2 Korintobi 10:8 - BAIBLO ALOO NGMAMI KLƆUKLƆU Ɔ

⁸ Nyɔmtsɛ Yesu Kristo ha wɔ he wami ngɛ nyɛ nɔ, pi nɛ wa kɛ kpata nyɛ hɛ mi, se mohu nɛ wa kɛ ye bua nyɛ. Nɛ e ngɛ mi kaa he blɔ nɛ wa hɛɛ nɛ ɔ ha nɛ i fĩa tsɔ mohu, se kɛ̃ enɛ ɔ pee we mi zo.

Somi He Ɔ

⁸ Ejakaa ke fiami po ma fia kɛ be nɔ ngɛ he blɔ nɛ Nyɔmtsɛ ɔ ngɔ ha wɔ nɛ wa kɛ ha nyɛ nane nɛ nu si nɛ pi kaa waa kɛ ma kpata nyɛ hɛ mi po he ɔ, zo be mi gbee,—

2 Korintobi 10:8 ပူးပေါင်းရင်းမြစ်များ

2 Korintobi 1:24

Wa sume kaa wa maa nyɛ nyɛ nɔ nɛ waa tsɔɔ nɔ́ nɛ sa nɛ nyɛ he ye; wa le kaa nyɛ hɛɛ hemi kɛ yemi ɔ mi wawɛɛ. Mohu ɔ, waa kɛ nyɛ ngɛ ní tsue, konɛ nyɛ na bua jɔmi.

2 Korintobi 10:4

Ta hwumi níhi nɛ wa hɛɛ ɔ, pi he lo mi níhi; se mohu Mawu nitsɛ e ta hwumi ní kpakpahi nɛ a kɛ kuɔ mɔ nguahi. Wa tsiɔ yi mi susumi yayami nya,

2 Korintobi 10:9

I hla we nɛ nihi nɛ susu kaa i ngɛ hlae nɛ ma wo nyɛ he gbeye kɛ womi ɔmɛ nɛ i ngɛ ngmae ɔ.

2 Korintobi 12:19

Nyɛ ko susu kaa pe wa ngɛ mɔde bɔe nɛ wa fa wa he ngɛ nyɛ hɛ mi kɛkɛ. Mawu ji wa we odase kaa wa ngɛ anɔkuale tue kaa Kristo tsɔli. Nyɛmimɛ nɛ wa suɔ! Nɔ́ tsuaa nɔ́ nɛ wa ngɛ pee ɔ, wa ngɛ pee nɛ wa kɛ ye bua nyɛ.

2 Korintobi 12:6

Ke i ke ma fĩa a, lɔ ɔ tsɔɔ we kaa i ngɛ kuasia jee; ejakaa anɔkuale ɔ i ngɛ dee ɔ nɛ. Se i be fĩae. I hla we nɛ nihi nɛ bu mi ngɛ ye nina amɛ a he; nɔ́ nɛ a na nɛ i pee, kɛ nɔ́ nɛ a nu kɛ je ye nya a, a bu mi ngɛ lɔ ɔmɛ mohu a he.

2 Korintobi 13:10

Enɛ ɔ he hu lɛ i ngɛ nyɛ womi nɛ ɔ ngmae benɛ i be nyɛ ngɔ ɔ nɛ. Kɛkɛ ɔ, ke i ba a, e be hiae kaa i kɛ nyɛ nɛ ye wawɛɛ. He wami nɛ Nyɔmtsɛ ɔ ha mi ɔ, pi nɛ ma kɛ kpata nyɛ hɛ mi, se mohu nɛ ma kɛ ye bua nyɛ.

2 Korintobi 13:8

Ejakaa wa blɔ nya ji kaa waa hyɛ nɛ anɔkuale ɔ nɛ gbɛ fĩa; se pi kaa wa maa pee nɔ́ ko kɛ si anɔkuale ɔ.

2 Korintobi 7:14

I je nyɛ yi ha Tito, nɛ nyɛ gbi mi zo. Wa tuɔ nyɛ anɔkuale daa. Jã kɛ̃ ɔ, fiami nɛ wa fĩa fɔ nyɛ nɔ ngɔ tsɔɔ Tito ɔ hu ya pee we lakpa.

2 Korintobi 7:4

I fĩaa ngɔ fɔɔ nyɛ nɔ, ejakaa i ngɛ hemi kɛ yemi babauu ngɛ nyɛ mi. Ngɛ wa haomi ɔmɛ tsuo a mi ɔ, ye nine mi ji wu; ye bua jɔmi mohu lɛ hiɛ kɛ be nɔ.

Galatabi 1:1

Imi bɔfo Paulo, kɛ nyɛmimɛ ɔmɛ kulaa nɛ kɛ mi ngɛ ɔ ngma womi nɛ ɔ ya ha Galatia asafo ɔmɛ. Pi nɔmlɔ nɛ pee mi bɔfo, nɛ pi adesa hu nɔ nɛ a gu kɛ hla mi ke ma ba pee bɔfo, se mohu Yesu Kristo, kɛ Tsɛ Mawu nɛ tle lɛ si kɛ je gbeje ɔ a nɔ i gu kɛ na blɔ nya nɛ ɔ.

2 Timoteo 1:12

nɛ lɔ ɔ he nɛ i ngɛ nɔ́ nae nɛ ɔ nɛ; se kɛ̃ ɔ, ye nine mi wui nyu; ejakaa nɔ nɛ i he ye ɔ, i le lɛ. I heɔ yeɔ kaa sane kpakpa a fiɛmi ɔ nɛ e tu ngɔ wo ye dɛ mi ɔ, e maa bu he kɛ yaa su nyagbe ligbi ɔ.