2 Korintobi 11:7 - BAIBLO ALOO NGMAMI KLƆUKLƆU Ɔ

⁷ Benɛ i ba fiɛ sane kpakpa a nɛ kɔɔ Mawu he ɔ ngɔ ha nyɛ ɔ, i he we nyɛ nɔ́ ko. I ba ye he si, konɛ nyɛɛ lɛɛ nyɛ hɛ mi nɛ ba nyami. Anɛ yayami ji nɛ ɔ lo?

Somi He Ɔ

⁷ Aloo blɔɔ, nɛ i ba ye he si konɛ a wo nyɛ nɔ, nɛ i fiɛ Mawu sane kpakpa a ngɔ tsɔɔ nyɛ yaka a, i pee yayami lo?

2 Korintobi 11:7 ပူးပေါင်းရင်းမြစ်များ

2 Korintobi 12:13

Mɛni ji nɔ́ nɛ i pee ha asafo kpa amɛ nɛ i pee we ha nyɛ, pe kaa i doo we nyɛ nya ke nyɛɛ ye kɛ bua mi kɛ nɔ́ ko? Ke enɛ ɔ ji yayami nɛ i pee nyɛ ɔ, i kpa nyɛ pɛɛ nɛ nyɛ ngɔ pa mi!

1 Tesalonikabi 2:9

Nyɛmimɛ, nyɛ ma kai bɔ nɛ wa tsu ní kɛ pɔtɔ! Benɛ wa ngɛ Mawu sane kpakpa a fiɛe kɛ ngɛ nyɛ hae ɔ, wa ngɛ ní tsue nyɔ kɛ pia, konɛ wa ko pee tlomi ngɔ ha nyɛ ti nɔ ko.

2 Korintobi 10:1

Imi Paulo nitsɛ, i ngɛ nyɛ pɛɛ kpae! Ni komɛ deɔ ke ke i ba nyɛ ngɔ ɔ, i peeɔ kpoo, se ke i be nyɛ kasa nya kɛkɛ i hia kã. I suɔ nɛ ma pee kpoo, nɛ ye mi mi nɛ jɔ kaa Kristo.

1 Korintobi 9:6

Aloo i kɛ Barnaba kɛkɛ nɛ e sa kaa wa tsu ní loko waa ye ní?

2 Tesalonikabi 3:8

Wa yi nɔ ko ní yaka nɛ́ wa wui he hiɔ; mohu ɔ, wa tsu ní kɛ pɔtɔ. Wa tsu ní nyɔ kɛ pia, konɛ wa ko pee tlomi ha nyɛ ti nɔ ko.

Ni Tsumi 20:34

Nyɛ nitsɛmɛ nyɛ le kaa nɔ́ tsuaa nɔ́ nɛ hia mi ɔ, ye nine nguɛ nɛ ɔmɛ i kɛ tsu loko i na; ye nyɛmimɛ ɔmɛ a hiami níhi po, imi lɛ i ha mɛ.

1 Korintobi 9:12

Ke ni kpahi ngɛ he blɔ kaa a hyɛɔ níhi kaa kikɛ nɛ ɔ blɔ kɛ jeɔ nyɛ dɛ ɔ, anɛ wɔɔ lɛɛ wa be he blɔ kulaa pe mɛ lo? Se waa kɛ he blɔ nɛ ɔ tsu we ní. Mohu ɔ, wa to wa tsui si ngɛ nɔ́ tsuaa nɔ́ mi, konɛ wa ko pee nɔ́ ko nɛ maa tsi Kristo he sane kpakpa a fiɛmi ɔ nya.

Ni Tsumi 20:33

Ye hɛ kɔɛ nyɛ ti nɔ ko sika hiɔ, loo sika tsu, loo tade nɔ.

Romabi 1:1

Imi Paulo, Yesu Kristo tsɔlɔ kɛ bɔfo nɛ Mawu hla nɛ e tsɔ ke ma ya fiɛ sane kpakpa a nɛ i ngɛ womi nɛ ɔ ngmae.

2 Korintobi 2:12

Benɛ i ba Troya nɛ ma ba fiɛ sane kpakpa a nɛ kɔɔ Kristo he ɔ, i na kaa Nyɔmtsɛ ɔ dla blɔ ngɔ to mi nɛ ma tsu ní ngɛ lejɛ ɔ.

2 Korintobi 10:16

Jamɛ a be ɔ, wa ma nyɛ maa fiɛ sane kpakpa a ngɛ ma kpahi a nɔ ngɛ Korinto se je lokoo. Kɛkɛ ɔ, he ko nɛ nɔ ko ya tsu ní ngɛ momo ɔ, wɔɔ wa be yae, konɛ wɔ mohu wa ko ba na yi jemi.