2 Korintobi 11:12 - BAIBLO ALOO NGMAMI KLƆUKLƆU Ɔ

¹² Ma ya nɔ ma pee kaa bɔ nɛ i peeɔ daa a. I be yemi kɛ buami ko bie ngɛ nyɛ dɛ. Ke i bi ɔ, jamɛ a ni ɔmɛ ma na he blɔ ɔ nɛ a ngɛ hlae ɔ nɛ a maa fĩa ke a ngɛ Mawu ní tsue kaa bɔ nɛ wɔ hu wa ngɛ tsue ɔ nɔuu.

Somi He Ɔ

¹² Nɔ nɛ i ngɛ pee ɔ, ma pee, konɛ ma kɛ tsi nihi nɛ ngɛ ye he sane hlae ɔmɛ a nya, konɛ a ko na he blɔ nɛ a fia kɛ de ke mɛ hu a ngɛ ni nɛ wa ngɛ tsueɔ nɔuu tsue.

2 Korintobi 11:12 ပူးပေါင်းရင်းမြစ်များ

1 Korintobi 9:12

Ke ni kpahi ngɛ he blɔ kaa a hyɛɔ níhi kaa kikɛ nɛ ɔ blɔ kɛ jeɔ nyɛ dɛ ɔ, anɛ wɔɔ lɛɛ wa be he blɔ kulaa pe mɛ lo? Se waa kɛ he blɔ nɛ ɔ tsu we ní. Mohu ɔ, wa to wa tsui si ngɛ nɔ́ tsuaa nɔ́ mi, konɛ wa ko pee nɔ́ ko nɛ maa tsi Kristo he sane kpakpa a fiɛmi ɔ nya.

1 Timoteo 5:14

Lɔ ɔ he ɔ, ma suɔ mohu kaa yalɔyihi nɛ wɛ lolo ɔ, a gba nɛ a fɔ bimɛ; nɛ a hyɛ a we nɔ saminya, konɛ wa he nyɛli ko na he blɔ ko kulaa kɛ tu munyu yaya kɛ si wɔ.

Galatabi 1:7

Oo, nyɛ bu kaa sane kpakpa kpa ko ngɛ he ko! Pe i de ja kɛkɛ; ejakaa ni komɛ ngɛ nyɛ kpɛti nɛ a ngɛ nyɛ tue puɛe; a ngɛ hlae kaa a ma tsake sane kpakpa a nɛ kɔɔ Kristo he ɔ hɛ mi.

2 Korintobi 11:18

Se akɛnɛ nihi babauu fĩaa ngɔ fɔɔ je nɛ ɔ mi níhi a nɔ ɔ, imi hu ma fĩa.

2 Korintobi 11:9

Benɛ i kɛ nyɛ ngɛ, nɛ e fi mi tete ɔ, i hɛwi nyɛ ti nɔ ko nɔ ko; nyɛmimɛ nɛ je Makedonia kɛ ba a ba ha mi nɔ́ tsuaa nɔ́ nɛ hia mi. I pee we tlomi ngɛ nyɛ kuɛ nɔ. Nɛ kɛ je mwɔnɛ ɔ kɛ yaa a hu i hyɛ we nyɛ yemi kɛ buami ko blɔ.

2 Korintobi 10:17

Lɔ ɔ he ɔ, kaa bɔ nɛ ngmami ɔ deɔ ɔ, “Nɔ nɛ suɔ kaa e maa fĩa a, e fĩa ngɔ fɔ nɔ́ nɛ Nyɔmtsɛ ɔ pee ɔ pɛ nɔ.”

2 Korintobi 5:12

Nyɛ ko susu kaa wɔ nitsɛmɛ wa yi wa pa ngɛ jee ha nyɛ ekohu. Dɛbi! Waa kɛ enɛ ɔ ngɛ nyɛ blɔ hae, konɛ nyɛ kɛ fĩa ngɔ fɔ wa nɔ. Kɛkɛ ɔ, nihi nɛ hyɛɛ nihi a hɛ mi, se pi a tsui mi, nɛ a fĩaa ngɔ fɔɔ a nɔ ɔ, nyɛ ma ná nɔ́ ko ma de mɛ.

2 Korintobi 1:17

Blɔɔ nɛ i tsake ye yi mi tomi ɔ, anɛ yi mi flɛflɛ i kɛ pee lo? Ke i ngɛ ye yi mi toe ɔ, anɛ i peeɔ ye ní kaa yaka nɔ ko kɛkɛ nɛ deɔ “Ee” kɛ “Dɛbi” be kake too lo?

1 Korintobi 5:6

E sɛ kaa nyɛ woɔ nyɛ he nɔ. Blema abɛ ɔ nɛ deɔ ke, “Masa bɔbɔyoo haa nɛ ma a tsuo fuɔ” ɔ, tse nyɛ le?

Hiob 23:13

Mawu ɔ, bɔ nɛ e ngɛ ɔ, jã kɛ̃ e ngɛ; e tsakee we. Nɔ́ nɛ e suɔ ɔ, lɔ ɔ e peeɔ. Mɛnɔ ma nyɛ ma tsake e yi mi tomi?

Mateo 26:16

nɛ kɛ je jamɛ a be ɔ mi ɔ, Yuda hla Yesu he blɔ, konɛ e ngɔ lɛ kɛ wo a dɛ mi.