2 Korintobi 11:15 - BAIBLO ALOO NGMAMI KLƆUKLƆU Ɔ

¹⁵ Lɔ ɔ he ɔ, ke Satan tsɔli tsake a he pee kaa Mawu nɛ peeɔ kpakpa a tsɔli ɔ, nɔ́ nɛ ɔ be nyakpɛ kulaa. A nyagbe ɔ maa ba ha mɛ bɔ nɛ sa mɛ kaa yiwutsotsɛmɛ.

Somi He Ɔ

¹⁵ Lɔ ɔ he ɔ, ke e sɔmɔli ɔmɛ hu tsakee a he peɔ kaa dami sɔmɔli ɔ, e pi nɔ́ ko ngua ko; mɛɛ lɛɛ a nyagbe maa pee bɔ nɛ a ni tsumi ɔmɛ ngɛ ɔ.

2 Korintobi 11:15 ပူးပေါင်းရင်းမြစ်များ

Filipibi 3:19

Kikɛmɛ a nimli nɛ ɔmɛ ɔ, a ma kpata a hɛ mi kɛ maa ya neneene. Ejakaa mɛɛ lɛɛ a muklii ji a mawu nɛ a jaa. A nyaa zo níhi a he, nɛ je mi níhi pɛ a he a susuu.

Kpojemi 9:11

Matsɛ nɛ yeɔ a nɔ ji bɔfo ɔ nɛ ngɛ muɔ voo ɔ nya a. Hebri gbi mi ɔ, e biɛ ji Abadon, se Hela gbi mi lɛɛ a tsɛɛ lɛ Apolion.

Yuda 1:4

I ngɛ enɛ ɔ dee, ejakaa ni komɛ nɛ li Mawu ju si ba sɛ wa kpɛti. Sɛ gbi nɛ kɔɔ dloomi nɛ Mawu dloo wɔ ɔ he ɔ, nimli nɛ ɔmɛ plɛ hɛ mi ngɔ bu si, bɔ nɛ pee nɛ a kɛ laa a yakayaka ní peemi ɔmɛ a nɔ. Yesu Kristo, wa Tsɔɔlɔ, kɛ wa Nyɔmtsɛ kake too ɔ hu a kua lɛ. Blema lokoo lɛ ngmami ɔmɛ de to kaa a ma kpata nimli nɛ ɔmɛ a hɛ mi.

2 Korintobi 3:9

Ke hɛ mi nyami kaa kikɛ nɛ ɔ je kpo somi momo be ɔ mi ɔ, somi he be nɛ ɔ mi lɛɛ hɛ mi nyami ɔ ma kpɛ kɛ be nɔ pe kekle ɔ po.

Ni Tsumi 13:10

nɛ e de ke, “Abosiami nitsɛnitsɛ ji mo! Nɔ́ kpakpa tsuaa nɔ́ kpakpa he nyɛlɔ! Ní yayamihi pɛ a he o susuu! Be tsuaa be ɔ, o bɔɔ mɔde kaa o ma tsake Nyɔmtsɛ ɔ anɔkuale munyu ɔ hɛ mi kɛ pee lakpa!

Kpojemi 13:14

Mawu ngmɛ lohwe awi yelɔ enyɔne ɔ blɔ nɛ e pee nyakpɛ níhi ngɛ kekleekle lohwe ɔ hɛ mi. Kɛ gu nyakpɛ ní nɛ ɔmɛ a nɔ ɔ, e sisiɔ nihi tsuo nɛ ngɛ je ɔ mi ɔ, nɛ e haa a peeɔ yayami. E nyɛ a nɔ nɛ a puɛ amaga nɛ ngɛ kaa lohwe awi yelɔ kake ɔ nɛ a kɛ klaate plaa lɛ wawɛɛ se e gbo we ɔ.

Kpojemi 13:2

Lohwe awi yelɔ ɔ nɛ i na a ngɛ kaa ogbetee; e nane ngɛ kaa osisiblisi nane, nɛ e nya ngɛ kaa jata nya. Sinɔ nguaa a ha lohwe awi yelɔ ɔ e he wami kpetekpleenyɛ, kɛ he blɔ nɛ e ngɛ kaa nɔ nɛ yeɔ matsɛ ɔ eko.

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.

Efesobi 6:12

Ejakaa pi he lo kɛ muɔ nɛ waa kɛ ngɛ ta hwue ɔ. He nyɛli nɛ waa kɛ mɛ ngɛ ta hwue ɔ ji nɔ yeli, kɛ nihi nɛ hɛɛ blɔ nyahi, mumi yayami kpetekpleenyɛhi nɛ ngɛ je nɛ ɔ mi diblii ɔ mi, kɛ mumihi nɛ ngɛ kɔɔhiɔ mi nɛ peeɔ yi wu tso níhi.

2 Korintobi 11:23

Kristo sɔmɔli ji mɛ lo? I ngɛ munyu tue kaa nɔ nɛ yi mi puɛ; tsia, i pe mɛ tsuo! I tsu ní wawɛɛ pe mɛ; a wo mi tsu si abɔ pe mɛ; a fia mi kpa si abɔ pe mɛ, nɛ jehanɛ hu, i ya gbenɔ muɔ nya ba si abɔ pe mɛ.

2 Korintobi 11:13

Kikɛmɛ a nimli nɛ ɔmɛ ɔ, lakpa bɔfohi ji mɛ; tsa pi anɔkuale bɔfohi ji mɛ. A ní tsumi ji kaa a hi kpae, nɛ a hi nɔ sisie. A tsakeɔ a he, konɛ nihi nɛ na mɛ kaa Kristo nitsɛ e bɔfohi.

1 Korintobi 9:11

Ke wa ba du mumi mi níhi ngɛ nyɛ tsui mi ɔ, anɛ e ji nɔ́ ko nɛ he wa tsɔ kaa wɔ hu wa na he lo ɔ hiami níhi kɛ je nyɛ dɛ lo?

Ezekiel 13:22

“Ejakaa dalɔ nɛ i sume kaa e ye aywilɛho ɔ, nyɛ ngɔɔ nyɛ lakpa munyu ɔmɛ kɛ yeɔ e tsui. Se nyɛ woɔ yayami peelɔ mohu he wami konɛ e ko kpa yayami peemi, nɛ a ko he e yi wami.

Yeremia 5:31

Gbali ɔmɛ a sɛ gbi ɔ, lakpa sɔuu; nɔ́ nɛ mɛɛ a fa osɔfo ɔmɛ ke a pee ɔ, lɔ ɔ osɔfo ɔmɛ peeɔ. Nɛ ye ma a hu suɔ ja. Se nyagbe ɔ, kɛ a maa pee kɛɛ?”

Matsɛmɛ II, 5:13

E tsɔli ɔmɛ ba e ngɔ nɛ a ba de lɛ ke, “Tsaatsɛ! Nɔ́ nguaa ko nɛ gbalɔ ɔ fa mo ke o pee jinɛ o ko pee we lo? Mɛni he je mɔ nɛ o be nyɛe nɛ o ya du o he kɛkɛ kaa bɔ nɛ e de ɔ, konɛ a tsa mo ɔ?”

Romabi 2:6

Ejakaa Mawu maa wo nɔ tsuaa nɔ hiɔ bɔ nɛ sa lɛ ngɛ e ní tsumi ɔ nya.

Romabi 3:8

Mɛni he je nɛ e sɛ́ kaa wa deɔ ke, “Wa maa pee yayami konɛ kpakpa nɛ je mi kɛ ba,” kaa bɔ nɛ ni komɛ poo ngɔ fɔɔ wa nɔ ke wa deɔ ɔ? Jamɛtsɛmɛ ɔmɛ ɔ, fɔ nɛ a bu mɛ ɔ sa mɛ.