2 Korintobi 11:13 - BAIBLO ALOO NGMAMI KLƆUKLƆU Ɔ

¹³ Kikɛmɛ a nimli nɛ ɔmɛ ɔ, lakpa bɔfohi ji mɛ; tsa pi anɔkuale bɔfohi ji mɛ. A ní tsumi ji kaa a hi kpae, nɛ a hi nɔ sisie. A tsakeɔ a he, konɛ nihi nɛ na mɛ kaa Kristo nitsɛ e bɔfohi.

Somi He Ɔ

¹³ Ejakaa kikɛmɛ a nimli nɛ ɔmɛ ji lakpa bɔfohi ni tsuli sisili nɛ tsakee a he peɔ Kristo bɔfohi.

2 Korintobi 11:13 ပူးပေါင်းရင်းမြစ်များ

Kpojemi 2:2

I le ní nɛ o tsuɔ, dengme nɛ o gboɔ, kɛ bɔ nɛ o toɔ o tsui si. I le hu kaa o ha we yayami peeli hɛ mi. Nihi nɛ tsɛɔ a he bɔfohi, se pi bɔfohi ji mɛ ɔ, bɔ nɛ o ka mɛ, nɛ o na kaa lakpatsɛmɛ ji mɛ ɔ, i le lɛ tsuo pɛpɛɛpɛ.

Filipibi 3:2

Nyɛɛ hyɛ saminya ngɛ gbee ɔmɛ a he, nyɛɛ hyɛ saminya ngɛ ní tsuli yaya amɛ a he, nyɛɛ hyɛ saminya ngɛ nihi nɛ woɔ nɔmlɔ tso ɔ he pa ke a po nɔ ɔ a he.

Galatabi 1:7

Oo, nyɛ bu kaa sane kpakpa kpa ko ngɛ he ko! Pe i de ja kɛkɛ; ejakaa ni komɛ ngɛ nyɛ kpɛti nɛ a ngɛ nyɛ tue puɛe; a ngɛ hlae kaa a ma tsake sane kpakpa a nɛ kɔɔ Kristo he ɔ hɛ mi.

1 Yohane 4:1

Ye nyɛmimɛ nɛ i suɔ, nyɛ ko he nɔ tsuaa nɔ ko kɛkɛ nɛ deɔ ke e ná Mawu mumi ɔ nyɛɛ ye. Se mohu nyɛɛ ka nɔ tsuaa nɔ nɛ nyɛɛ hyɛ kaa mumi nɛ e ngɛ ɔ je Mawu ngɔ lo. Ejakaa je ɔ hyi tɔ kɛ lakpa gbali sɔuu.

Galatabi 2:4

Se nyɛmimɛ ɔmɛ a ti lakpatsɛmɛ komɛ gu ga blɔ nɔ kɛ sɛ asafo ɔ mi nigii kɛ ngɛ hlae nɛ a hyɛ bɔ nɛ a maa pee kɛ puɛ he yemi nɛ Kristo ha wɔ ɔ, konɛ a ye wɔ nyɔguɛ.

Ni Tsumi 20:30

Nyɛ nitsɛmɛ nyɛ kpɛti hu nihi maa ye lakpa kɛ puɛ nyɛmimɛ ɔmɛ a tue kɛ ya nyɛɛ a se.

Kpojemi 19:20

A nu lohwe awi yelɔ ɔ, kɛ lakpa gbalɔ ɔ nɛ pee nyakpɛ níhi ngɛ e hɛ mi ɔ tsuo. E pee nyakpɛ ní ɔmɛ kɛ sisi nihi nɛ a kɛ lohwe ɔ kadi mɛ ɔ, kɛ ni nɛmɛ nɛ jaa lohwe ɔ we amaga a. A hɛ lohwe ɔ, kɛ lakpa gbalɔ ɔ tsuo ngɔ fɔ taku kɛ e mi la nɛ ngɛ tsoe gegeege ɔ mi hɛ ngmengmle.

Kolosebi 2:8

Nyɛɛ hyɛ nɛ hi nɛ nɔ ko kó ngɔ je mi nile, loo yaka sisimi kɛ ye nyɛ nyɔguɛ. Blema tsɔɔmihi, kɛ mumihi nɛ yeɔ je ɔ nɔ ɔ, a ngɔ ní nɛ ɔmɛ je, se pi Kristo ngɔ.

Kolosebi 2:4

I ngɛ nyɛ enɛ ɔ dee, konɛ nɔ ko kɛ nyami ngɔngɔɛ munyu ko kó ba sisi nyɛ.

Efesobi 4:14

Jehanɛ ɔ, wa be si hie hu kaa jokuɛwi nɛ heɔ tsɔɔmi yeɔ kaa kɔɔhiɔ mimiɛɔ nɔ́ kɛ yaa kɛ baa, konɛ nihi nɛ toɔ ga yaya, nɛ a yeɔ kutupɔ kɛ sisiɔ nɔ ɔ a nine ko su wa nɔ.

2 Korintobi 11:15

Lɔ ɔ he ɔ, ke Satan tsɔli tsake a he pee kaa Mawu nɛ peeɔ kpakpa a tsɔli ɔ, nɔ́ nɛ ɔ be nyakpɛ kulaa. A nyagbe ɔ maa ba ha mɛ bɔ nɛ sa mɛ kaa yiwutsotsɛmɛ.

Kpojemi 2:20

Se kɛ̃ ɔ, i kɛ mo ngɛ sane. O ngmɛ blɔ nɛ Yezebel, jamɛ a yo ɔ nɛ tsɛɔ e he gbalɔ ɔ ngɛ ye ma a ní tsɔɔe. E kɛ tsɔɔmi nɛ ɔ sisi mɛ, nɛ a ya ngɛ yo kɛ nyumu yakayaka fiɛmi fiɛe; nɛ a ngɛ wɔ nya ní hu yee.

Kpojemi 2:9

I le o haomi ɔmɛ! I le kaa nɔ́ ko be o dɛ lɛɛ, se kɛ̃ ɔ, niatsɛ ji mo. Nihi nɛ deɔ ke Yuda bi ji mɛ, pohu e be mi ja a, ní yayahi nɛ a deɔ ngɛ o he ɔ, i le lɛ tsuo. Abosiami jali a kuu ji mɛ!

Yuda 1:4

I ngɛ enɛ ɔ dee, ejakaa ni komɛ nɛ li Mawu ju si ba sɛ wa kpɛti. Sɛ gbi nɛ kɔɔ dloomi nɛ Mawu dloo wɔ ɔ he ɔ, nimli nɛ ɔmɛ plɛ hɛ mi ngɔ bu si, bɔ nɛ pee nɛ a kɛ laa a yakayaka ní peemi ɔmɛ a nɔ. Yesu Kristo, wa Tsɔɔlɔ, kɛ wa Nyɔmtsɛ kake too ɔ hu a kua lɛ. Blema lokoo lɛ ngmami ɔmɛ de to kaa a ma kpata nimli nɛ ɔmɛ a hɛ mi.

1 Yohane 2:18

Ye bimɛ tsɔwi, nyagbe be ɔ su ta! A de nyɛ ke Kristo he nyɛlɔ ɔ ma; se amlɔ nɛ ɔ, Kristo he nyɛli fuu ba momo. Enɛ ɔ he ɔ, wa le kaa nyagbe ɔ su ta.

Galatabi 6:12

Nihi nɛ hlaa kaa a maa nyɛ nyɛ nɔ kaa ja a po nyɛ doo ɔ, nihi a hɛ mi kɛkɛ lɛ a ngɛ hlae nɛ a sa. Ejakaa a le kaa ke a de ke loko a ma he nɔ ko yi wami ɔ, ja nɔ ɔ na amanehlu kaa Kristo ɔ, nihi maa wa mɛ yi mi.

2 Korintobi 4:2

Wa kpa laami mi zo ní tsumi; wa yi kutupɔ, nɛ Mawu munyu ɔ hu wa tsakee we hɛ mi. Wa fiɛɔ Mawu sɛ gbi ɔ paa ngɛ ma hɛ mi, nɛ wa bɔɔ mɔde kaa nihi nɛ a ná wa he juɛmi kpakpa ngɛ Mawu hɛ mi.

Ni Tsumi 15:24

Wa nu kaa wa ti ni komɛ ba nyɛ ngɔ ba doo nyɛ nya kɛ munyu komɛ, nɛ a kɛ puɛ nyɛ juɛmi, pohu wa ha we mɛ mlaa ko ke a ba wo nyɛ.

Galatabi 4:17

Ni ɔmɛ nɛ ngɛ nyɛ hɛ mi hae ɔ, nyɛ bu kaa a suɔ nyɛ; a be nyɛ he juɛmi kpakpa. A ngɛ hlae nɛ a puɛ i kɛ nyɛ wa kpɛti, konɛ nyɛ gbo mɛ mohu a he dengme.

2 Korintobi 2:17

Wɔɔ lɛɛ wa be kaa ni kpa komɛ nɛ mɛɛ a ngɔ Mawu munyu ɔ ngɔ pee je juami nɔ́ nɛ a kɛ ngɛ si kpae ɔ. Se mohu kaa nihi nɛ le Kristo ɔ, wa tuɔ anɔkuale ɔ sisi kaa nihi nɛ a tsɔ mɛ kɛ je Mawu nitsɛ ngɔ.

Romabi 16:18

Ejakaa nimli kaa kikɛ nɛ ɔ, pi Kristo, wa Nyɔmtsɛ ɔ nɛ a ngɛ sɔmɔe. Se mɛ nitsɛmɛ a muklii mohu he mɔde nɛ a ngɛ bɔe. A kɛ munyu dɔkɔɔ gbeɔ nihi nɛ a juɛmi se ti we ɔ a yi mi, nɛ a sisiɔ mɛ.

Ni Tsumi 15:1

Ni komɛ je Yudea kɛ ba Antiokia, nɛ a ba bɔni nihi nɛ he Yesu ye ɔ ní tsɔɔmi ke, “Ke a pui nyɛ kaa bɔ nɛ Mose mlaa a tsɔɔ ɔ, a be nyɛe ma he nyɛ yi wami.”

Mateo 25:24

“Nɔ nɛ na sika tsu yi akpe ɔ hu ba, nɛ e ba de ke, ‘Nyɔmtsɛ, i le mo kaa o yi mi wa; o kpaa ní ngɛ he nɛ o du we ní ngɛ, nɛ o buaa ní nya ngɛ he nɛ o fĩa we ní ngɛ.

Yeremia 23:16

Yawɛ Tabohiatsɛ ɔ de Yerusalem ma mi bi ɔmɛ ke, “Nyɛ ko bu munyuhi nɛ gbali ɔmɛ ngɛ tue ɔ tue; sisimi a ngɛ nyɛ sisie ɔ nɛ. Ninahi nɛ a jeɔ kɛ tsɔɔ nyɛ ɔ, mɛ nitsɛmɛ a yi mi e je; pi imi Yawɛ ye nya mi munyuhi ji lɔ ɔmɛ.

Yeremia 27:14

Gbali ɔmɛ nɛ deɔ nyɛ ke nyɛ ko sɔmɔ Babilonia matsɛ ɔ, nyɛ ko bu mɛ tue. Lakpa gbami lɛ a ngɛ gbae kɛ ngɛ nyɛ tsɔɔe ɔ nɛ.

Filipibi 3:18

I de nyɛ nɔ́ nɛ ɔ si abɔ, nɛ jehanɛ hu i kɛ vo nyu ngɛ nyɛ dee ekohu ke gbenɔ nɛ Kristo ba gbo ngɛ sɛumi tso ɔ nɔ ɔ, nihi babauu a je mi bami peeɔ mɛ e he nyɛli.