtsɛ ɔ mi ɔ, kikɛ nɛ ɔ pɛ ji bɔ nɛ sa nɛ nyɛɛ ba nyɛ je mi.

1 Korintobi 16:5

Ma ya gu Makedonia loko ma ba nyɛ ngɔ, ejakaa i to ye yi mi kaa ma ya gu lejɛ ɔ.

1 Korintobi 11:34

Se ke hwɔ ngɛ nɔ ko yee ɔ, e ye ní ngɛ we mi lolo, bɔ nɛ pee nɛ nyɛ he nya buami ɔ kó ba pee tue gblami mohu ha nyɛ. Níhi nɛ piɛ ɔ, ke i ba su kɛkɛ ma to blɔ nya.

1 Korintobi 4:19

Ke Nyɔmtsɛ ɔ suɔ ɔ, e be kɛe nɛ ma ba slaa nyɛ. Ke i ba a, pi munyu nɛ kikɛmɛ a he nɔ woli nɛ ɔmɛ ngɛ tue ɔ kɛkɛ nɛ ma ba nu, se he wami nɛ a kɛ ngɛ ní tsue ɔ, ma ba na paa.

Abɛ Womi 11:30

Nɔ́ nɛ da peemi haa nɔ wami; basabasa lɛɛ gbenɔ e kɛ baa.

1 Korintobi 9:12

Ke ni kpahi ngɛ he blɔ kaa a hyɛɔ níhi kaa kikɛ nɛ ɔ blɔ kɛ jeɔ nyɛ dɛ ɔ, anɛ wɔɔ lɛɛ wa be he blɔ kulaa pe mɛ lo? Se waa kɛ he blɔ nɛ ɔ tsu we ní. Mohu ɔ, wa to wa tsui si ngɛ nɔ́ tsuaa nɔ́ mi, konɛ wa ko pee nɔ́ ko nɛ maa tsi Kristo he sane kpakpa a fiɛmi ɔ nya.

1 Korintobi 9:18

Lɛɛ mɛni hiɔwo sa mi mɔ? Hiɔwo ɔ kɛkɛ ji he blɔ nɛ i na kaa ma fiɛ sane kpakpa a yaka nɛ i he we nɔ́ ko. Jehanɛ hu, he blɔ nɛ i ngɛ kaa ma hyɛ nɔ́ ko blɔ kɛ je nyɛ dɛ mi ngɛ sane kpakpa a nɛ i ngɛ fiɛe ɔ he ɔ, i kɛ jamɛ a he blɔ ɔ tsu we ní.

1 Korintobi 9:19

I ngɛ ye dɛ he; pi nɔ ko nyɔguɛ ji mi. Se kɛ̃ ɔ, i pee ye he nihi tsuo a nyɔguɛ, bɔ nɛ pee nɛ ye nine nɛ su nihi babauu a nɔ.

2 Korintobi 11:9

Benɛ i kɛ nyɛ ngɛ, nɛ e fi mi tete ɔ, i hɛwi nyɛ ti nɔ ko nɔ ko; nyɛmimɛ nɛ je Makedonia kɛ ba a ba ha mi nɔ́ tsuaa nɔ́ nɛ hia mi. I pee we tlomi ngɛ nyɛ kuɛ nɔ. Nɛ kɛ je mwɔnɛ ɔ kɛ yaa a hu i hyɛ we nyɛ yemi kɛ buami ko blɔ.

2 Korintobi 12:13

Mɛni ji nɔ́ nɛ i pee ha asafo kpa amɛ nɛ i pee we ha nyɛ, pe kaa i doo we nyɛ nya ke nyɛɛ ye kɛ bua mi kɛ nɔ́ ko? Ke enɛ ɔ ji yayami nɛ i pee nyɛ ɔ, i kpa nyɛ pɛɛ nɛ nyɛ ngɔ pa mi!

Galatabi 4:19

Ye bimɛ nɛ i suɔ, nyɛɛ hyɛ bɔ nɛ i ngɛ haoe ngɛ nyɛ he ekohu kaa yo nɛ nu kɔɔmi, hluu kɛ yaa su be nɛ a maa na subai nɛ ngɛ Kristo mi ɔ ngɛ nyɛ mi.