2 Korintobi 11:11 - BAIBLO ALOO NGMAMI KLƆUKLƆU Ɔ

¹¹ Mɛni he je nɛ i ngɛ enɛ ɔ dee? Pe i sume nyɛ lo? Dɛbi, Mawu le kaa i suɔ nyɛ.

Somi He Ɔ

¹¹ Mɛni he je? Kaa i sume nyɛ he je loo? Mawu le.

2 Korintobi 11:11 ပူးပေါင်းရင်းမြစ်များ

2 Korintobi 12:15

Ma suɔ kaa ma ngɔ níhi tsuo nɛ i ngɛ ɔ, kɛ ye nɔmlɔ tso ɔ tete ngɔ ha nɛ ma kɛ ye bua nyɛ. Ke i suɔ nyɛ babauu kikɛ nɛ ɔ, e sɛ kaa nyɛ hu nyɛɛ suɔ mi jã lo?

2 Korintobi 7:3

I de we enɛ ɔ nɛ ma kɛ bu nyɛ fɔ. Se kaa bɔ nɛ i de nyɛ momo ɔ, suɔmi nɛ wa ngɛ kɛ ha nyɛ ɔ nya wa bɔ nɛ nɔ́ ko nɔ́ ko be nyɛe ma gba waa kɛ nyɛ wa kpɛti, gbenɔ jio, wami nɛ ɔ mi jio.

Kpojemi 2:23

Ma gbe e se nyɛɛli ɔmɛ hulɔ. Kɛkɛ ɔ, asafo ɔmɛ tsuo maa na kaa imi ji nɔ nɛ le adesahi tsuo a juɛmi, kɛ a tsui mi. Ma wo nyɛ ti nɔ tsuaa nɔ hiɔ ngɛ nɔ́ nɛ e tsu ɔ he.

Hebribi 4:13

Nɔ́ ko nɔ́ ko be nɛ a kɛ laa Mawu. Nɔ́ tsuaa nɔ́ ngɛ je nɛ ɔ mi fɔɔ si paa ngɛ Mawu hɛ mi. Nɛ nɔ tsuaa nɔ maa bu lɛ nitsɛ e we akɔtaa ngɛ e hɛ mi.

2 Korintobi 11:31

Mawu, wa Nyɔmtsɛ Yesu Kristo Tsɛ ɔ le kaa i yi lakpa. A je e yi kɛ ya neneene.

Ni Tsumi 15:8

Mawu nɛ le adesahi tsuo a juɛmi ɔ kplɛɛ nɔ kaa a fiɛ sane kpakpa a ha ma je li ɔmɛ hulɔ; lɔ ɔ he ɔ, e ha mɛ Mumi Klɔuklɔu ɔ kaa bɔ nɛ e ha wɔ ɔ.

Yohane 21:17

Jehanɛ Yesu kpale bi lɛ nɔ́ nɛ ji si etɛ ke, “Simon, Yohane bi, o suɔ mi lo?” E dɔ Petro kaa Yesu bi lɛ si etɛ sɔuu ke e suɔ lɛ lo. Lɔ ɔ he ɔ, e he nɔ ke, “Nyɔmtsɛ, mo nitsɛ o le nɔ́ tsuaa nɔ́; mo nitsɛ o le kaa i suɔ mo!” Yesu de lɛ ke, “Lɛɛ ye to ɔmɛ.

La 44:21

anɛ mo, Mawu ɔ, o ko nɛ lo? Ejakaa o le níhi tsuo nɛ nɔmlɔ ngɔɔ kɛ laa ngɛ e tsui mi.

Yoshua 22:22

“Yawɛ, Mawu Ope! Yawɛ Mawu Ope! Lɛ pɛ nɛ e le nɔ́ he je nɛ wa pee enɛ ɔ, nɛ wa suɔ kaa nyɛ hu nyɛɛ le! Ke wa tsɔ atuã, nɛ wa yi Yawɛ anɔkuale ɔ, lɛɛ nyɛɛ gbe wɔ!

2 Korintobi 11:10

Kristo ɔ, anɔkualetsɛ ji lɛ, nɛ lɛ i kase. Lɔ ɔ he ɔ, nɔ́ nɛ i ngɛ dee ji kaa nɔ ko kulaa be Akaya ní ɔmɛ a mi nɛ ma nyɛ maa tsi ye nya kaa ma ko fĩa.

Romabi 1:9

Mawu ɔ nɛ i sɔmɔɔ lɛ kɛ ye tsui tsuo kɛ gu sane kpakpa a nɛ kɔɔ e Bi ɔ he ɔ fiɛmi mi ɔ ji ye we odase kaa i kaiɔ nyɛ daa nɛ i jɔɔ we ngɛ ye sɔlemi mi.

2 Korintobi 2:17

Wɔɔ lɛɛ wa be kaa ni kpa komɛ nɛ mɛɛ a ngɔ Mawu munyu ɔ ngɔ pee je juami nɔ́ nɛ a kɛ ngɛ si kpae ɔ. Se mohu kaa nihi nɛ le Kristo ɔ, wa tuɔ anɔkuale ɔ sisi kaa nihi nɛ a tsɔ mɛ kɛ je Mawu nitsɛ ngɔ.