2 Korintobi 12:11 - BAIBLO ALOO NGMAMI KLƆUKLƆU Ɔ

¹¹ I ngɛ ye ní pee kaa kuasia; se nyɛ lɛ nyɛ pee mi jã. Nyɛ lɛ nyɛ ko je ye yi; ejakaa ke i pi nɔ ko tete po, jamɛ a ni ɔmɛ nɛ nyɛ buu mɛ bɔfo nguahi ɔ, a pi mi ngɛ nɔ́ ko nɔ́ ko mi.

Somi He Ɔ

¹¹ I ye kuasiahi a sane kɛ fiami nɛ ɔ; nyɛ lɛ nyɛ nyɛ ye nɔ kikɛ nɛ ɔ nɛ. Ejakaa sa nɛ nyɛ mohu lɛ nyɛ jeɔ ye yi; ejakaa e piɛ́ mi nɔ́ ko nɔ́ ko nɛ i kɛ bɔfo ngua amɛ nɛ sɔ, pohu i pi nɔ ko tete.

2 Korintobi 12:11 ပူးပေါင်းရင်းမြစ်များ

2 Korintobi 11:5

Jamɛ a nimli ɔmɛ nɛ nyɛ buu mɛ kaa mɛɛ lɛɛ bɔfo nguahi ji mɛ ɔ, i he ye kaa a pi mi ngɛ nɔ́ ko nɔ́ ko mi.

2 Korintobi 11:1

I na nɛ jinɛ nyɛ na tsui ha mi, ke ji kaa i ngɛ kuasia jee po. Ee, nyɛɛ na ha mi!

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

2 Korintobi 12:12

Mawu pee nyakpɛ ní nguahi, kɛ okadihi kɛ gu ye nɔ benɛ i ngɛ ní tsue kɛ tsui si tomi ngɛ nyɛ kpɛti ɔ. Nyakpɛ ní nɛ ɔmɛ tsɔɔ kaa niinɛ, bɔfo ji mi.

2 Korintobi 12:6

Ke i ke ma fĩa a, lɔ ɔ tsɔɔ we kaa i ngɛ kuasia jee; ejakaa anɔkuale ɔ i ngɛ dee ɔ nɛ. Se i be fĩae. I hla we nɛ nihi nɛ bu mi ngɛ ye nina amɛ a he; nɔ́ nɛ a na nɛ i pee, kɛ nɔ́ nɛ a nu kɛ je ye nya a, a bu mi ngɛ lɔ ɔmɛ mohu a he.

2 Korintobi 1:6

Ke wa ngɛ amanehlu nae ɔ, e baa konɛ Mawu nɛ wo nyɛ bua nɛ e he nyɛ yi wami. Be tsuaa be nɛ Mawu maa wo wɔ bua a, nyɛ hu nyɛ naa jamɛ a bua womi ɔ eko. Enɛ ɔ haa nɛ ke nyɛ ngɛ amanehlu nae kaa wɔ ɔ, nyɛ toɔ nyɛ tsui si.

1 Korintobi 3:22

Paulo jio, Apolo jio, Petro jio, je nɛ ɔ jio, wami jio, gbenɔ jio, amlɔ nɛ ɔ jio, hwɔɔ se jio, ní nɛ ɔmɛ tsuo ngɛ ha nyɛ.

Luka 17:10

Enɛ ɔ kɔɔ nyɛ hu nyɛ he jã kɛ̃. Ke nyɛ pee níhi tsuo nɛ a fa nyɛ ke nyɛɛ pee ɔ, nyɛ de ke, ‘Wɔɔ lɛɛ sɔmɔli nɛ he be se nami kɛkɛ ji wɔ. Ní tsumi nɛ sa kaa wa tsu ɔ, lɔ ɔ pɛ wa tsu nɛ ɔ nɛ.’ ”

Abɛ Womi 27:2

Ha nɛ nɔ kpa nɛ je o yi. Ha nɛ nubwɔ mohu nɛ kɔ mo; pi mo nitsɛ.

1 Korintobi 13:2

Ke a dloo mi he wami nɛ a kɛ fiɛɔ Mawu sɛ gbi ɔ, ke i le nɔ́ tsuaa nɔ́, nɛ i nuɔ laami sanehi tsuo a sisi, ke i ngɛ hemi kɛ yemi nɛ nya wa ngɛ Mawu mi, nɛ ma nyɛ ma hia yohi, se i be suɔmi ɔ, ye he be se nami ko kulaa.

2 Korintobi 3:1

Ke wa de jã a, anɛ lɔ ɔ tsɔɔ kaa wa ngɛ wɔ nitsɛmɛ wa yi jee ekohu lo? Anɛ yi jemi womi nɛ ni kpahi maa ngma kɛ ba je wa yi ha nyɛ, aloo nɔ́ nɛ nyɛ maa ngma kɛ ya je wa yi ha ni kpahi he hia wɔ lo? Dɛbi!

2 Korintobi 5:13

Anɛ wa ngɛ godo nue niinɛ lo? Lɛɛ Mawu he wa ngɛ godo nue ngɛ mɔ! Se ke wa ngɛ pɛpɛɛpɛ ɔ, lɛɛ e hi ha nyɛ kaa wa ngɛ jã.

Galatabi 6:3

Ke e peeɔ nɔ ko kaa nɔ ko ji lɛ, se pohu pi nɔ ko kulaa ji lɛ ɔ, lɛ nitsɛ e he nɛ e ngɛ sisie.