2 Korintobi 11:31 - BAIBLO ALOO NGMAMI KLƆUKLƆU Ɔ

³¹ Mawu, wa Nyɔmtsɛ Yesu Kristo Tsɛ ɔ le kaa i yi lakpa. A je e yi kɛ ya neneene.

Somi He Ɔ

³¹ Mawu kɛ wa Nyɔmtsɛ Yesu Tsɛ, nɔ nɛ a gbaa kɛ ya siɔ neneene ɔ, le kaa i yi lakpa.

2 Korintobi 11:31 ပူးပေါင်းရင်းမြစ်များ

Nehemia 9:5

Levi bi nɛ ɔmɛ ji ni nɛmɛ nɛ nyɛɛ ma a hɛ mi kɛ sɔle ha Mawu: Yeshua, Kadmiel, Bani, Hashabneya, Sherebia, Hodia, Shebania, kɛ Petahia. Bɔ nɛ a de ji nɛ ɔ nɛ, “Nyɛɛ te si nɛ nyɛ je Yawɛ, nyɛ Mawu ɔ yi. Nyɛ je e yi daa kɛ daa. Mawu lee, ha nɛ nɔ tsuaa nɔ nɛ je o biɛ ɔ yi. Nɔmlɔ adesa yi jemi pi ha mo lɛɛ, se ha nɛ wa je o yi kɛ̃.”

La 41:13

A je Yawɛ, Israel Mawu ɔ yi! A je e yi mwɔnɛ nɛ ɔ; a je e yi daa. Amen!

Yohane 10:30

I kɛ Tsɛ ɔ ni kake ji wɔ.”

Yohane 20:17

Yesu de lɛ ke, “Koo ta ye he, ejakaa i na we ma ya hiɔwe ngɛ Tsɛ ɔ ngɔ lolo. Se yaa ye nyɛmimɛ ɔmɛ a ngɔ, nɛ o ya de mɛ ke, ‘I yaa hiɔwe ngɛ Tsaatsɛ, kɛ nyɛ hu nyɛ Tsɛ; ye Mawu, kɛ nyɛ hu nyɛ Mawu ɔ ngɔ.’ ”

Romabi 1:25

Anɔkuale ɔ nɛ a le ngɛ Mawu he ɔ, a he we yi; lakpa níhi mohu a heɔ yeɔ. Níhi nɛ Mawu bɔ ɔ, lɔ ɔmɛ mohu a jaa, nɛ a sɔmɔɔ. Bɔlɔ ɔ nɛ sa kaa a je e yi kɛ ya neneene ɔ, a ja we lɛ, nɛ a sɔmɔ we lɛ hulɔ. Amen!

Romabi 1:9

Mawu ɔ nɛ i sɔmɔɔ lɛ kɛ ye tsui tsuo kɛ gu sane kpakpa a nɛ kɔɔ e Bi ɔ he ɔ fiɛmi mi ɔ ji ye we odase kaa i kaiɔ nyɛ daa nɛ i jɔɔ we ngɛ ye sɔlemi mi.

Romabi 15:6

Kɛkɛ ɔ, nyɛ tsuo nyɛ maa pee kake, nɛ nyɛɛ kɛ gbi kake nɛ wo Mawu, wa Nyɔmtsɛ Yesu Kristo Tsɛ ɔ hɛ mi nyami.

Romabi 9:1

Anɔkuale i ngɛ tue ngɛ Kristo mi, nɛ ye he nile maa nɔ mi ngɛ Mumi Klɔuklɔu ɔ mi kaa nɔ́ nɛ i ngɛ dee ɔ, i yi lakpa.

Romabi 9:5

A mi nɛ wa nɛmɛ ɔmɛ je, nɛ Kristo ɔ tete a nina ji lɛ ngɛ he lo nya. Kristo ɔ ji Mawu Ope ɔ nɛ yeɔ nihi tsuo a nɔ ɔ nɛ. A je e yi kɛ ya neneene! Amen.

2 Korintobi 1:23

I na Mawu kaa pe i sume nɛ ma hao nyɛ, lɔ ɔ he loko i tsake ye yi mi tomi ɔ, nɛ i bɛ Korinto ɔ nɛ.

2 Korintobi 1:3

Nyɛ ha wa je Mawu, wa Nyɔmtsɛ Yesu Kristo Tsɛ ɔ yi. Tsɛ mɔbɔ nalɔ ji lɛ, nɛ e ji Mawu nɛ woɔ wɔ bua ngɛ nɔ́ tsuaa nɔ́ mi hulɔ.

2 Korintobi 11:11

Mɛni he je nɛ i ngɛ enɛ ɔ dee? Pe i sume nyɛ lo? Dɛbi, Mawu le kaa i suɔ nyɛ.

Galatabi 1:20

Nɔ́ nɛ i ngɛ nyɛ ngmae nɛ ɔ, Mawu ji ye we odase kaa i yi lakpa.

Efesobi 1:3

Sina ha Mawu, wa Nyɔmtsɛ Yesu Kristo Mawu ɔ, kɛ e Tsɛ ɔ! Ejakaa nɛ wa ngɛ Kristo mi ɔ, Mawu dloo wɔ mumi mi ní kpakpahi tsuo nɛ ngɛ hiɔwe ɔ.

Efesobi 3:14

Enɛ ɔ he i kplaa si ngɛ Tsɛ ɔ hɛ mi.

Kolosebi 1:3

Ke wa ngɛ sɔlee ha nyɛ ɔ, wa naa Mawu, wa Nyɔmtsɛ Yesu Kristo Tsɛ ɔ si daa.

1 Tesalonikabi 2:5

Kaa bɔ nɛ nyɛ le ɔ, wa bɛ nyɛ ngɔ kɛ nya mi ngɔngɔɛ munyuhi; jehanɛ hu, wa ba sisi we nyɛ nɛ wa kɛ na nyɛ he se. Mawu ji wa we odase!

1 Timoteo 1:11

A naa tsɔɔmi kpakpa nɛ ɔ ngɛ sɛ gbi nɛ haa nɔ hɛ mi baa nyami ɔ mi. Mawu lɛ ngɔ sɛ gbi nɛ ɔ ngɔ ha mi ke ma fiɛ. E sa kaa nɔ tsuaa nɔ nɛ je Mawu yi.

1 Timoteo 1:17

Mawu kake too, Neneene Matsɛ, nɔ nɛ ngɛ daa nɛ a nɛ lɛ ɔ, a je e yi, nɛ a wo e hɛ mi nyami kɛ ya neneene! Amen.

1 Timoteo 6:16

Lɛ nɔ kake pɛ ji nɔ nɛ ngɛ daa nɛ e be gboe gblegbleegble; nɛ la nɛ nɔ ko nɔ ko be nyɛe maa hɛ lɛ kɛ su he ɔ bɔle lɛ kɛ kpe. Nɔmlɔ adesa ko adesa ko nɛ́ lɛ hyɛ, nɛ adesa ko be nyɛe maa na lɛ hulɔ. A je e yi daa; e maa ye tsɛ kɛ maa ya neneene! Amen.

1 Petro 1:3

Nyɛ ha wa je Mawu, wa Nyɔmtsɛ Yesu Kristo Tsɛ ɔ yi. E na wɔ mɔbɔ babauu kaa e tle Yesu Kristo si kɛ je gbeje, nɛ e kɛ ha wɔ wami he; ejakaa suɔmi nɛ e kɛ suɔ wɔ ɔ be nyagbe. Nɔ́ nɛ ɔ haa wɔ hɛ kɛ nɔ fɔmi nɛ mi wa.