2 Korintobi 11:23 - BAIBLO ALOO NGMAMI KLƆUKLƆU Ɔ

²³ Kristo sɔmɔli ji mɛ lo? I ngɛ munyu tue kaa nɔ nɛ yi mi puɛ; tsia, i pe mɛ tsuo! I tsu ní wawɛɛ pe mɛ; a wo mi tsu si abɔ pe mɛ; a fia mi kpa si abɔ pe mɛ, nɛ jehanɛ hu, i ya gbenɔ muɔ nya ba si abɔ pe mɛ.

Somi He Ɔ

²³ Kristo sɔmɔli ji mɛ lo? — i ngɛ munyu tue kaa nɔ nɛ yi mi puɛ — i pe mɛ; ngɛ pɔtɔ ni tsumihi nɛ be nɔ mi, ngɛ ni fiamihi nɛ hiɛ tsɔ mi, ngɛ tsu mi womi babauu mi, ngɛ gbenɔ muɔ nya kpitikpiti.

2 Korintobi 11:23 ပူးပေါင်းရင်းမြစ်များ

Yeremia 36:5

Jehanɛ, i de Baruk ke, “A ha we mi blɔ kaa ma ya Yawɛ we ɔ hu.

Ni Tsumi 14:19

Yuda bi komɛ je Antiokia ngɛ Pisidia, kɛ Ikoniom kɛ ba lejɛ ɔ ba wo ni ɔmɛ a yi mi, nɛ a fia Paulo tɛ; a sã lɛ si kɛ je ma a mi, nɛ a susu kaa e gbo.

Ni Tsumi 20:23

Nɔ́ nɛ i le kɛkɛ ji kaa ma tsuaa ma mi ɔ, Mumi Klɔuklɔu ɔ jeɔ tsɔɔ mi kaa a maa wo mi tsu, nɛ ma na amanehlu babauu.

Ni Tsumi 21:11

E ba wa ngɔ, nɛ e ba ngɔ Paulo mlɛ mi fimi nɔ́ ɔ, nɛ e kɛ fi lɛ nitsɛ e nanehi, kɛ e ninehi; nɛ e de ke, “Bɔ nɛ Mumi Klɔuklɔu ɔ de ji nɛ ɔ nɛ: Nɔ nɛ nɔ́ ji mlɛ mi fimi nɔ́ nɛ ɔ, kikɛ nɛ ɔ Yuda bi ɔmɛ maa pee lɛ ngɛ Yerusalem, nɛ a maa ngɔ lɛ ngɔ wo ma je li ɔmɛ a dɛ mi.”

Ni Tsumi 25:14

Benɛ e ye be saii ngɛ lejɛ ɔ, Festo bɔ matsɛ ɔ Paulo he sane ɔ. E de lɛ ke, “Felike je pã mi no ko he ngɛ tsu mi ngɛ hiɛ ɔ.

Ni Tsumi 27:1

Benɛ a ma nya si kaa wa ma wo lɛ kɛ ya Italia a, a ngɔ Paulo kɛ pamitsɛmɛ kpa komɛ hu ngɔ wo Roma asafoatsɛ ko nɛ a tsɛɛ lɛ Yulio ɔ dɛ. Asafoatsɛ nɛ ɔ, “Roma matsɛ tabo” ɔ mi no ji lɛ.

Ni Tsumi 28:16

Benɛ wa ba su Roma a, a ngmɛ Paulo blɔ nɛ lɛ nitsɛ e hi e dɛ he, kɛ ta bulɔ kake nɛ ngɛ e he bue.

Ni Tsumi 28:30

Paulo hi we ko mi jeha enyɔ, nɛ e wo he hiɔ. Nihi tsuo nɛ ba slaa lɛ ɔ, lejɛ ɔ nɛ e kɛ mɛ kpee ngɛ.

Ni Tsumi 9:16

Ejakaa ma tsɔɔ lɛ bɔ nɛ e ma gbo dengme wawɛɛ ngɛ ye biɛ ɔ he.”

Romabi 8:36

Kaa bɔ nɛ ngmami ɔ deɔ ɔ, “O he ɔ, be tsuaa be nɛ ɔ, wa ngɛ gbenɔ nya mi; a buɔ wɔ kaa tohi nɛ a yaa gbe.”

1 Korintobi 15:10

Se Mawu dloomi lɛ pee mi nɔ́ nɛ i ji mwɔnɛ nɛ ɔ, nɛ dloomi nɛ e dloo mi ɔ pee we yaka. Ee, i tsu ní wawɛɛ pe bɔfo kpa amɛ tsuo kulaa, se pi imi; Mawu dloomi ɔ mohu lɛ tsu ní ɔ.

1 Korintobi 3:5

Mɛnɔ ji Apolo ɔ? Imi Paulo hu, mɛnɔ ji mi? Mawu tsɔli kɛkɛ ji wɔ, nɛ wa nɔ lɛ nyɛ gu kɛ he Kristo ye. Nyɔmtsɛ ɔ ha wa ti nɔ tsuaa nɔ ní tsumi pɔtɛɛ nɛ wa tsu.

1 Korintobi 4:1

Nyɛɛ bu wɔ kaa Kristo tsɔli nɛ Mawu ngɔ laami sɛ gbi ɔ ngɔ ha wɔ ke waa fiɛ.

1 Korintobi 4:11

Kɛ ba si amlɔ nɛ ɔ tete po hwɔ kɛ kuma yee wɔ; wa heha níhi híaa ngɛ wa he; a kongoɔ wɔ, nɛ wa hii kpae kɛ hii bee.

1 Korintobi 4:9

Ejakaa e peeɔ mi kaa Mawu ngɔ wɔ bɔfo ɔmɛ ngɔ pee sekpɛli. Wa ngɛ kaa nihi nɛ a bu mɛ gbenɔ fɔ, konɛ a gbe mɛ ngɛ ma hɛ mi, nɛ je ɔ, hiɔwe bɔfohi, kɛ adesahi tsuo nɛ na mɛ.

2 Korintobi 10:7

Nyɛ juɛmi mi kuɔ we kulaa! Anɛ nɔ ko ngɛ hiɛ ɔ nɛ heɔ e he yeɔ kaa Kristo nɔ́ ji lɛ lo? Saminya! Jamɛ a nɔ ɔ nɛ susu e yi mi ekohu; ejakaa wɔ hu Kristo níhi ji wɔ kaa lɛ nɔuu.

2 Korintobi 11:5

Jamɛ a nimli ɔmɛ nɛ nyɛ buu mɛ kaa mɛɛ lɛɛ bɔfo nguahi ji mɛ ɔ, i he ye kaa a pi mi ngɛ nɔ́ ko nɔ́ ko mi.

2 Korintobi 3:6

Mawu nɛ ha nɛ wa nyɛ nɛ wa ngɛ lɛ Mawu ɔ sɔmɔe kaa bɔ nɛ somi he ɔ tsɔɔ ɔ. Pi mlaa nɛ a ngma nɛ waa ye nɔ ji somi he ɔ, se mohu Mawu mumi. Mlaa nɛ a ngma a, gbenɔ nɛ e kɛ baa, se mumi ɔ haa nɔ wami.

2 Korintobi 4:11

Wa wami be ɔ tsuo ɔ, Yesu he ɔ, nihi ngɛ wɔ dae nɛ a gbe wɔ, bɔ nɛ pee nɛ a na Kristo wami ɔ ngɛ wa he lo nɛ ma gbo nɛ ɔ mi.

2 Korintobi 6:9

Wa ngɛ kaa nihi nɛ a li mɛ, se kɛ̃ ɔ, nɔ tsuaa nɔ le wɔ; wa ngɛ kaa nihi nɛ gbo, se kaa bɔ nɛ nyɛ ngɛ hyɛe ɔ, wa hɛ ngɛ. A gblaa wa tue, se wa gbo we.

Galatabi 6:17

Kɛ je mwɔnɛ ɔ kɛ yaa a, nɔ ko kó doo ye nya hu. Yesu nɔ́ nami okadihi ngɛ ye nɔmlɔ tso ɔ he.

Efesobi 3:1

Mawu pee Yuda bi, kɛ nyɛ ma je li tsuo kake. Enɛ ɔ he ɔ, a wo imi Paulo tsu ngɛ Kristo Yesu, kɛ nyɛ hu nyɛ he.

Efesobi 4:1

Lɔ ɔ he ɔ, imi nɛ a wo mi tsu ngɛ Nyɔmtsɛ ɔ nɛ i ngɛ sɔmɔe ɔ he ɔ, i kpa nyɛ pɛɛ nɛ nyɛɛ ba nyɛ je mi saminya, bɔ nɛ maa sa ní tsumi nɛ Mawu tsɛ nyɛ ke nyɛ ba tsu ɔ.

Efesobi 6:20

Sane kpakpa nɛ ɔ he nɛ, i ba pee Yesu Kristo bɔfo, pohu amlɔ nɛ ɔ, a wo mi kɔsɔkɔsɔ. Nyɛ kpa pɛɛ konɛ ma fiɛ kɛ kã kaa bɔ nɛ sa nɛ ma tu munyu ɔ.

Filipibi 1:13

Enɛ ɔ he je ɔ, mɔ mi buli ɔmɛ, kɛ ni kpa amɛ tsuo ba na le kaa Kristo nɛ i ngɛ sɔmɔe ɔ he nɛ a wo mi tsu ngɛ.

Filipibi 2:17

Ke e maa ba mi kaa a ma plɛ ye muɔ kɛ pue nyɛ he bɔ nɛ nyɛ ngɛ sãe kɛ ngɛ nyɛ hemi kɛ yemi he ní tsue ɔ nɔ po ɔ, ye bua maa jɔ, nɛ i kɛ nyɛ ma nya.

Kolosebi 1:24

Amlɔ nɛ ɔ, e peeɔ mi bua jɔmi kaa nyɛ he ɔ, i ngɛ nɔ́ nae, konɛ nɔ́ nɛ piɛ ngɛ dengme nɛ Kristo ba gbo ngɛ asafo ɔ nɛ ji e nɔmlɔ tso ɔ he ɔ, ma gbe nya ngɛ ye he lo nɛ ɔ mi.

Kolosebi 1:29

Enɛ ɔ he ɔ, i kɛ Kristo he wami kpetekpleenyɛ ɔ nɛ ngɛ ye mi ɔ gboɔ dengme wawɛɛ kɛ tsuɔ ní.

1 Tesalonikabi 3:2

Lɔ ɔ he ɔ, wa tsɔ Timoteo, wa nyɛmi nɛ waa kɛ lɛ tsuɔ ní kaa Mawu sɔmɔlɔ kɛ fiɛɔ Kristo he sane kpakpa a. Wa tsɔ lɛ, konɛ e ba wo nyɛ he wami, nɛ e ha nyɛ fi si ngɛ nyɛ hemi kɛ yemi ɔ mi,

1 Timoteo 4:6

Mawu munyu ɔ kasemi, kɛ Kristo hemi kɛ yemi nɛ mo nitsɛ o hɛɛ mi kpɛii ɔ ma ha mo mumi mi he wami. Ke o tsɔɔ nyɛmimɛ ɔmɛ ní nɛ ɔmɛ nɛ mɛ hu a le ɔ, lɛɛ Kristo Yesu tsɔlɔ kpakpa ji mo.

2 Timoteo 1:16

Nyɔmtsɛ ɔ nɛ na Onesiforo kɛ e we ɔ mɔbɔ; ejakaa ke e ngɛ mi hluu ɔ, e ba woɔ mi bua. Tsu nɛ a wo mi ɔ pee we lɛ zo.

2 Timoteo 1:8

Lɔ ɔ he ɔ, ko ha nɛ odase nɛ o maa ye ngɛ wa Nyɔmtsɛ ɔ he ɔ nɛ pee mo zo. Imi hu nɛ a wo mi tsu ngɛ Kristo he ɔ, ye he ko pee mo zo. Mohu ɔ, bɔɔ mɔde nɛ o na nɔ́ ngɛ sane kpakpa a he kaa bɔ nɛ imi hu i ngɛ nae ɔ, nɛ Mawu ma ha mo he wami nɛ o kɛ tsu nɔ́ nɛ ɔ.

2 Timoteo 2:9

Sane nɛ ɔ nɛ i ngɛ fiɛe ɔ he je nɛ i ngɛ nɔ́ nae; a wo mi kɔsɔkɔsɔ tete po kaa nɔ́ nɛ awi yelɔ ji mi. Se Mawu munyu ɔ fiɛmi lɛɛ nɔ́ ko nɔ́ ko be nyɛe maa tsi nya.

2 Timoteo 3:11

O le bɔ nɛ a wa mi yi mi, kɛ bɔ nɛ i na nɔ́. O le níhi nɛ ba ye nɔ ngɛ Antiokia, Ikonium, kɛ Listra; o le bɔ nɛ a tua mi wawɛɛ ngɛ lejɛ ɔmɛ; se Nyɔmtsɛ ɔ je mi kɛ je ní ɔmɛ tsuo a mi.

Filemon 1:9

Se akɛnɛ i suɔ mo he je ɔ, ma ngɔ hiami nɔ́ nɛ ɔ kɛ fɔ o hɛ mi mohu. Hyɛ, imi Paulo, Yesu Kristo tsɔlɔ kpanaa nɛ amlɔ nɛ ɔ hu a bɔ mi pã ngɛ lɛ nɔuu e he ɔ, imi nɛ i ngɛ mo nɔ́ nɛ ɔ bae ɔ nɛ.

Hebribi 10:34

Niinɛ, nyɛ mi mi sã nyɛ ngɛ nihi nɛ a wo mɛ tsu ɔ a he; nɛ benɛ a ngɛ nyɛ níhi tsuo kpɔe ngɛ nyɛ dɛ pani nya a, nyɛɛ kɛ bua jɔmi ngmɛɛ he ha mɛ faa. Ejakaa nyɛ le kaa nɔ́ nɛ nyɛ nine su nɔ ɔ hi kulaa pe lɔ ɔmɛ, nɛ e ngɛ kɛ yaa neneene hulɔ.