2 Korintobi 11:1 - BAIBLO ALOO NGMAMI KLƆUKLƆU Ɔ

¹ I na nɛ jinɛ nyɛ na tsui ha mi, ke ji kaa i ngɛ kuasia jee po. Ee, nyɛɛ na ha mi!

Somi He Ɔ

¹ I na nɛ jinɛ nyɛ ko na ha ye biɛmi ɔ bɔɔ, kɛ̃ ɔ nyɛɛ na ha mi.

2 Korintobi 11:1 ပူးပေါင်းရင်းမြစ်များ

Matsɛmɛ II, 5:3

Ligbi ko ɔ, e de e nyɛ ɔ ke, “I ná nɛ ye nyɔmtsɛ ɔ ya gbalɔ ɔ nɛ ngɛ Samaria a ngɔ, jinɛ e ma tsa e hiɔ ɔ ha lɛ.”

Mose IV, 11:29

Se Mose he nɔ ke, “Imi lɛ o ngɛ hunga jee ha nɛ ɔ? I na jinɛ Yawɛ ngɔ e mumi ɔ ngɔ ha e ma a tsuo, nɛ mɛ tsuo a kpa ngmlaa kaa gbali!”

Mateo 17:17

Yesu he nɔ ke, “Nyɛ yi nɔ yayami bi nɛ nyɛ be hemi kɛ yemi! Mɛni be i kɛ nyɛ maa hi si kɛ yaa si? Mɛni be ma to ye tsui si ha nyɛ kɛ yaa si? Nyɛɛ ngɔ jokuɛ ɔ kɛ ba ye ngɔ ngɛ hiɛ ɔ.”

Ni Tsumi 18:14

Benɛ Paulo miɔ nɛ e ma je e nya a, kɛkɛ nɛ Galio po e nya nɔ, nɛ e de Yuda bi ɔmɛ ke, “Yuda bi, ju kɛ fɔ̃ sane ko nyɛ kɛ ba jinɛ ma na tsui kɛ bu nyɛ tue.

Ni Tsumi 26:29

Paulo he nɔ ke, “Be ɔ kɛ jio, e kɛ́ we jio; i na nɛ jinɛ Mawu ha e ba mi kaa pi mo nɔ kake kɛkɛ, se mohu nihi tsuo nɛ ngɛ mi tue bue mwɔnɛ nɛ ɔ hu ko pee kaa bɔ nɛ i ngɛ nɛ ɔ; kɔsɔkɔsɔ nɛ ɔmɛ pɛ lɛ a ko wo mɛ!”

1 Korintobi 1:21

Mawu ngɔ e nile ɔ kɛ tsi adesa blɔ, konɛ adesa kó nyɛ nɛ e gu lɛɛ e ní lemi nɔ kɛ le Mawu. Se mohu ɔ, sɛ gbi ɔ nɛ wa ngɛ fiɛe nɛ nihi buu kaa kuasiahi a sane ɔ, Mawu to kaa e kɛ ma he ni nɛmɛ nɛ heɔ yeɔ ɔ a yi wami.

1 Korintobi 3:18

Nyɛ ti nɔ ko nɔ ko kó sisi e he. Ke nyɛ ti nɔ ko susuu kaa lɛɛ e le ní pe nɔ tsuaa nɔ ɔ, é pee e he kuasia. Kɛkɛ ɔ, e maa pee ní lelɔ nitsɛnitsɛ.

1 Korintobi 4:10

Kristo he ɔ, wa plɛ kuasiahi, se nyɛɛ lɛɛ nyɛ ba pee ní leli! Wa gbɔjɔ, se nyɛɛ lɛɛ nyɛ he mi ba wa nyɛ! Nyɛ hɛ mi ba nyami, se wɔɔ lɛɛ wa hɛ mi pue si.

1 Korintobi 4:8

Tse nyɛ ná nɔ́ tsuaa nɔ́ nɛ hia nyɛ! Tse nyɛ ná ní momo! Nyɛ ngɛ matsɛ yee, be mi nɛ wɔɔ lɛɛ wa be nɔ́ ko mi; pi jã? I na nɛ nyɛ ngɛ matsɛ yee niinɛ, konɛ waa piɛ nyɛ he kɛ ye.

2 Korintobi 11:19

Nyɛ nitsɛmɛ nyɛ le ní kɛ be nɔ, lɔ ɔ he ɔ, nyɛ naa tsui ha kuasiahi.

2 Korintobi 11:21

E peeɔ mi zo kaa ma de ke wɔɔ lɛɛ fɔ̃li ji wɔ, nɛ wa nyɛ we nɛ waa pee nɔ́ ko kaa jã! Jehanɛ lɛɛ i ngɛ munyu tue kaa kuasia! Níhi nɛ ni kpa amɛ ngɛ fĩae ngɛ he ɔ, imi hu ma fĩa ngɛ he jã nɔuu.

2 Korintobi 11:4

Nɔ tsuaa nɔ nɛ maa ba nyɛ ngɔ kɛkɛ nyɛ he lɛ a tuu. Ke a ba fiɛ Yesu kpa ha nyɛ hu kɛkɛ nyɛ he ye; pohu e kɛ nɔ́ nɛ wa fiɛ ha nyɛ ɔ kɔ we. Mumi ɔ nɛ a wo he si ɔ, nyɛ he ye, pohu pi Mumi Klɔuklɔu ɔ nɛ nyɛ na kɛ je wa dɛ ɔ. Sane kpakpa a nɛ a kɛ ba a hu nyɛ he ye, pohu slo a nɔ́ ɔ ngɛ nɔ́ nɛ wa ba fiɛ ha nyɛ ɔ he.

2 Korintobi 12:11

I ngɛ ye ní pee kaa kuasia; se nyɛ lɛ nyɛ pee mi jã. Nyɛ lɛ nyɛ ko je ye yi; ejakaa ke i pi nɔ ko tete po, jamɛ a ni ɔmɛ nɛ nyɛ buu mɛ bɔfo nguahi ɔ, a pi mi ngɛ nɔ́ ko nɔ́ ko mi.

2 Korintobi 5:13

Anɛ wa ngɛ godo nue niinɛ lo? Lɛɛ Mawu he wa ngɛ godo nue ngɛ mɔ! Se ke wa ngɛ pɛpɛɛpɛ ɔ, lɛɛ e hi ha nyɛ kaa wa ngɛ jã.

Hebribi 5:2

Osɔfo nɔkɔtɔma pe kulaa a nitsɛ ɔ, sé ngɛ e he. Lɔ ɔ he ɔ, e taa bua si ha nihi nɛ li nɔ́ ko mi, kɛ nihi nɛ tlaa blɔ ɔ.

Yoshua 7:7

Yoshua de ke, “Aa, Nyɔmtsɛ Mawu, mɛni he je o kɛ ma a po Yordan pa a kɛ ba hiɛ ɔ kulaa lɛɛ? O kɛ wɔ ba ha Amor bi ɔmɛ nɛ a kpata wa hɛ mi lo? Mɛni he je wa hí Yordan pa a se kɛkɛ?