2 Korintobi 11:10 - BAIBLO ALOO NGMAMI KLƆUKLƆU Ɔ

¹⁰ Kristo ɔ, anɔkualetsɛ ji lɛ, nɛ lɛ i kase. Lɔ ɔ he ɔ, nɔ́ nɛ i ngɛ dee ji kaa nɔ ko kulaa be Akaya ní ɔmɛ a mi nɛ ma nyɛ maa tsi ye nya kaa ma ko fĩa.

Somi He Ɔ

¹⁰ Be abɔ nɛ Kristo anɔkuale ɔ ngɛ ye mi nɛ ɔ, nɔ ko nɔ ko be ye fiami nɛ ɔ nya tsie ngɛ Akaia ni ɔmɛ a mi.

2 Korintobi 11:10 ပူးပေါင်းရင်းမြစ်များ

Romabi 9:1

Anɔkuale i ngɛ tue ngɛ Kristo mi, nɛ ye he nile maa nɔ mi ngɛ Mumi Klɔuklɔu ɔ mi kaa nɔ́ nɛ i ngɛ dee ɔ, i yi lakpa.

Romabi 1:9

Mawu ɔ nɛ i sɔmɔɔ lɛ kɛ ye tsui tsuo kɛ gu sane kpakpa a nɛ kɔɔ e Bi ɔ he ɔ fiɛmi mi ɔ ji ye we odase kaa i kaiɔ nyɛ daa nɛ i jɔɔ we ngɛ ye sɔlemi mi.

Ni Tsumi 18:12

Benɛ Roma nɔ yemi ɔ wo Galio amlaalo ngɛ Akaya a, Yuda bi ɔmɛ pee a nya kake nɛ a te si wo Paulo, nɛ a nu lɛ kɛ ho kojomi he ɔ ya.

2 Korintobi 1:23

I na Mawu kaa pe i sume nɛ ma hao nyɛ, lɔ ɔ he loko i tsake ye yi mi tomi ɔ, nɛ i bɛ Korinto ɔ nɛ.

1 Timoteo 2:7

Enɛ ɔ he hu nɛ Mawu tsɔ mi kaa bɔfo, konɛ ma fiɛ sane kpakpa a ha ma je li ɔmɛ, nɛ ma tsɔɔ mɛ bɔ nɛ a he Kristo nɛ a ye anɔkuale mi. Nɔ́ nɛ i ngɛ dee nɛ ɔ, anɔkuale sisiisi; i yi lakpa.

1 Tesalonikabi 2:10

Nyɛɛ kɛ Mawu ji wa we odase kaa wa ba wa je mi saminya ngɛ nyɛ nihi nɛ nyɛ heɔ yeɔ ɔ nyɛ kpɛti. Wa peeɔ nɔ́ nɛ da blɔ nɛ piami ko be wa he.

1 Tesalonikabi 2:5

Kaa bɔ nɛ nyɛ le ɔ, wa bɛ nyɛ ngɔ kɛ nya mi ngɔngɔɛ munyuhi; jehanɛ hu, wa ba sisi we nyɛ nɛ wa kɛ na nyɛ he se. Mawu ji wa we odase!

Galatabi 1:20

Nɔ́ nɛ i ngɛ nyɛ ngmae nɛ ɔ, Mawu ji ye we odase kaa i yi lakpa.

2 Korintobi 12:19

Nyɛ ko susu kaa pe wa ngɛ mɔde bɔe nɛ wa fa wa he ngɛ nyɛ hɛ mi kɛkɛ. Mawu ji wa we odase kaa wa ngɛ anɔkuale tue kaa Kristo tsɔli. Nyɛmimɛ nɛ wa suɔ! Nɔ́ tsuaa nɔ́ nɛ wa ngɛ pee ɔ, wa ngɛ pee nɛ wa kɛ ye bua nyɛ.

2 Korintobi 11:31

Mawu, wa Nyɔmtsɛ Yesu Kristo Tsɛ ɔ le kaa i yi lakpa. A je e yi kɛ ya neneene.

2 Korintobi 11:12

Ma ya nɔ ma pee kaa bɔ nɛ i peeɔ daa a. I be yemi kɛ buami ko bie ngɛ nyɛ dɛ. Ke i bi ɔ, jamɛ a ni ɔmɛ ma na he blɔ ɔ nɛ a ngɛ hlae ɔ nɛ a maa fĩa ke a ngɛ Mawu ní tsue kaa bɔ nɛ wɔ hu wa ngɛ tsue ɔ nɔuu.

2 Korintobi 10:15

Ní tsumi nɛ ni kpahi tsu ɔ, wa fĩɛ ngɛ he. Niinɛ, wa heɔ yeɔ kaa nyɛ hemi kɛ yemi ɔ mi ma ba wa, nɛ wa ma tsu ní nguahi ngɛ nyɛ kpɛti pe bɔ nɛ wa ko nyɛ.

2 Korintobi 9:2

I le mɔde nɛ nyɛ ngɛ bɔe ɔ, nɛ i fĩa fɔ nyɛ nɔ ngɛ enɛ ɔ he ha Makedonia bi ɔmɛ. I de mɛ ke, “Nyɛmimɛ ɔmɛ nɛ ngɛ Akaya a dla a he ngɔ to jeha lokoo ji nɛ kaa a maa ye bua nyɛ.” Niinɛ, nyɛ mɔde bɔmi ɔ wo a ti nihi fuu kã.

2 Korintobi 1:1

Imi Paulo nɛ Mawu suɔmi nya a, i ba pee Kristo Yesu bɔfo ɔ, i kɛ wa nyɛmi Timoteo lɛ ngma womi nɛ ɔ ya ha Mawu asafo ɔ nɛ ngɛ Korinto, kɛ ni klɔuklɔu ɔmɛ tsuo nɛ ngɛ Akaya a.

1 Korintobi 16:15

Tse nyɛ le Stefana, kɛ e we mi bi ɔmɛ. Mɛ ji kekleekle nihi nɛ tsake pee Kristo se nyɛɛli ngɛ Akaya, nɛ a ngɔ a he ngɔ ha kaa a ma sɔmɔ ni klɔuklɔu ɔmɛ. Ye nyɛmimɛ, i kpa nyɛ pɛɛ,

Romabi 16:5

I biɔ asafo ɔ nɛ kpeɔ ngɛ a we ɔ mi ɔ hulɔ. I biɔ Epeneto, kekleekle nɔ nɛ he Kristo ye ngɛ Asia a; ye huɛ saminya ji lɛ.

Ni Tsumi 18:27

Jehanɛ, Apolo to e yi mi kaa e maa po mi kɛ ya Akaya, lɔ ɔ he ɔ, nyɛmimɛ ɔmɛ nɛ ngɛ Efeso ɔ susu he, nɛ a ngma womi ya ha nyɛmimɛ ɔmɛ nɛ ngɛ Akaya a kɛ wo mɛ ga ke a he lɛ hɛmuɔ. Benɛ e ba su lejɛ ɔ, nihi nɛ Mawu dloomi nya a, a ba he Kristo ye ɔ na e he se saminya.

Galatabi 2:20

Lɔ ɔ he ɔ, jehanɛ lɛɛ, pi imi nitsɛ nɛ i ngɛ wami mi hu; se Kristo lɛ e hɛ ngɛ ngɛ ye mi. Mawu Bi ɔ suɔ mi, nɛ e ngɔ e wami ngɔ ha ngɛ ye he; nɛ imi hu i he lɛ ye. Lɔ ɔ lɛ ha nɛ i ngɛ wami mi amlɔ nɛ ɔ nɛ.