2 Korintobi 11:26 - BAIBLO ALOO NGMAMI KLƆUKLƆU Ɔ

²⁶ I hia blɔ kpitikpiti. I na amanehlu babauu ngɛ pa hɛ mi, kɛ ojo fiali a dɛ mi; i na nɔ́ ngɛ imi nitsɛ ye weku li a dɛ mi; i na nɔ́ ngɛ ma je li a dɛ mi. I na nɔ́ ngɛ ma mi, kɛ nga nɔ. I na nɔ́ ngɛ wo hɛ mi, kɛ nyɛmimɛ lakpatsɛmɛ a dɛ mi.

Somi He Ɔ

²⁶ i hia blɔ kpitikpiti, i na nɔ ngɛ pahi a hɛ mi, i na nɔ ngɛ ojo fiali a dɛ mi, i na nɔ ngɛ ye wekubi a dɛ mi, i na nɔ ngɛ majeli a dɛ mi, i na nɔ ngɛ ma mi, i na nɔ ngɛ nga nɔ, i na nɔ ngɛ wo hɛ mi, i na nɔ ngɛ lakpa nyɛmimɛ a kpɛti;

2 Korintobi 11:26 ပူးပေါင်းရင်းမြစ်များ

Ni Tsumi 14:5

Jehanɛ ma je li ɔmɛ, kɛ Yuda bi ɔmɛ, kɛ a nikɔtɔma amɛ to a yi mi kaa a maa pee bɔfo ɔmɛ soisoi, nɛ a fia mɛ tɛ.

Ni Tsumi 25:3

ke e hyɛ a hɛ mi, nɛ e tsɔ nɛ a ya ngɔ Paulo kɛ ba Yerusalem; mɛɛ lɛɛ a so e yi nɔ nɛ a maa gbe lɛ ngɛ blɔ ɔ nɔ.

Ni Tsumi 20:19

I ba ye he si saminya kɛ sɔmɔ Nyɔmtsɛ ɔ. Jamɛ a be ɔ mi tsuo ɔ, Yuda bi ɔmɛ soɔ ye yi nɔ, nɛ a haa nɛ i naa nɔ́ wawɛɛ, nɛ i foɔ ya tete po.

Ni Tsumi 17:5

Se Yuda bi ɔmɛ je nɔ́ nɛ ɔ he hunga, nɛ a ya ngɔ yakayaka nimli dikali komɛ ngɔ piɛ a he. Benɛ a nya ba bua fuu ɔ, a ha ma a mi tsuo pee hliihlii. A ya tua nyumu ko nɛ a tsɛɛ Yason e we ɔ kaa a maa ngɔ Paulo kɛ Sila ya ha ma a.

Ni Tsumi 13:50

Se Yuda bi ɔmɛ wo ma nimeli ɔmɛ, kɛ ma je li yihi Mawu jali nɛ ngɛ biɛ ɔ a yi mi, nɛ a te si kɛ wo Paulo kɛ Barnaba. A wa mɛ yi mi, nɛ a fie mɛ kɛ je a kpokpa amɛ a nɔ.

Galatabi 2:4

Se nyɛmimɛ ɔmɛ a ti lakpatsɛmɛ komɛ gu ga blɔ nɔ kɛ sɛ asafo ɔ mi nigii kɛ ngɛ hlae nɛ a hyɛ bɔ nɛ a maa pee kɛ puɛ he yemi nɛ Kristo ha wɔ ɔ, konɛ a ye wɔ nyɔguɛ.

2 Korintobi 11:32

Benɛ i ngɛ Damasko ɔ, amlaalo ɔ nɛ ngɛ Matsɛ Areta sisi ɔ ha a huɔ ngɛ Damasko ma a mi, konɛ a nu mi.

1 Korintobi 15:32

Ke je nɛ ɔ mi níhi a he lɛ i kɛ lohwe dikali ɔmɛ hwu ta ngɛ ngɛ Efeso ɔ, lɛɛ mɛni se i na mɔ? (Efeso bi a ngɛ dee ɔ nɛ). Se ke a be ni gbogboehi si tlee kɛ ba wami mi ekohu ɔ, lɛɛ kaa bɔ nɛ a pɔɔ demi ɔ, “Nyɛ ha waa ye ní nɛ wa nu ní, ejakaa hwɔɔ pɛ wa gbo.”

Romabi 15:19

Okadihi, kɛ nyakpɛ níhi nɛ i pee ɔ, Mumi Klɔuklɔu ɔ lɛ tsu enɛ ɔmɛ tsuo. Lɔ ɔ he ɔ, ye sikpa a tsuo, kɛ je Yerusalem hluu kɛ ya su Ilirikum ɔ, sane kpakpa a nɛ kɔɔ Kristo he ɔ sɔuu i fiɛ.

Ni Tsumi 23:10

Benɛ pɛ ɔ mi ba wa a, asafoatsɛngua a ye gbeye kaa eko ɔ, a ma tsɔtslɔɔ Paulo mi. Lɔ ɔ he ɔ, e fa e ta buli ɔmɛ ke a kple si nɛ a ya ngɔ Paulo ngɛ a dɛ pani nya, nɛ a kɛ lɛ nɛ ba mɔ ɔ mi.

Ni Tsumi 19:23

Be nɛ ɔ mi nɔuu ɔ, basabasa peemi wawɛɛ ko ba te si ngɛ Efeso ngɛ Nyɔmtsɛ ɔ blɔ ɔ he.

Ni Tsumi 19:1

Benɛ Apolo ngɛ Korinto ɔ, Paulo ya kpa ni ɔmɛ a nɔ kɛ ba su Efeso. E ba na nihi nɛ he Yesu ye ɔ a ti ni komɛ ngɛ lejɛ ɔ,

Ni Tsumi 18:12

Benɛ Roma nɔ yemi ɔ wo Galio amlaalo ngɛ Akaya a, Yuda bi ɔmɛ pee a nya kake nɛ a te si wo Paulo, nɛ a nu lɛ kɛ ho kojomi he ɔ ya.

Ni Tsumi 15:40

Paulo lɛɛ, e hla Sila ngɔ piɛ e he, nɛ benɛ nyɛmimɛ ɔmɛ tu mɛ ngɔ wo Nyɔmtsɛ ɔ dɛ mi nɛ́ e bu a he ɔ, a pue nɔ kɛ ho.

Ni Tsumi 14:19

Yuda bi komɛ je Antiokia ngɛ Pisidia, kɛ Ikoniom kɛ ba lejɛ ɔ ba wo ni ɔmɛ a yi mi, nɛ a fia Paulo tɛ; a sã lɛ si kɛ je ma a mi, nɛ a susu kaa e gbo.

Ni Tsumi 13:45

Se benɛ Yuda bi ɔmɛ na ma kpekpemi ɔ, hunga jemi sɛ a mi. A tu munyu yaya kɛ bɔ musu kɛ si Paulo, kɛ níhi nɛ e ngɛ dee ɔ.

Ni Tsumi 17:13

Se benɛ Yuda bi nɛ ngɛ Tesalonika a nu kaa Paulo ya fiɛ Mawu munyu ɔ ngɛ Beroya hulɔ ɔ, a ba lejɛ ɔ, nɛ a ba bɔni ni ɔmɛ a yi mi womi, konɛ a pee basabasa.

Ni Tsumi 20:3

nɛ e ye nyɔhiɔ etɛ ngɛ lejɛ ɔ. Se benɛ e ngɛ e he dlae nɛ e maa ya Siria a, e na le kaa Yuda bi ɔmɛ ngɛ e yi nɔ soe; Lɔ ɔ he ɔ, e to e yi mi kaa e maa kpale e se kɛ ya gu Makedonia ekohu.

Ni Tsumi 27:42

Ta buli ɔmɛ pee a yi mi kaa a maa gbe pamitsɛmɛ ɔmɛ, konɛ a ti nɔ ko nɛ ko sile kɛ ho nɛ e ba tu fo kɛ je.

Romabi 8:35

Mɛnɔ ma gba wɔ kɛ maa je suɔmi nɛ Kristo ngɛ kɛ ha wɔ ɔ mi? Haomi loo, nɔ nami loo, yi mi wami loo, hwɔ loo, oslã loo, aloo klaate?

1 Korintobi 15:30

Ke a be ni gbogboehi si tlee kɛ ba wami mi ekohu ɔ, mɛni he je mɔ lɛ wɔ hu wa ngɛ gbenɔ nya mi ngmlɛfia tsuaa ngmlɛfia a?