2 Korintobi 11:16 - BAIBLO ALOO NGMAMI KLƆUKLƆU Ɔ

¹⁶ I ngɛ dee ekohu ke nyɛ ti nɔ ko nɔ ko nɛ ko bu mi kuasia. Se ke nyɛ maa bu mi kuasia tete po ɔ, nyɛɛ ngmɛ mi blɔ nɛ imi hu ma fĩa bɔɔ ko.

Somi He Ɔ

¹⁶ I ngɛ dee ekohu ke: Nɔ ko ko bu mi kuasia, se ke pi ja a, lɛɛ nyɛɛ ngɔ mi kaa kuasia mɔ, konɛ imi hu ma fia bɔɔ ko.

2 Korintobi 11:16 ပူးပေါင်းရင်းမြစ်များ

2 Korintobi 11:1

I na nɛ jinɛ nyɛ na tsui ha mi, ke ji kaa i ngɛ kuasia jee po. Ee, nyɛɛ na ha mi!

2 Korintobi 12:6

Ke i ke ma fĩa a, lɔ ɔ tsɔɔ we kaa i ngɛ kuasia jee; ejakaa anɔkuale ɔ i ngɛ dee ɔ nɛ. Se i be fĩae. I hla we nɛ nihi nɛ bu mi ngɛ ye nina amɛ a he; nɔ́ nɛ a na nɛ i pee, kɛ nɔ́ nɛ a nu kɛ je ye nya a, a bu mi ngɛ lɔ ɔmɛ mohu a he.

2 Korintobi 12:11

I ngɛ ye ní pee kaa kuasia; se nyɛ lɛ nyɛ pee mi jã. Nyɛ lɛ nyɛ ko je ye yi; ejakaa ke i pi nɔ ko tete po, jamɛ a ni ɔmɛ nɛ nyɛ buu mɛ bɔfo nguahi ɔ, a pi mi ngɛ nɔ́ ko nɔ́ ko mi.

2 Korintobi 11:19

Nyɛ nitsɛmɛ nyɛ le ní kɛ be nɔ, lɔ ɔ he ɔ, nyɛ naa tsui ha kuasiahi.

2 Korintobi 5:13

Anɛ wa ngɛ godo nue niinɛ lo? Lɛɛ Mawu he wa ngɛ godo nue ngɛ mɔ! Se ke wa ngɛ pɛpɛɛpɛ ɔ, lɛɛ e hi ha nyɛ kaa wa ngɛ jã.

2 Korintobi 12:1

Ma ya nɔ ma fĩa kɛ̃, pohu se nami ko be he. Jehanɛ lɛɛ nɔ́ nɛ he munyu nɛ ma tu ji bɔ nɛ Nyɔmtsɛ Yesu Kristo je e he kpo tsɔɔ mi, kɛ e suɔmi nya níhi nɛ e tsɔɔ ke ma pee.