2 Korintobi 11:4 - BAIBLO ALOO NGMAMI KLƆUKLƆU Ɔ

⁴ Nɔ tsuaa nɔ nɛ maa ba nyɛ ngɔ kɛkɛ nyɛ he lɛ a tuu. Ke a ba fiɛ Yesu kpa ha nyɛ hu kɛkɛ nyɛ he ye; pohu e kɛ nɔ́ nɛ wa fiɛ ha nyɛ ɔ kɔ we. Mumi ɔ nɛ a wo he si ɔ, nyɛ he ye, pohu pi Mumi Klɔuklɔu ɔ nɛ nyɛ na kɛ je wa dɛ ɔ. Sane kpakpa a nɛ a kɛ ba a hu nyɛ he ye, pohu slo a nɔ́ ɔ ngɛ nɔ́ nɛ wa ba fiɛ ha nyɛ ɔ he.

Somi He Ɔ

⁴ Ejakaa ke nɔ nɛ ma a ba fiɛɛ yesu kpã nɛ wa fiɛ we, aloo mumi kpa ko nɛ nyɛ na we sa, aloo sane kpakpa kpã ko nɛ nyɛ he we ɔ, nyɛ heɔ lɛ saminya.

2 Korintobi 11:4 ပူးပေါင်းရင်းမြစ်များ

Marko 7:9

Jehanɛ Yesu de mɛ ke, “Tse nyɛ pee saminya kaa nyɛ kua Mawu mlaa a, konɛ nyɛɛ ye nyɛ blema tsɔɔmi ɔ nɔ!

Ni Tsumi 4:12

Lɛ nɔ kake too pɛ lɛ ma nyɛ ma he nimli a yi wami. E se ɔ, nɔ ko nɔ ko be je ɔ mi nɛ Mawu ha lɛ kikɛmɛ a he wami nɛ ma nyɛ he wa yi wami.”

Romabi 8:15

Mawu ha we nyɛ mumi nɛ peeɔ nɔ nyɔguɛ, nɛ nyɛ ma pa hi gbeye yee; se mohu e peeɔ nyɛ Mawu bimɛ. Mumi ɔ lɛ woɔ wɔ he wami, nɛ wa nyɛɔ faa kue kɛ ngmlaa ke, “Tsaatsɛ! Tsaatsɛ!”

1 Korintobi 3:11

Ejakaa Mawu ngɔ Yesu Kristo ngɔ to momo kaa sisi tomi, nɛ nɔ ko be nyɛe maa to sisi kpa ko hu.

2 Korintobi 11:1

I na nɛ jinɛ nyɛ na tsui ha mi, ke ji kaa i ngɛ kuasia jee po. Ee, nyɛɛ na ha mi!

2 Korintobi 2:12

Benɛ i ba Troya nɛ ma ba fiɛ sane kpakpa a nɛ kɔɔ Kristo he ɔ, i na kaa Nyɔmtsɛ ɔ dla blɔ ngɔ to mi nɛ ma tsu ní ngɛ lejɛ ɔ.

Galatabi 3:2

Nyɛ ha ma bi nyɛ nɔ́ kake. Mlaa a nɔ nɛ nyɛ ye, aloo sane kpakpa a nɛ nyɛ nu nɛ nyɛ he ye ɔ nɛ ha nyɛ na Mumi Klɔuklɔu ɔ?

1 Timoteo 1:3

O ma kai kaa benɛ i je Efeso kɛ yaa Makedonia a, i wo mo ga kaa o hi si ngɛ Efeso. Ni komɛ ngɛ lejɛ ɔ nɛ a ngɛ lakpa tsɔɔmi tsɔɔe. Lɔ ɔ he ɔ, ma suɔ nɛ o hi Efeso, nɛ o bɔ mɛ kɔkɔ nɛ a kpa.

1 Timoteo 2:5

Mawu kake kɛkɛ lɛ ngɛ, kɛ nɔ kake nɛ dlaa Mawu kɛ adesa a kpɛti. Jamɛ a nɔ ɔ ji Kristo Yesu.