2 Korintobi 12:10 - BAIBLO ALOO NGMAMI KLƆUKLƆU Ɔ

¹⁰ Enɛ ɔ he je ɔ, i suɔ kaa ma na nɔ́ ngɛ Kristo he. E hɛwi mi kaa ma nu hiɔ; e hɛwi mi kaa a maa pee mi nisɛ ní, loo ye yi ma fi, loo a maa wa mi yi mi, loo ma na amanehlu. Ejakaa ke i pee gbedee ɔ, Kristo woɔ mi he wami.

Somi He Ɔ

¹⁰ Lɔ ɔ he ɔ ngɛ Kristo he ɔ, ye bua jɔɔ ngɛ gbedee peemihi a mi, ngɛ hɛdo nihi a nami mi, ngɛ haomihi a mi, ngɛ yi wamihi a mi, ngɛ fimihi a mi; ejakaa ke i pee gbedee ɔ, kɔlɔ ɔ mohu i naa he wami.

2 Korintobi 12:10 ပူးပေါင်းရင်းမြစ်များ

2 Korintobi 12:9

Se e he nɔ ke, “Dloomi nɛ i kɛ ha mo ɔ, lɔ ɔ kɛkɛ hiɛ ha mo; ejakaa ye he wami ɔ tsuɔ ní wawɛɛ ngɛ nihi nɛ gbɔjɔ ɔ a mi.” I suɔ saminya nɛ ma fĩa kaa i gbɔjɔ, konɛ ma na kaa Kristo he wami ɔ ngɛ ye he bue.

Efesobi 6:10

Nyagbe ɔ, nyɛ ha nɛ Nyɔmtsɛ ɔ he wami kpetekpleenyɛ ɔ nɛ ngɛ nyɛ mi ɔ nɛ waje nyɛ.

Romabi 5:3

Wa le kaa dengme nɛ wa ngɛ gboe ɔ be yaka pee. Pi enɛ ɔ kɛkɛ, se ke wa ngɛ nɔ́ nae po, wa naa bua jɔmi, ejakaa wa le kaa nɔ́ nami haa nɛ wa toɔ wa tsui si;

2 Korintobi 13:4

E ngɛ mi kaa benɛ a sɛu Kristo ɔ, e gbɔjɔ lɛɛ, se Mawu he wami ɔ nya a, e ba wami mi ekohu. Wɔ hu akɛnɛ waa kɛ Kristo pee kake ɔ, waa gbɔjɔɔ, se Mawu he wami nya a, wa ma nyɛ ma tsu nɔ́ nɛ sa nɛ waa kɛ nyɛ nɛ tsu ɔ.

Yakobo 1:2

Ye nyɛmimɛ, ke nyɛɛ kɛ ka slɔɔtoslɔɔtohi ngɛ kpee ɔ, nyɛ bua nɛ jɔ wawɛɛ mohu;

2 Korintobi 6:4

Se mohu ngɛ nɔ́ tsuaa nɔ́ mi ɔ, wa bɔɔ mɔde kaa wa maa tsɔɔ kaa Mawu tsɔli ji wɔ niinɛ. Wa toɔ wa tsui si ngɛ haomi, kɛ fimi, kɛ he hiami mi.

Ni Tsumi 5:41

Bɔfo ɔmɛ je kpe ngua a hɛ mi kɛ ho kɛ bua jɔmi kaa Yesu biɛ ɔ he ɔ, Mawu bu mɛ nihi nɛ sa kaa a bɔ mɛ ahlua.

2 Korintobi 13:9

Ke wa gbɔjɔ, nɛ nyɛɛ lɛɛ nyɛ ngɛ he wami ɔ, wa naa bua jɔmi. Enɛ ɔ he je nɛ wa ngɛ Mawu pɛɛ kpae ha nyɛ ɔ nɛ, konɛ nyɛɛ ya nɔ nɛ nyɛɛ hi kɛ pi si.

2 Korintobi 1:4

E woɔ wa bua ngɛ haomihi tsuo a mi. Kɛkɛ ɔ, ke haomi ba ni kpahi a nɔ ɔ, bua womi nɛ wɔ nitsɛmɛ wa na kɛ je Mawu dɛ mi ɔ, wa ma nyɛ kɛ wo mɛ hu bua.

Luka 6:22

“Ke nimli nyɛ nyɛ, loo a kua nyɛ, loo a jɛ nyɛ, loo a puɛ nyɛ biɛ ke nimli yayamihi ji nyɛ, ngɛ imi Nɔmlɔ Bi ɔ, ye he ɔ, á gbaa nyɛ!

2 Korintobi 5:15

Kristo gbo ha nihi tsuo, konɛ nihi nɛ a hɛ ngɛ ɔ, a ko pee mɛ nitsɛmɛ a suɔmi nya ní hu; se mohu a pee Kristo suɔmi nya ní. Ejakaa Kristo gbo, nɛ Mawu tle lɛ si kɛ ba wami mi ekohu ngɛ mɛɛ a he.

2 Korintobi 4:17

Amanehlu nɛ nya wa, nɛ se be kɛe kulaa nɛ ɔ ma ha wa hɛ mi maa ba nyami babauu kɛ be nɔ kɛ maa ya neneene.

Yohane 15:21

Ye he ɔ, a maa pee nyɛ ní nɛ ɔmɛ tsuo, ejakaa nɔ nɛ tsɔ mi ɔ, a li lɛ.

1 Korintobi 4:10

Kristo he ɔ, wa plɛ kuasiahi, se nyɛɛ lɛɛ nyɛ ba pee ní leli! Wa gbɔjɔ, se nyɛɛ lɛɛ nyɛ he mi ba wa nyɛ! Nyɛ hɛ mi ba nyami, se wɔɔ lɛɛ wa hɛ mi pue si.

Kpojemi 2:3

O toɔ tsui si; o naa amanehlu ngɛ ye he nɛ pɔ tɔɛ mo.

2 Korintobi 10:18

Ejakaa nɔ nɛ jeɔ lɛ nitsɛ e yi ɔ, Nyɔmtsɛ ɔ hla we lɛ; nɔ nɛ Nyɔmtsɛ ɔ nitsɛ jeɔ e yi ɔ, lɛ nɛ Nyɔmtsɛ ɔ suɔ.

2 Tesalonikabi 1:4

Wɔ nitsɛmɛ wa fĩaa fɔɔ nyɛ nɔ ngɛ Mawu asafo ɔmɛ a mi kaa nyɛ ngɛ hemi kɛ yemi nɛ mi wa. Ejakaa be mi nɛ a ngɛ nyɛ yi mi wae, nɛ nyɛ ngɛ nɔ́ nae ɔ, nyɛ to nyɛ tsui si, nɛ nyɛ mia nyɛ hɛ mi kɛ ngɛ ní nɛ ɔmɛ tsuo a mi gblee.

Filipibi 1:29

Blɔ nya nɛ a ha nyɛ kaa Kristo we bi ɔ, nyɛɛ lɛɛ pi kaa nyɛ ma he ye kɛkɛ, se mohu kaa e he ɔ, nyɛ maa na amanehlu hulɔ.

Kolosebi 1:24

Amlɔ nɛ ɔ, e peeɔ mi bua jɔmi kaa nyɛ he ɔ, i ngɛ nɔ́ nae, konɛ nɔ́ nɛ piɛ ngɛ dengme nɛ Kristo ba gbo ngɛ asafo ɔ nɛ ji e nɔmlɔ tso ɔ he ɔ, ma gbe nya ngɛ ye he lo nɛ ɔ mi.

2 Korintobi 7:4

I fĩaa ngɔ fɔɔ nyɛ nɔ, ejakaa i ngɛ hemi kɛ yemi babauu ngɛ nyɛ mi. Ngɛ wa haomi ɔmɛ tsuo a mi ɔ, ye nine mi ji wu; ye bua jɔmi mohu lɛ hiɛ kɛ be nɔ.

2 Korintobi 4:5

Ejakaa wa de we nɔ́ ko nɔ́ ko ngɛ wɔ nitsɛmɛ wa he; se mohu wa ngɛ fiɛe ke Yesu Kristo ji Nyɔmtsɛ. Wɔɔ lɛɛ Yesu he ɔ, nyɛ tsɔli ji wɔ.

2 Korintobi 5:20

Lɔ ɔ he ɔ, wa ji bɔfohi ngɛ Kristo biɛ mi ejakaa Mawu gu wa nɔ nɛ e kɛ nihi ngɛ munyu tue. Waa kɛ Kristo biɛ ngɛ nyɛ pɛɛ kpae ke nyɛ ha nɛ a dla nyɛɛ kɛ Mawu nyɛ kpɛti.

2 Timoteo 3:11

O le bɔ nɛ a wa mi yi mi, kɛ bɔ nɛ i na nɔ́. O le níhi nɛ ba ye nɔ ngɛ Antiokia, Ikonium, kɛ Listra; o le bɔ nɛ a tua mi wawɛɛ ngɛ lejɛ ɔmɛ; se Nyɔmtsɛ ɔ je mi kɛ je ní ɔmɛ tsuo a mi.